ជាតិ
សិល្បះ
×![]()
ភ្នំពេញ៖ ក្រុមសិល្បៈខ្មែរអមតៈ សហការជាមួយក្រុមយុវជនរីកសាយ បានរៀបចំកម្មវិធីមហោស្រពរបាំសហសម័យ «ចលនាចងចាំ» ជាលើកទី២ ដែលនឹងរៀបចំរយៈពេល៤រាត្រី។ មហោស្រពនេះ ផ្តល់ឱកាសដល់សិល្បករវ័យក្មេង បង្ហាញស្នាដៃថ្មីៗរបស់ពួកគេ ទៅកាន់ទស្សនិកជន និងរួមចំណែកក្នុងការកសាងសង្គមសន្តិភាព។
ក្រុមសិល្បៈខ្មែរអមតៈ សហការជាមួយក្រុមយុវជនរីកសាយ បានរៀបចំកម្មវិធីមហោស្រពរបាំសហសម័យ «ចលនាចងចាំ» ជាលើកទី២ ក្នុងគោលបំណងផ្សព្វផ្សាយទម្រង់សិល្បៈខ្មែរ និងចូលរួមអភិរក្សនៅទម្រង់សិល្បៈខ្មែរមួយប្រភេទនេះឲ្យមហាជនបានស្គាល់កាន់តែទូលំទូលាយ។ របាំសហសម័យ គឺជាទម្រង់របាំមួយ ដែលមានការច្របាច់បញ្ជូលគ្នា រវាងរបាំសម័យ និងរបាំបុរាណ។
អ្នកស្រី យ៉ុន សុខខន ជាអ្នកសម្របសម្រួលកម្មវិធី នៃក្រុមសិល្បៈខ្មែរអមតៈ បានបង្ហាញថា ការរៀបចំកម្មវិធីនេះ បានផ្សារភ្ជាប់អ្នកទស្សនាជាមួយនឹងសិល្បៈ ដើម្បីយល់ដឹងបន្ថែមទៅលើសារសំខាន់នៃសិល្បៈ និងការចូលរួមកសាងសង្គម ប្រកបដោយសុខសន្តិភាព។ កញ្ញា យ៉ុន សុខខន បានបន្ថែមថា មហោស្រពនេះ ចង់បង្កើនទំនាក់ទំនងរវាងយុវជន ឲ្យមានការចូលរួមច្រើន និងសម្រាប់សិល្បករវ័យក្មេងក្នុងប្រទេសកម្ពុជាផងដែរ។
បន្ថែមលើនេះ មហោស្រពរបាំសហសម័យ មានការចូលរួមសម្ដែងដោយ ក្រុមនាដកាសហសម័យ សិល្បករថ្មីនៃកម្ពុជា និងក្រុមសិល្បករមកពីអង្គការ អេពិកអាត ដែលប្រើក្បាច់រាំ ដើម្បីស្វែងរកការចងចាំពីអតីតកាលរបស់ពួកគេ ហើយក៏ការសម្ដែងដែលបញ្ជាក់អំពីរបបប្រល័យពូជសាសន៍ប៉ុលពត(សម័យខ្មែរក្រហម)ផងដែរ។
មហោស្រពរបាំសហសម័យ «ចលនាចងចាំ»លើកទី២ នឹងត្រូវរៀបចំឡើងរយៈពេល៤រាត្រីចាប់ពីថ្ងៃទី០១ ដល់ថ្ងៃទី០៤ ខែកញ្ញា ឆ្នាំ២០១៦ ជាមួយនឹងការសម្តែងឈុតឆាកផ្សេងគ្នា។ សំបុត្រចូលរួមទស្សនា មានតម្លៃ ១ម៉ឺនរៀល ដែលមានលក់នៅការិយាល័យសិល្បៈខ្មែរអមតៈ សារមន្ទីរជាតិ សកលវិទ្យាល័យបញ្ញាសាស្ត្រកម្ពុជា និងសកលវិទ្យាល័យភ្នំពេញអាមេរិក។
កម្មវិធីថ្ងៃទី១ ខែកញ្ញា នឹងប្រព្រឹត្តទៅ នាសកលវិទ្យាល័យភ្នំពេញអាមេរិក ចាប់ពីម៉ោង ៥កន្លះ ដល់ ៧ យប់ ថ្ងៃទី២ ខែកញ្ញា នៅសកលវិទ្យាល័យបញ្ញាសាស្ត្រកម្ពុជា ចាប់ពីម៉ោង ៦ ដល់ ៧កន្លះយប់។ ដោយឡែកនៅថ្ងៃទី ៣ និងទី៤ ខែកញ្ញា នឹងប្រព្រឹត្តនៅសារមន្ទីរជាតិ ចាប់ពីម៉ោង ៧ ដល់៨ យប់៕
ក្រុមសិល្បៈខ្មែរអមតៈ សហការជាមួយក្រុមយុវជនរីកសាយ បានរៀបចំកម្មវិធីមហោស្រពរបាំសហសម័យ «ចលនាចងចាំ» ជាលើកទី២ ក្នុងគោលបំណងផ្សព្វផ្សាយទម្រង់សិល្បៈខ្មែរ និងចូលរួមអភិរក្សនៅទម្រង់សិល្បៈខ្មែរមួយប្រភេទនេះឲ្យមហាជនបានស្គាល់កាន់តែទូលំទូលាយ។ របាំសហសម័យ គឺជាទម្រង់របាំមួយ ដែលមានការច្របាច់បញ្ជូលគ្នា រវាងរបាំសម័យ និងរបាំបុរាណ។
អ្នកស្រី យ៉ុន សុខខន ជាអ្នកសម្របសម្រួលកម្មវិធី នៃក្រុមសិល្បៈខ្មែរអមតៈ បានបង្ហាញថា ការរៀបចំកម្មវិធីនេះ បានផ្សារភ្ជាប់អ្នកទស្សនាជាមួយនឹងសិល្បៈ ដើម្បីយល់ដឹងបន្ថែមទៅលើសារសំខាន់នៃសិល្បៈ និងការចូលរួមកសាងសង្គម ប្រកបដោយសុខសន្តិភាព។ កញ្ញា យ៉ុន សុខខន បានបន្ថែមថា មហោស្រពនេះ ចង់បង្កើនទំនាក់ទំនងរវាងយុវជន ឲ្យមានការចូលរួមច្រើន និងសម្រាប់សិល្បករវ័យក្មេងក្នុងប្រទេសកម្ពុជាផងដែរ។
បន្ថែមលើនេះ មហោស្រពរបាំសហសម័យ មានការចូលរួមសម្ដែងដោយ ក្រុមនាដកាសហសម័យ សិល្បករថ្មីនៃកម្ពុជា និងក្រុមសិល្បករមកពីអង្គការ អេពិកអាត ដែលប្រើក្បាច់រាំ ដើម្បីស្វែងរកការចងចាំពីអតីតកាលរបស់ពួកគេ ហើយក៏ការសម្ដែងដែលបញ្ជាក់អំពីរបបប្រល័យពូជសាសន៍ប៉ុលពត(សម័យខ្មែរក្រហម)ផងដែរ។
មហោស្រពរបាំសហសម័យ «ចលនាចងចាំ»លើកទី២ នឹងត្រូវរៀបចំឡើងរយៈពេល៤រាត្រីចាប់ពីថ្ងៃទី០១ ដល់ថ្ងៃទី០៤ ខែកញ្ញា ឆ្នាំ២០១៦ ជាមួយនឹងការសម្តែងឈុតឆាកផ្សេងគ្នា។ សំបុត្រចូលរួមទស្សនា មានតម្លៃ ១ម៉ឺនរៀល ដែលមានលក់នៅការិយាល័យសិល្បៈខ្មែរអមតៈ សារមន្ទីរជាតិ សកលវិទ្យាល័យបញ្ញាសាស្ត្រកម្ពុជា និងសកលវិទ្យាល័យភ្នំពេញអាមេរិក។
កម្មវិធីថ្ងៃទី១ ខែកញ្ញា នឹងប្រព្រឹត្តទៅ នាសកលវិទ្យាល័យភ្នំពេញអាមេរិក ចាប់ពីម៉ោង ៥កន្លះ ដល់ ៧ យប់ ថ្ងៃទី២ ខែកញ្ញា នៅសកលវិទ្យាល័យបញ្ញាសាស្ត្រកម្ពុជា ចាប់ពីម៉ោង ៦ ដល់ ៧កន្លះយប់។ ដោយឡែកនៅថ្ងៃទី ៣ និងទី៤ ខែកញ្ញា នឹងប្រព្រឹត្តនៅសារមន្ទីរជាតិ ចាប់ពីម៉ោង ៧ ដល់៨ យប់៕
Tag:
របាំ
យុវជន
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
