ជាតិ
អ្នកអភិរក្សនៅសួនសត្វភ្នំតាម៉ៅ ស្នើឲ្យរដ្ឋាភិបាលដំឡើងថ្លៃសំបុត្រចូលទស្សនា
×![]()
តាកែវ៖ លោក និក ម៉ាក នាយកសង្គ្រោះ និងថែរក្សាសត្វព្រៃ នៃអង្គការសម្ព័ន្ធមិត្តសត្វព្រៃ បានស្នើឲ្យរដ្ឋាភិបាល ដំឡើងថ្លៃសំបុត្រចូលទស្សនាឧទ្យានសួនសត្វភ្នំតាម៉ៅ។ ការស្នើដំឡើងថ្លៃនេះ គឺក្នុងបំណងឲ្យឧទ្យានសួនសត្វភ្នំតាម៉ៅ អាចគ្រប់គ្រងបានដោយខ្លួនឯង មិនចាំបាច់ពឹងផ្អែកជំនួយរបស់អង្គការអន្តរជាតិ។ បើតាម លោក និក ម៉ាក កន្លងមក លោកក៏ធ្លាប់ស្នើឲ្យដំឡើងថ្លៃសំបុត្រចូលឧទ្យានសួនសត្វភ្នំតាម៉ៅនេះដែរ ប៉ុន្តែលោកមិនទទួលបានចម្លើយពីរដ្ឋាភិបាលនោះឡើយ។
លោក និក ម៉ាក អ្នកអភិរក្សសត្វព្រៃសួនសត្វភ្នំតាម៉ៅ បានស្នើដល់រដ្ឋបាលព្រៃឈើ និងរដ្ឋាភិបាលជាញឹកញាប់ ឲ្យដំឡើងថ្លៃសំបុត្រចូលទស្សនាភ្នំម៉ៅ ដើម្បីយកប្រាក់ ទៅគ្រប់គ្រងការទិញចំណីសត្វ និងការការពារឧទ្យានសួនសត្វដ៏ធំមួយនេះ។ សម្រាប់អ្នកអភិរក្សដែលបានចំណាយពេលអស់១៤ឆ្នាំនៅសួនសត្វភ្នំតាម៉ៅនេះ ការប្រមូលចំណូលពីការលក់សំបុត្រចូលទស្សនាសត្វព្រៃនៅភ្នំតាម៉ៅបានតិចតួច មិនអាចផ្គត់ផ្គង់ការចំណាយទិញចំណីសត្វ ប្រាក់ខែបុគ្គលិក និងអ្នកការពារសត្វព្រៃបានឡើយ។ តម្លៃសំបុត្រចូលទស្សនាភ្នំតាម៉ៅបច្ចុប្បន្នសម្រាប់ជនជាតិខ្មែរម្នាក់គឺមានតម្លៃ២០០០រៀល និង៥ដុល្លារសម្រាប់ជនបរទេស ខណៈតម្លៃដែលលោកនិក ម៉ាក ចង់បាននោះ គឺសំបុត្រពី១ដុល្លារទៅ២ដុល្លារសម្រាប់ជនជាតិខ្មែរ និងតម្លៃ ១០ដុល្លារសម្រាប់ជនបរទេស។
សូមស្តាប់ប្រសាសន៍របស់ លោក និក ម៉ាក ៖
ក្នុងកិច្ចសម្ភាសន៍ផ្តាច់មុខជាមួយសារព័ត៌មានថ្មីៗ បុរសជនជាតិអង់គ្លេសរូបនេះ ក៏បានបញ្ជាក់ដែរថា លោកនស្នើទៅរដ្ឋាភិបាលជាច្រើនដង អំពីការដំឡើងតម្លៃសំបុត្រនេះ តែលោកមិនដឹងមូលហេតុដែលរដ្ឋាភិបាលមិនព្រមដំឡើងតម្លៃសំបុត្រនោះឡើយ។
សូមបញ្ជាក់ថា ឧទ្យានសួនសត្វភ្នំតាម៉ៅ និងមជ្ឈមណ្ឌលសង្គ្រោះសត្វព្រៃ មានផ្ទៃដី២៣០០ហិចតា ស្ថិតនៅក្នុងឃុំត្រពាំងសាប ស្រុកបាទី ខេត្តតាកែវ ភាគខាងត្បូងរាជធានីភ្នំពេញ ប្រហែល៤០គីឡូម៉ែត្រ។ ឧទ្យានសួនសត្វភ្នំតាម៉ៅ មិនត្រឹមតែជាកន្លែងអភិរក្សសត្វព្រៃដ៏ល្អប៉ុណ្ណោះទេ តែក៏ជាកន្លែងទេសចរណ៍សត្វព្រៃដ៏ពេញនិយមនៅកម្ពុជាដែរ។ ក្នុងនោះ មានសត្វព្រៃចំនួន១២០០ក្បាល និង១០០ប្រភេទ។
ឧទ្យានសួនសត្វភ្នំតាម៉ៅ និងមជ្ឍមណ្ឌលសង្គ្រោះសត្វព្រៃ ក៏ទទួលបានជំនួយពីអង្គការសម្ព័ន្ធមិត្តសត្វព្រៃ(Wildlife Alliance) ចាប់តាំងពីឆ្នាំ២០០១ ។ អង្គការនេះ បានចំណាយថវិកាប្រមាណ៤០ទៅ៥០ម៉ឺនដុល្លារសហរដ្ឋអាមេរិកក្នុងមួយឆ្នាំៗ៕
លោក និក ម៉ាក អ្នកអភិរក្សសត្វព្រៃសួនសត្វភ្នំតាម៉ៅ បានស្នើដល់រដ្ឋបាលព្រៃឈើ និងរដ្ឋាភិបាលជាញឹកញាប់ ឲ្យដំឡើងថ្លៃសំបុត្រចូលទស្សនាភ្នំម៉ៅ ដើម្បីយកប្រាក់ ទៅគ្រប់គ្រងការទិញចំណីសត្វ និងការការពារឧទ្យានសួនសត្វដ៏ធំមួយនេះ។ សម្រាប់អ្នកអភិរក្សដែលបានចំណាយពេលអស់១៤ឆ្នាំនៅសួនសត្វភ្នំតាម៉ៅនេះ ការប្រមូលចំណូលពីការលក់សំបុត្រចូលទស្សនាសត្វព្រៃនៅភ្នំតាម៉ៅបានតិចតួច មិនអាចផ្គត់ផ្គង់ការចំណាយទិញចំណីសត្វ ប្រាក់ខែបុគ្គលិក និងអ្នកការពារសត្វព្រៃបានឡើយ។ តម្លៃសំបុត្រចូលទស្សនាភ្នំតាម៉ៅបច្ចុប្បន្នសម្រាប់ជនជាតិខ្មែរម្នាក់គឺមានតម្លៃ២០០០រៀល និង៥ដុល្លារសម្រាប់ជនបរទេស ខណៈតម្លៃដែលលោកនិក ម៉ាក ចង់បាននោះ គឺសំបុត្រពី១ដុល្លារទៅ២ដុល្លារសម្រាប់ជនជាតិខ្មែរ និងតម្លៃ ១០ដុល្លារសម្រាប់ជនបរទេស។
សូមស្តាប់ប្រសាសន៍របស់ លោក និក ម៉ាក ៖
ក្នុងកិច្ចសម្ភាសន៍ផ្តាច់មុខជាមួយសារព័ត៌មានថ្មីៗ បុរសជនជាតិអង់គ្លេសរូបនេះ ក៏បានបញ្ជាក់ដែរថា លោកនស្នើទៅរដ្ឋាភិបាលជាច្រើនដង អំពីការដំឡើងតម្លៃសំបុត្រនេះ តែលោកមិនដឹងមូលហេតុដែលរដ្ឋាភិបាលមិនព្រមដំឡើងតម្លៃសំបុត្រនោះឡើយ។
សូមបញ្ជាក់ថា ឧទ្យានសួនសត្វភ្នំតាម៉ៅ និងមជ្ឈមណ្ឌលសង្គ្រោះសត្វព្រៃ មានផ្ទៃដី២៣០០ហិចតា ស្ថិតនៅក្នុងឃុំត្រពាំងសាប ស្រុកបាទី ខេត្តតាកែវ ភាគខាងត្បូងរាជធានីភ្នំពេញ ប្រហែល៤០គីឡូម៉ែត្រ។ ឧទ្យានសួនសត្វភ្នំតាម៉ៅ មិនត្រឹមតែជាកន្លែងអភិរក្សសត្វព្រៃដ៏ល្អប៉ុណ្ណោះទេ តែក៏ជាកន្លែងទេសចរណ៍សត្វព្រៃដ៏ពេញនិយមនៅកម្ពុជាដែរ។ ក្នុងនោះ មានសត្វព្រៃចំនួន១២០០ក្បាល និង១០០ប្រភេទ។
ឧទ្យានសួនសត្វភ្នំតាម៉ៅ និងមជ្ឍមណ្ឌលសង្គ្រោះសត្វព្រៃ ក៏ទទួលបានជំនួយពីអង្គការសម្ព័ន្ធមិត្តសត្វព្រៃ(Wildlife Alliance) ចាប់តាំងពីឆ្នាំ២០០១ ។ អង្គការនេះ បានចំណាយថវិកាប្រមាណ៤០ទៅ៥០ម៉ឺនដុល្លារសហរដ្ឋអាមេរិកក្នុងមួយឆ្នាំៗ៕
Tag:
និច ម៉ាក
ភ្នំតាម៉ៅ
សត្វព្រៃ
© រក្សាសិទ្ធិដោយ thmeythmey.com
