ជាតិ
នយោបាយជាតិ
ឯកឧត្តមសម រង្ស៊ី នឹងផ្តល់ការបំភ្លឺតាមអ៊ីនធឺណិត ជុំវិញបណ្តឹងរបស់សម្តេចហ៊ុន សែន
×![]()
ដោយ: ខន ចំប៉ា
ឯកឧត្តម សម រង្ស៊ី នឹងផ្តល់ការបំភ្លឺទៅកាន់តុលាការ តាមរយៈប្រព័ន្ធអ៊ីនធឺណិត ជុំវិញបណ្តឹងរបស់សម្តេចនាយករដ្ឋមន្ត្រីហ៊ុន សែន នៅថ្ងៃទី១៩ ខែសីហាខាងមុននេះ។ តាមរយៈសំណេរ នៅលើទំព័រហ្វេសប៊ុករបស់ខ្លួននៅថ្ងៃអាទិត្យ ទី១៤សីហានេះ ឯកឧត្តម សម រង្ស៊ី បានអះអាងថា លោកនឹងផ្តល់ឲ្យតុលាការនូវហេតុផលទាំងឡាយ ដែលខ្លួនជឿជាក់ថា រដ្ឋាភិបាលជាអ្នកនៅពីក្រោយខ្នងឃាតកម្មលោក កែម ឡី។ 
ឯកឧត្តម សម រង្ស៊ី បានបញ្ជាក់តាមរយៈទំព័រហ្វេសប៊ុករបស់ខ្លួននៅថ្ងៃនេះថា លោកនឹងផ្តល់ការបំភ្លឺទៅកាន់តុលាការតាមរយៈប្រព័ន្ធអ៊ីនធឺណិត (Teleconference) នៅថ្ងៃទី១៩ ខែសីហាខាងមុខ។ ប្រធានគណបក្សសង្គ្រោះរូបនេះ បានសរសេរយ៉ាងដូច្នេះ៖«ខ្ញុំយល់ព្រមទាក់ទងជាមួយតុលាការ តាមរយៈប្រព័ន្ធអ៊ីនធឺណិត (Inteet) គឺតាម Teleconference ដូចអ្វីដែលតុលាការខ្មែរក្រហមបានទាក់ទង ថ្មីៗនេះ ជាមួយសាក្សីមួយចំនួន ដែលមិនស្ថិតនៅរាជធានីភ្នំពេញ»។
ឯកឧត្តម សម រង្ស៊ី ដែលកំពុងតែនិរទេសខ្លួននៅក្រៅប្រទេសនោះ បានអះអាងថា លោក នឹងព្រមផ្តល់ឲ្យតុលាការនូវហេតុផលទាំងឡាយ ដែលលោកជឿជាក់ថា រដ្ឋាភិបាលសម្តេចនាយករដ្ឋមន្ត្រី ហ៊ុន សែន ជាអ្នកនៅពីក្រោយខ្នងឃាតកម្មលោក កែម ឡី។ ក្រៅពីឃាតកម្មលើអ្នកវិភាគដ៏មានប្រជាប្រិយភាព កែម ឡី ប្រធានគណបក្សសង្គ្រោះជាតិដែលកំពុងរងក្តីក្តាំដល់ទៅ៥ ម្នាក់ឯងនោះ ក៏បានបង្ហាញជំនឿថា រដ្ឋាភិបាលក៏ជាអ្នកនៅពីក្រោយខ្នង ការវាយប្រហារដោយគ្រាប់បែកដៃ ក្នុងឆ្នាំ១៩៩៧ ការបាញ់សម្លាប់លោក ជា វិជ្ជា ក្នុងឆ្នាំ២០០៤ រួមនឹងឃាតកម្មលើលោក ឈុត វុទ្ធី កាលពីឆ្នាំ ២០១២ ផងដែរ។
ឯកឧត្តម សម រង្ស៊ី ប្រធានគណបក្សសង្គ្រោះជាតិរូបនេះ ត្រូវបាន អយ្យការអមសាលាដំបូងរាជធានីភ្នំពេញ ចេញដីកាបង្គាប់ឲ្យចូលបំភ្លឺ នៅថ្ងៃទី១៩ សីហាខាងមុខ តាមបណ្តឹងរបស់សម្តេចហ៊ុន សែន។
កាលពីថ្ងៃទី០១ ខែសីហា លោក គី តិច មេធាវីរបស់សម្តេច ហ៊ុន សែន បានដាក់ពាក្យប្តឹងឯកឧត្តម សម រង្ស៊ី និងអ្នកស្រី ថាក់ ឡានី សមាជិកព្រឹទ្ធសភាគណបក្សសម រង្ស៊ី ពាក់ព័ន្ធនឹងករណីឃាតកម្មលើលោក កែម ឡី។ បើតាមលោក គី តិច សម្តេចនាយករដ្ឋមន្ត្រី សម្តេច ហ៊ុន សែន ទាមទារសំណងជំងឺចិត្តពីឯកឧត្តម សម រង្ស៊ី និងអ្នកស្រី ថាក់ ឡានី តែម្នាក់ ១០០ រៀល ប៉ុណ្ណោះ ព្រោះសម្តេចមិនចង់បានប្រាក់នោះឡើយ តែសម្តេចចង់បានតែការបញ្ជាក់ពីភាពស្អាតស្អំសម្រាប់លោក៕
ឯកឧត្តម សម រង្ស៊ី បានបញ្ជាក់តាមរយៈទំព័រហ្វេសប៊ុករបស់ខ្លួននៅថ្ងៃនេះថា លោកនឹងផ្តល់ការបំភ្លឺទៅកាន់តុលាការតាមរយៈប្រព័ន្ធអ៊ីនធឺណិត (Teleconference) នៅថ្ងៃទី១៩ ខែសីហាខាងមុខ។ ប្រធានគណបក្សសង្គ្រោះរូបនេះ បានសរសេរយ៉ាងដូច្នេះ៖«ខ្ញុំយល់ព្រមទាក់ទងជាមួយតុលាការ តាមរយៈប្រព័ន្ធអ៊ីនធឺណិត (Inteet) គឺតាម Teleconference ដូចអ្វីដែលតុលាការខ្មែរក្រហមបានទាក់ទង ថ្មីៗនេះ ជាមួយសាក្សីមួយចំនួន ដែលមិនស្ថិតនៅរាជធានីភ្នំពេញ»។
ឯកឧត្តម សម រង្ស៊ី ដែលកំពុងតែនិរទេសខ្លួននៅក្រៅប្រទេសនោះ បានអះអាងថា លោក នឹងព្រមផ្តល់ឲ្យតុលាការនូវហេតុផលទាំងឡាយ ដែលលោកជឿជាក់ថា រដ្ឋាភិបាលសម្តេចនាយករដ្ឋមន្ត្រី ហ៊ុន សែន ជាអ្នកនៅពីក្រោយខ្នងឃាតកម្មលោក កែម ឡី។ ក្រៅពីឃាតកម្មលើអ្នកវិភាគដ៏មានប្រជាប្រិយភាព កែម ឡី ប្រធានគណបក្សសង្គ្រោះជាតិដែលកំពុងរងក្តីក្តាំដល់ទៅ៥ ម្នាក់ឯងនោះ ក៏បានបង្ហាញជំនឿថា រដ្ឋាភិបាលក៏ជាអ្នកនៅពីក្រោយខ្នង ការវាយប្រហារដោយគ្រាប់បែកដៃ ក្នុងឆ្នាំ១៩៩៧ ការបាញ់សម្លាប់លោក ជា វិជ្ជា ក្នុងឆ្នាំ២០០៤ រួមនឹងឃាតកម្មលើលោក ឈុត វុទ្ធី កាលពីឆ្នាំ ២០១២ ផងដែរ។
ឯកឧត្តម សម រង្ស៊ី ប្រធានគណបក្សសង្គ្រោះជាតិរូបនេះ ត្រូវបាន អយ្យការអមសាលាដំបូងរាជធានីភ្នំពេញ ចេញដីកាបង្គាប់ឲ្យចូលបំភ្លឺ នៅថ្ងៃទី១៩ សីហាខាងមុខ តាមបណ្តឹងរបស់សម្តេចហ៊ុន សែន។
កាលពីថ្ងៃទី០១ ខែសីហា លោក គី តិច មេធាវីរបស់សម្តេច ហ៊ុន សែន បានដាក់ពាក្យប្តឹងឯកឧត្តម សម រង្ស៊ី និងអ្នកស្រី ថាក់ ឡានី សមាជិកព្រឹទ្ធសភាគណបក្សសម រង្ស៊ី ពាក់ព័ន្ធនឹងករណីឃាតកម្មលើលោក កែម ឡី។ បើតាមលោក គី តិច សម្តេចនាយករដ្ឋមន្ត្រី សម្តេច ហ៊ុន សែន ទាមទារសំណងជំងឺចិត្តពីឯកឧត្តម សម រង្ស៊ី និងអ្នកស្រី ថាក់ ឡានី តែម្នាក់ ១០០ រៀល ប៉ុណ្ណោះ ព្រោះសម្តេចមិនចង់បានប្រាក់នោះឡើយ តែសម្តេចចង់បានតែការបញ្ជាក់ពីភាពស្អាតស្អំសម្រាប់លោក៕
Tag:
សម រង្ស៊ី
ហ៊ុន សែន
កែម ឡី
© រក្សាសិទ្ធិដោយ thmeythmey.com
