ព្រះសង្ឃ៣៧អង្គ និងកូនសិស្ស២នាក់ ត្រូវបញ្ជូនទៅសង្គ្រោះបន្ទាន់ ដោយសារពុលចង្ហាន់

ជាតិ

ព្រះសង្ឃ៣៧អង្គ និងកូនសិស្ស២នាក់ ត្រូវបញ្ជូនទៅសង្គ្រោះបន្ទាន់ ដោយសារពុលចង្ហាន់

30, Aug 2016 , 12:02 pm

រូបភាព

ដោយ: ថ្មីៗ

ស្នងការនគរបាលខេត្តកំពង់ចាមលោក បែន រ័ត្ន បានឲ្យដឹងថា ព្រះសង្ឃចំនួន៣៧ អង្គ ដែលគង់នៅវត្តបារាយណ៍ ស្រុកស្រីសន្ធរ ខេត្តកំពង់ចាម និងកូនសិស្សលោកចំនួន២នាក់ បានពុ លចង្ហាន់ថ្ងៃត្រង់កាលពីថ្ងៃទី២៩ សីហា ដែលត្រូវបានបញ្ជូនទៅមន្ទីពេទ្យសង្គ្រោះបន្ទាន់។ នេះបើតាមអគ្គស្នងការដ្ឋាននគរបាលជាតិ។

លោក បែន រ័ត្ន បានបន្ថែមថា ក្រោយពីទទួលចង្ហាន់ត្រង់ហើយ ព្រះសង្ឃ៣៧អង្គ និងកូនសិស្សពីរនាក់នោះ បានចាប់ផ្តើមមានអាការរាគ ក្អួតចង្អោរ និងចុកពោះជាបន្តបន្ទាប់យ៉ាងធ្ងន់ធ្ងរ ទើបត្រូវបញ្ជូនទៅសង្គ្រោះបន្ទាន់បែបនេះ។ បើតាមលោក បែន រ័ត្ន ព្រះសង្ឃនិងកូនសិស្សទាំងនោះ មិនមានគ្រោះថ្នាក់ដល់អាយុជីវិតនោះទេ។ ហើយនៅពេលនេះក្រុមមន្ត្រីជំនាញ បានសហការជាមួយមន្ត្រីសុខាភិបាល ដោយធ្វើការស្រាវជ្រាវរកមូលហេតុ ដែលនាំឲ្យព្រះសង្ឃ និងកូនសិស្សពុលនេះ៕