អន្តរជាតិ
អាមេរិក និងកូរ៉េខាងត្បូង ប្រតិកម្មកូរ៉េខាងជើងដែលដំណើការចម្រាញ់ភ្លុយតូនីញ៉ូមឡើងវិញ
×![]()
ដោយ: តន ចាន់រិទ្ធារ៉ា
បន្ទាប់ពីកូរ៉េខាងជើងអះអាងថា ខ្លួនបានចាប់ផ្ដើមដំណើការផលិតសារធាតុភ្លុយតូនីញ៉ូមឡើងវិញមក អាមេរិក និងកូរ៉េខាងត្បូង បានបង្ហាញការមិនសប្បាយចិត្ត និងប្រតិកម្មខ្លាំងៗចំពោះបញ្ហានេះ។ ទាំងអាមេរិក និងកូរ៉េខាងត្បូង ក៏ទាមទារឲ្យកូរ៉េខាងជើង បោះបង់កម្មវិធីអភិវឌ្ឍនុយក្លេអ៊ែររបស់ខ្លួនចោលទៀតផង ចៀសវាងធ្វើឲ្យស្ថានការណ៍នៅឧបទ្វីបកូរ៉េកាន់តែតានតឹង។
សហរដ្ឋអាមេរិក និងកូរ៉េខាងត្បូង បានព្រលះការអះអាងរបស់រដ្ឋកុម្មុយនីស្តកូរ៉េខាងជើង ដែលបានចាប់ផ្ដើមការចម្រាញ់សារធាតុភ្លុយតូនីញ៉ូម ដើម្បីឈានទៅការផលិតអាវុធនុយក្លេអ៊ែរ។ កូរ៉េខាងជើង ដែលបានបាញ់មីស៊ីល និងសាកល្បងអាវុធនុយក្លេអ៊ែរជាច្រើនលើកមកនោះ បានប្រាប់គេឯងពី ដំណើការផលិតសារធាតុនេះនៅរោងចក្រថាមពលនុយក្លេអ៊ែររបស់ខ្លួន។
ក្នុងសន្និសីទកាសែតប្រចាំថ្ងៃទី១៨ ខែសីហា អ្នកនាំពាក្យក្រសួងការពារជាតិកូរ៉េខាងត្បូង លោក Moon Sang-gyun និយាយថា ប្រសិនបើកូរ៉េខាងជើងពិតជាបានផលិតសារធាតុភ្លុយតូនីញ៉ូមដូចការរាយការណ៍មែន វាជារឿងខុសសេចក្ដីសម្រេចរបស់ក្រុមប្រឹក្សាសន្តិសុខ ដែលហាមកូរ៉េខាងជើង ធ្វើសកម្មភាពទាំងអស់ពាក់ព័ន្ធនឹងនុយក្លេអ៊ែរ។ លោកបន្តថា រដ្ឋាភិបាលក្រុងសេអ៊ូល នឹងពិភាក្សាជាមួយភាគីផ្សេងទៀត ដើម្បីឆ្លងតបនឹងសកម្មភាពនេះ។
នៅថ្ងៃទី១៧ ខែសីហា ទីភ្នាក់ងាព័ត៌មាន Kyodo រាយការណ៍ពីដំណើការផលិតសារធាតុភ្លុយតូនីញ៉ូមរបស់កូរ៉េខាងជើង តាមរយៈការអះអាងរបស់វិទ្យាស្ថានថាមពលអាតូមិករបស់កូរ៉េខាងជើង។ វិទ្យាស្ថានេះអះអាងថា ខ្លួនបានដំណើការរ៉េអាក់ទ័រ ហើយថែមទាំងផលិតសារធាតុអ៊ុយរ៉ាញ៉ូម ចាំបាច់សម្រាប់ថាមពល និងអាវុធនុយក្លេអ៊ែរទៀតផង។
យោងតាមសារព័ត៌មាន The Japanese Time វិទ្យាស្ថានការខាងលើ ទទួលបន្ទុកលើការងារនៅរោងចក្របរិក្ខារនុយក្លេអ៊ែរ Nyongbyon ដែលជារោងចក្រនុយក្លេអ៊ែរសំខាន់មួយរបស់កូរ៉េខាងជើង។ ហើយនោះ ក៏ជាលើកទីមួយដែលស្ថាប័នធំនេះ ឆ្លើយតបនឹងសំណួររបស់អ្នកកាសែតបរទេស ពាក់ព័ន្ធនឹងនុយក្លេអ៊ែរបែបបនេះ។
ក្រៅពីរងការរិះគន់របស់កូរ៉េខាងត្បូង អាមេរិកក៏បានប្រតិកម្មខ្លាំងៗជុំវិញបញ្ហានេះផងដែរ។ លោក Mark Toner អ្នកនាំពាក្យរងក្រសួងការបរទសអាមេរិក និយាយដែរថា អាមេរិក បានដឹងពីព័ត៌មានទាំងនេះ ហើយប្រសិននេះជាការពិត វាជាការល្មើសនឹងបម្រាមអង្គការសហប្រជាជាតិច្បាស់ក្រឡែត ហើយនឹងធ្វើឲ្យប្រទេសនេះ រងការដាក់ទណ្ឌកម្មបន្ថែមទៀតពីសហគមន៍អន្តរជាតិមិនខាន។
សហរដ្ឋអាមេរិក និងកូរ៉េខាងត្បូង បានព្រលះការអះអាងរបស់រដ្ឋកុម្មុយនីស្តកូរ៉េខាងជើង ដែលបានចាប់ផ្ដើមការចម្រាញ់សារធាតុភ្លុយតូនីញ៉ូម ដើម្បីឈានទៅការផលិតអាវុធនុយក្លេអ៊ែរ។ កូរ៉េខាងជើង ដែលបានបាញ់មីស៊ីល និងសាកល្បងអាវុធនុយក្លេអ៊ែរជាច្រើនលើកមកនោះ បានប្រាប់គេឯងពី ដំណើការផលិតសារធាតុនេះនៅរោងចក្រថាមពលនុយក្លេអ៊ែររបស់ខ្លួន។
ក្នុងសន្និសីទកាសែតប្រចាំថ្ងៃទី១៨ ខែសីហា អ្នកនាំពាក្យក្រសួងការពារជាតិកូរ៉េខាងត្បូង លោក Moon Sang-gyun និយាយថា ប្រសិនបើកូរ៉េខាងជើងពិតជាបានផលិតសារធាតុភ្លុយតូនីញ៉ូមដូចការរាយការណ៍មែន វាជារឿងខុសសេចក្ដីសម្រេចរបស់ក្រុមប្រឹក្សាសន្តិសុខ ដែលហាមកូរ៉េខាងជើង ធ្វើសកម្មភាពទាំងអស់ពាក់ព័ន្ធនឹងនុយក្លេអ៊ែរ។ លោកបន្តថា រដ្ឋាភិបាលក្រុងសេអ៊ូល នឹងពិភាក្សាជាមួយភាគីផ្សេងទៀត ដើម្បីឆ្លងតបនឹងសកម្មភាពនេះ។
នៅថ្ងៃទី១៧ ខែសីហា ទីភ្នាក់ងាព័ត៌មាន Kyodo រាយការណ៍ពីដំណើការផលិតសារធាតុភ្លុយតូនីញ៉ូមរបស់កូរ៉េខាងជើង តាមរយៈការអះអាងរបស់វិទ្យាស្ថានថាមពលអាតូមិករបស់កូរ៉េខាងជើង។ វិទ្យាស្ថានេះអះអាងថា ខ្លួនបានដំណើការរ៉េអាក់ទ័រ ហើយថែមទាំងផលិតសារធាតុអ៊ុយរ៉ាញ៉ូម ចាំបាច់សម្រាប់ថាមពល និងអាវុធនុយក្លេអ៊ែរទៀតផង។
យោងតាមសារព័ត៌មាន The Japanese Time វិទ្យាស្ថានការខាងលើ ទទួលបន្ទុកលើការងារនៅរោងចក្របរិក្ខារនុយក្លេអ៊ែរ Nyongbyon ដែលជារោងចក្រនុយក្លេអ៊ែរសំខាន់មួយរបស់កូរ៉េខាងជើង។ ហើយនោះ ក៏ជាលើកទីមួយដែលស្ថាប័នធំនេះ ឆ្លើយតបនឹងសំណួររបស់អ្នកកាសែតបរទេស ពាក់ព័ន្ធនឹងនុយក្លេអ៊ែរបែបបនេះ។
ក្រៅពីរងការរិះគន់របស់កូរ៉េខាងត្បូង អាមេរិកក៏បានប្រតិកម្មខ្លាំងៗជុំវិញបញ្ហានេះផងដែរ។ លោក Mark Toner អ្នកនាំពាក្យរងក្រសួងការបរទសអាមេរិក និយាយដែរថា អាមេរិក បានដឹងពីព័ត៌មានទាំងនេះ ហើយប្រសិននេះជាការពិត វាជាការល្មើសនឹងបម្រាមអង្គការសហប្រជាជាតិច្បាស់ក្រឡែត ហើយនឹងធ្វើឲ្យប្រទេសនេះ រងការដាក់ទណ្ឌកម្មបន្ថែមទៀតពីសហគមន៍អន្តរជាតិមិនខាន។
Tag:
អាមេរិក
កូរ៉េខាងត្បូង
កូរ៉េខាងជើង
© រក្សាសិទ្ធិដោយ thmeythmey.com
