ជាតិ
×![]()
ដោយ: ថ្មីៗ
សៀមរាប៖ កម្មវិធីជិះកង់សប្បុរសធម៌ ក្រោមពាក្យស្លោក «ជិះកង់ដើម្បីបរិស្ថាន និងសុខភាពកុមារ»លើកទី៣ បានរៀបចំធ្វើនៅថ្ងៃទី១៤ ខែសីហា។ អ្វីដែលពិសេសនោះ គឺថាកម្មវិធីនៅឆ្នាំទី៣នេះ មានមនុស្សចូលរួមរហូតដល់ ៨៥០នាក់។
ក្បួនជិះកង់ក្រោមពាក្យស្លោក «ជិះកង់ដើម្បីបរិស្ថាន និងសុខភាពកុមារ»លើកទី៣ បានចាប់ផ្តើមចេញដំណើរពីស្ពានថ្មផ្សារចាស់ នៅម៉ោងជាង៧ព្រឹក ថ្ងៃទី១៤ សីហា។ ក្បួនកង់មនុស្សធម៌នេះ មានការសម្រួលចរាចរណ៍ពីអាជ្ញាធរ ហើយបន្តដំណើរតាមផ្លូវគោលដៅមួយចំនួន មុននឹងទៅដល់ស្រះស្រង់ ដែលជាគោលដៅចុងក្រោយ។
ថ្លែងទៅកាន់អ្នកចូលរួមទាំំង ៨៥០នាក់ (ទាំងអ្នករៀបចំកម្មវិធី) មុនក្បួនដំណើរចាកចេញ លោកវេជ្ជបណ្ឌិត ងួន ចាន់ភ័ក្ត្រា ប្រធានមន្ទីរពេទ្យកុមារអង្គរ បានកោតសរសើរចំពោះទឹកចិត្តរបស់អ្នកចូលរួម ហើយថានេះជាសកម្មភាពមនុស្សធម៌ដ៏អស្ចារ្យរបស់ប្រជាពលរដ្ឋខ្មែរ។ មន្ទីរពេទ្យកុមារអង្គរ គឺជាមន្ទីរពេទ្យដែលព្យាបាលកុមារក្រីក្រដោយមិនគិតថ្លៃ។ នេះជាការបញ្ជាក់របស់លោកវេជ្ជបណ្ឌិត ទាំងទឹកមុខសប្បាយរីករាយ និងរំភើបនៅចំពោះមុខអ្នកចូលរួមជិះកង់ដែលមានចំនួនច្រើន។
តាមការបញ្ជាក់របស់លោកវេជ្ជបណ្ឌិត កាលពីឆ្នាំទី១ កម្មវិធីជិះកង់មនុស្សធម៌នេះមានអ្នកចូលរួមតែ ៤៧០នាក់តែប៉ុណ្ណោះ ដល់ឆ្នាំទី២ កើនឡើងដល់ប្រមាណ ៥៧០នាក់ ហើយឆ្នាំនេះ គឺកើនឡើងដល់ទៅ ៨៥០នាក់។
លោក ហ៊ុន សុជាតិ ម្ចាស់ក្រុមហ៊ុន Cycling Cambodia ដែលជាអ្នកផ្តើមរៀបចំកម្មវិធីប្រចាំឆ្នាំ រៃអង្គាសថវិកាជួយពេទ្យកុមារអង្គរ បានឲ្យដឹងដែរថា ក្រុមហ៊ុនប្រមាណ៥០ ដែលបានចូលរួមឧបត្ថម្ភកម្មវិធីជិះកង់នៅឆ្នាំទី៣នេះ។ លោកបន្ថែមថា ថវិកាដែលបានពីអ្នកចូលរួមទាំំងអស់ (អ្នកចុះឈ្មោះទាំង ៧៥០នាក់) នឹងត្រូវប្រគល់ដល់មន្ទីរពេទ្យកុមារអង្គរ។ តាមរបាយការណ៍ជាបឋម ថវិកាដែលបានពីការជិះកង់នៅឆ្នាំនេះ គឺមានប្រមាណ ១៥០០០ដុល្លារ។
គួរបញ្ជាក់ថា ក្រៅពីកង្វះថវិកាប្រចាំឆ្នាំហើយនោះ មន្ទីរពេទ្យកុមារអង្គរ ដែលជាមន្ទីរពេទ្យដាច់ដោយឡែកពីមន្ទីរពេទ្យគន្ធបុប្ផា ក៏នៅមានបញ្ហាកង្វះឈាម ដើម្បីត្រៀមជួយសង្គ្រោះជីវិតកុមារផងដែរ។ យោងតាមរបាយការណ៍របស់មន្ទីរពេទ្យ ក្នុងមួយថ្ងៃមានកុមារជាមធ្យម ៥០០នាក់ ដែលចូលទៅព្យាបាលក្នុងមន្ទីរពេទ្យ។ ក្នុងឆ្នាំ២០១៦នេះ មន្ទីរពេទ្យកុមារអង្គរនៅខ្វះថវិកាប្រមាណ ១លានដុល្លារបន្ថែមទៀត ដើម្បីបង្គ្រប់ការចំណាយប្រចាំឆ្នាំរបស់ខ្លួន៕
ក្បួនជិះកង់ក្រោមពាក្យស្លោក «ជិះកង់ដើម្បីបរិស្ថាន និងសុខភាពកុមារ»លើកទី៣ បានចាប់ផ្តើមចេញដំណើរពីស្ពានថ្មផ្សារចាស់ នៅម៉ោងជាង៧ព្រឹក ថ្ងៃទី១៤ សីហា។ ក្បួនកង់មនុស្សធម៌នេះ មានការសម្រួលចរាចរណ៍ពីអាជ្ញាធរ ហើយបន្តដំណើរតាមផ្លូវគោលដៅមួយចំនួន មុននឹងទៅដល់ស្រះស្រង់ ដែលជាគោលដៅចុងក្រោយ។
ថ្លែងទៅកាន់អ្នកចូលរួមទាំំង ៨៥០នាក់ (ទាំងអ្នករៀបចំកម្មវិធី) មុនក្បួនដំណើរចាកចេញ លោកវេជ្ជបណ្ឌិត ងួន ចាន់ភ័ក្ត្រា ប្រធានមន្ទីរពេទ្យកុមារអង្គរ បានកោតសរសើរចំពោះទឹកចិត្តរបស់អ្នកចូលរួម ហើយថានេះជាសកម្មភាពមនុស្សធម៌ដ៏អស្ចារ្យរបស់ប្រជាពលរដ្ឋខ្មែរ។ មន្ទីរពេទ្យកុមារអង្គរ គឺជាមន្ទីរពេទ្យដែលព្យាបាលកុមារក្រីក្រដោយមិនគិតថ្លៃ។ នេះជាការបញ្ជាក់របស់លោកវេជ្ជបណ្ឌិត ទាំងទឹកមុខសប្បាយរីករាយ និងរំភើបនៅចំពោះមុខអ្នកចូលរួមជិះកង់ដែលមានចំនួនច្រើន។
តាមការបញ្ជាក់របស់លោកវេជ្ជបណ្ឌិត កាលពីឆ្នាំទី១ កម្មវិធីជិះកង់មនុស្សធម៌នេះមានអ្នកចូលរួមតែ ៤៧០នាក់តែប៉ុណ្ណោះ ដល់ឆ្នាំទី២ កើនឡើងដល់ប្រមាណ ៥៧០នាក់ ហើយឆ្នាំនេះ គឺកើនឡើងដល់ទៅ ៨៥០នាក់។
លោក ហ៊ុន សុជាតិ ម្ចាស់ក្រុមហ៊ុន Cycling Cambodia ដែលជាអ្នកផ្តើមរៀបចំកម្មវិធីប្រចាំឆ្នាំ រៃអង្គាសថវិកាជួយពេទ្យកុមារអង្គរ បានឲ្យដឹងដែរថា ក្រុមហ៊ុនប្រមាណ៥០ ដែលបានចូលរួមឧបត្ថម្ភកម្មវិធីជិះកង់នៅឆ្នាំទី៣នេះ។ លោកបន្ថែមថា ថវិកាដែលបានពីអ្នកចូលរួមទាំំងអស់ (អ្នកចុះឈ្មោះទាំង ៧៥០នាក់) នឹងត្រូវប្រគល់ដល់មន្ទីរពេទ្យកុមារអង្គរ។ តាមរបាយការណ៍ជាបឋម ថវិកាដែលបានពីការជិះកង់នៅឆ្នាំនេះ គឺមានប្រមាណ ១៥០០០ដុល្លារ។
គួរបញ្ជាក់ថា ក្រៅពីកង្វះថវិកាប្រចាំឆ្នាំហើយនោះ មន្ទីរពេទ្យកុមារអង្គរ ដែលជាមន្ទីរពេទ្យដាច់ដោយឡែកពីមន្ទីរពេទ្យគន្ធបុប្ផា ក៏នៅមានបញ្ហាកង្វះឈាម ដើម្បីត្រៀមជួយសង្គ្រោះជីវិតកុមារផងដែរ។ យោងតាមរបាយការណ៍របស់មន្ទីរពេទ្យ ក្នុងមួយថ្ងៃមានកុមារជាមធ្យម ៥០០នាក់ ដែលចូលទៅព្យាបាលក្នុងមន្ទីរពេទ្យ។ ក្នុងឆ្នាំ២០១៦នេះ មន្ទីរពេទ្យកុមារអង្គរនៅខ្វះថវិកាប្រមាណ ១លានដុល្លារបន្ថែមទៀត ដើម្បីបង្គ្រប់ការចំណាយប្រចាំឆ្នាំរបស់ខ្លួន៕
Tag:
មន្ទីរពេទ្យកុមារអង្គរ
© រក្សាសិទ្ធិដោយ thmeythmey.com
