អន្តរជាតិ
នយោបាយអន្តរជាតិ
លោកស្រីប្រធានាធិបតីកូរ៉េខាងត្បូង ប៉ាក ហ្គឺនហេ ។ រូបថត Yonhap
×![]()
ដោយ: តន ចាន់រិទ្ធារ៉ា
បន្ទាប់ពីកូរ៉េខាងជើង បាញ់សាកល្បងមីស៊ីលបាលីស្ទិកចេញពីនាវាមុជទឹករួចមក សមាជិកសភាកូរ៉េខាងត្បូង ក៏បានរួមគ្នាសើ្នរដ្ឋាភិបាលលោកស្រីប្រធានាធិបតី ប៉ាក ហ្គឺនហេ ឲ្យបង្កើនសមត្ថភាពកងទ័ពតាមរយៈការប្រើប្រាស់នាវាមុជទឹកប្រើថាមពលនុយក្លេអ៊ែរ ដើម្បីឆ្លើយតបនឹងសកម្មភាពរបស់ក្រុងព្យុងយ៉ាង។ យ៉ាងណាក្ដី យោធាកូរ៉េខាងត្បូង បញ្ជាក់វិញថា ខ្លួនគ្មានផែនការទិញនាវាមុជទឹកនោះឡើយ។
សូមស្ដាប់ព័ត៌មានលម្អិត៖
ឆ្លើយតបនឹងសំណើសមាជិកសភា ក្រសួងការពារជាតិកូរ៉េខាងត្បូង នៅថ្ងៃទី២៩ ខែសីហា និយាយថា ខ្លួនមិនមានផែនការបញ្ជាទិញនាវាមុជទឹកប្រើថាមពលនុយក្លអ៊ែរ ដើម្បីទប់ទល់ការគំរាមកំហែងពីសំណាក់កូរ៉េខាងជើងឡើយ។ សំណើខាងលើធ្វើឡើង បន្ទាប់ពីកូរ៉េខាងជើង បានបាញ់មីស៊ីលចេញពីនាវាមុជទឹក ដែលអាចរត់ដល់ទៅចម្ងាយ៥០០គីឡូម៉ែត និងត្រូវចាត់ទុកជាការរីកចម្រើនទៅមុខមួយជំហានទៀតរបស់រដ្ឋកុម្មុយនីស្តមួយនេះ។
ការសាកល្បងកាលពីសប្ដាហ៍មុន ធ្វើឲ្យក្រុងសេអ៊ូលបារម្ភយ៉ាងខ្លាំង ដ្បិតមីស៊ីលដែលបាញ់ចេញពីនាវាមុជទឹកនោះ មិនងាយនឹងត្រូវរ៉ាដាចាប់បានឡើយ ដែលនេះផ្ទុយពីមីស៊ីលបាញ់ចេញពីជើងទម្រលើដី ងាយស្រួលចាប់ដានបាន។ ដោយសារតែបញ្ហានេះ ទើបសមាជិកសភា១២រូបមកពីគណបក្សកាន់អំណាច Saenuri នៅថ្ងៃទី២៨ ខែសីហា ស្នើឲ្យទិញនាវាមុជទឹកដែរ ដើម្បីការពារសន្តិសុខប្រទេស ពីការគំរាមកំហែងរបស់កូរ៉េខាងជើង។
យ៉ាងណាមិញ យោងតាមកាសែត Jakarta Post ក្រសួងការពារជាតិកូរ៉េខាងត្បូង បញ្ជាក់ដែរថា នឹងមិនមានផែនការទិញនោះឡើយ ប៉ុន្តែមិនបានប្រាប់មូលហេតុអ្វីទេ។ ប៉ុន្តែគេអាចយល់បានថា ការទិញនាវាមុជទឹកមកប្រើប្រាស់ ជារឿងគួរឲ្យរសើបសម្រាប់ក្រុងសេអ៊ូល ដ្បិតវាច្បាស់ណាស់ថា ក្រុងព្យុងយ៉ាង នឹងប្រឆាំងដាច់ខាតនឹងបញ្ហានេះ។ ហើយដូចរាល់ដងនោះ ក្រុងព្យុងយ៉ាង នឹងចាត់ទុកជារឿងជាការបង្កហេតុ ព្រមទាំងអាចបង្កជាការតានតឹងនៅឧបទ្វីបកូរ៉េទៀតផង។
មិនត្រឹមតែកូរ៉េខាងជើងទេ សូម្បីតែចិន និងអាមេរិកជាសម្ព័ន្ធមិត្តចាក់ទឹកមិនលិច ក៏ទំនងជាមិនពេញចិត្តនឹងផែនការខាងលើនេះដែរ ប្រសិនបើលេចជារូបរាងមែននោះ។ នាពេលកន្លងមក ក្រុងប៉េកាំង មិនសូវពេញចិត្តនឹងការបង្កើនការប្រជែងសព្វាវុធនៅឧបទ្វីបកូរ៉េឡើយ ហើយសូម្បីតែការពង្រាយប្រព័ន្ធការពារអាកាសដោយកូរ៉េខាងត្បូង ក៏ចិនប្រឆាំងដែរ និងទាមទារឲ្យលុបចោលទៀតផង។
ចំពោះអាមេរិកវិញ កងទ័ពចំនួនជិតបីម៉ឺននាក់ដែលតាំងនៅកូរ៉េខាងត្បូងតាំងពីបញ្ចប់សង្គ្រាមលោកលើកទីពីរមកនោះ ក៏អាចធ្វើឲ្យកូរ៉េខាងជើងញញើតនឹងឈ្លានពានកូរ៉េខាងត្បូងដែរ។ មួយវិញទៀតនោះ អាមេរិកមិនមែនមិនចង់ឲ្យកូរ៉េខាងត្បូងមាននាវាមុជទឹក ដើម្បីការពារខ្លួននោះទេ ប៉ុន្តែវាអាចប៉ះពាល់ដល់សន្តិសុខតំបន់ ដ្បិតអាចធ្វើឲ្យចិនខឹងខ្លាំង ដែលនេះមិនមែនជារឿងល្អនោះទេ៕
សូមស្ដាប់ព័ត៌មានលម្អិត៖
ឆ្លើយតបនឹងសំណើសមាជិកសភា ក្រសួងការពារជាតិកូរ៉េខាងត្បូង នៅថ្ងៃទី២៩ ខែសីហា និយាយថា ខ្លួនមិនមានផែនការបញ្ជាទិញនាវាមុជទឹកប្រើថាមពលនុយក្លអ៊ែរ ដើម្បីទប់ទល់ការគំរាមកំហែងពីសំណាក់កូរ៉េខាងជើងឡើយ។ សំណើខាងលើធ្វើឡើង បន្ទាប់ពីកូរ៉េខាងជើង បានបាញ់មីស៊ីលចេញពីនាវាមុជទឹក ដែលអាចរត់ដល់ទៅចម្ងាយ៥០០គីឡូម៉ែត និងត្រូវចាត់ទុកជាការរីកចម្រើនទៅមុខមួយជំហានទៀតរបស់រដ្ឋកុម្មុយនីស្តមួយនេះ។
ការសាកល្បងកាលពីសប្ដាហ៍មុន ធ្វើឲ្យក្រុងសេអ៊ូលបារម្ភយ៉ាងខ្លាំង ដ្បិតមីស៊ីលដែលបាញ់ចេញពីនាវាមុជទឹកនោះ មិនងាយនឹងត្រូវរ៉ាដាចាប់បានឡើយ ដែលនេះផ្ទុយពីមីស៊ីលបាញ់ចេញពីជើងទម្រលើដី ងាយស្រួលចាប់ដានបាន។ ដោយសារតែបញ្ហានេះ ទើបសមាជិកសភា១២រូបមកពីគណបក្សកាន់អំណាច Saenuri នៅថ្ងៃទី២៨ ខែសីហា ស្នើឲ្យទិញនាវាមុជទឹកដែរ ដើម្បីការពារសន្តិសុខប្រទេស ពីការគំរាមកំហែងរបស់កូរ៉េខាងជើង។
យ៉ាងណាមិញ យោងតាមកាសែត Jakarta Post ក្រសួងការពារជាតិកូរ៉េខាងត្បូង បញ្ជាក់ដែរថា នឹងមិនមានផែនការទិញនោះឡើយ ប៉ុន្តែមិនបានប្រាប់មូលហេតុអ្វីទេ។ ប៉ុន្តែគេអាចយល់បានថា ការទិញនាវាមុជទឹកមកប្រើប្រាស់ ជារឿងគួរឲ្យរសើបសម្រាប់ក្រុងសេអ៊ូល ដ្បិតវាច្បាស់ណាស់ថា ក្រុងព្យុងយ៉ាង នឹងប្រឆាំងដាច់ខាតនឹងបញ្ហានេះ។ ហើយដូចរាល់ដងនោះ ក្រុងព្យុងយ៉ាង នឹងចាត់ទុកជារឿងជាការបង្កហេតុ ព្រមទាំងអាចបង្កជាការតានតឹងនៅឧបទ្វីបកូរ៉េទៀតផង។
មិនត្រឹមតែកូរ៉េខាងជើងទេ សូម្បីតែចិន និងអាមេរិកជាសម្ព័ន្ធមិត្តចាក់ទឹកមិនលិច ក៏ទំនងជាមិនពេញចិត្តនឹងផែនការខាងលើនេះដែរ ប្រសិនបើលេចជារូបរាងមែននោះ។ នាពេលកន្លងមក ក្រុងប៉េកាំង មិនសូវពេញចិត្តនឹងការបង្កើនការប្រជែងសព្វាវុធនៅឧបទ្វីបកូរ៉េឡើយ ហើយសូម្បីតែការពង្រាយប្រព័ន្ធការពារអាកាសដោយកូរ៉េខាងត្បូង ក៏ចិនប្រឆាំងដែរ និងទាមទារឲ្យលុបចោលទៀតផង។
ចំពោះអាមេរិកវិញ កងទ័ពចំនួនជិតបីម៉ឺននាក់ដែលតាំងនៅកូរ៉េខាងត្បូងតាំងពីបញ្ចប់សង្គ្រាមលោកលើកទីពីរមកនោះ ក៏អាចធ្វើឲ្យកូរ៉េខាងជើងញញើតនឹងឈ្លានពានកូរ៉េខាងត្បូងដែរ។ មួយវិញទៀតនោះ អាមេរិកមិនមែនមិនចង់ឲ្យកូរ៉េខាងត្បូងមាននាវាមុជទឹក ដើម្បីការពារខ្លួននោះទេ ប៉ុន្តែវាអាចប៉ះពាល់ដល់សន្តិសុខតំបន់ ដ្បិតអាចធ្វើឲ្យចិនខឹងខ្លាំង ដែលនេះមិនមែនជារឿងល្អនោះទេ៕
Tag:
កូរ៉េខាងត្បូង
កូរ៉េខាងជើង
នុយក្លេអ៊ែរ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
