អន្តរជាតិ
លោក Obama គ្រោងជួបលោក Duterte «សម្ព័ន្ធមិត្តតាមសន្ធិសញ្ញា» ជាលើកដំបូងនៅឡាវ
×![]()
ប្រធានាធិបតីអាមេរិក លោក បារ៉ាក់ អូបាម៉ា នឹងបំពេញទស្សនកិច្ចនៅក្នុងក្រុងវៀងចន្ទន៍នៃប្រទេសឡាវដើម្បីចូលរួមកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធលើកទី២៨និង២៩នៅថ្ងៃទី០៦-០៨ ខែកញ្ញាខាងមុខដ៏ខ្លីនេះហើយ។ នាឱកាសនេះ លោកប្រធានាធិបតី ក៏រំពឹងថា នឹងជួបជាមួយនឹងប្រធានាធិបតីថ្មីហ្វីលីពីនលោក រ៉ូឌ្រីហ្គូ ឌើទើតេ ដែលជាសម្ព័ន្ធមិត្តតាមរយៈសន្ធិសញ្ញាជាលើកដំបូងនៅទីនោះផងដែរ។
មន្ត្រីជាន់ខ្ពស់សេតវិមានអាមេរិកលោក BEN RHODES បានថ្លែងនៅក្នុងសន្និសីទតាមរយៈទូរសព្ទយ៉ាងដូច្នេះថា «យើងរំពឹងថា លោកប្រធានាធិបតី នឹងមានពេលសម្រាប់កិច្ចប្រជុំជាមួយនឹងប្រធានាធិបតីហ្វីលីពីន លោក ឌើទើតេ។ ហ្វីលីពីន គឺជាសម្ព័ន្ធមិត្តរបស់អាមេរិកដែលបានបញ្ញត្តិនៅក្នុងសន្ធិសញ្ញា ហើយក៏ជាភាគីនៃសាលក្រមសមុទ្រចិនខាងត្បូងផងដែរ។ ខ្ញុំ គិតថា យើង ចង់រម្លឹកពីទំនាក់ទំនងទ្វេភាគីក្នុងដែនកំណត់របស់សន្ធិសញ្ញា និងស្ថានភាពសមុទ្រចិនខាងត្បូងជាមួយនឹងហ្វីលីពីនផងដែរ»។
សូមបញ្ជាក់ផងដែរថា ហ្វីលីពីន និងអាមេរិក ដែលជាសម្ព័ន្ធមិត្តនឹងគ្នាដោយមិនត្រឹមតែតាមរយៈកិច្ចសហប្រតិបត្តិការនោះទេ តែភាគីទាំងពីរ ក៏បានចុះកិច្ចព្រមព្រៀងសម្ព័ន្ធមិត្តជាមួយគ្នាផងដែរ បានមានទំនាក់ទំនងស្អិតល្មួតជាមួយនឹងគ្នាខ្លាំងក្នុងរដ្ឋបាលរបស់អតីតប្រធានាធិបតីហ្វីលីពីនលោក ប៊ែរនីណូ អាហ្គីណូ ទាំងផ្នែកសេដ្ឋកិច្ច និងកិច្ចសហប្រតិបត្តិការយោធា។ ក្នុងរដ្ឋបាលហ្វីលីពីនចាស់ អាមេរិកបានដើរតួនាទីយ៉ាងសំខាន់ និងសកម្មដើម្បីជ្រោមជ្រែងហ្វីលីពីនដើម្បីតទល់ជាមួយនឹងចិនលើបញ្ហាសមុទ្រចិនខាងត្បូងទាំងផ្នែកការទូត និងយោធា។
អ្វីគួរកត់សម្គាល់នោះ ជំនួបនៅក្នុងក្រុងវៀងចន្ទន៍ នឹងក្លាយជំនួបទ្វេភាគីលើកដំបូងហើយរវាងប្រមុខរដ្ឋទាំងពីរគិតចាប់ពីលោកប្រធានាធិបតីហ្វីលីពីន រ៉ូឌ្រីហ្គូ ឌើទើតេឡើងកាន់អំណាច។ លោក រ៉ូឌ្រីហ្គូ ដែលទើបតែកាន់អំណាចជាប្រធានាធិបតីហ្វីលីពីននៅថ្ងៃទី៣០ខែមិថុនាកន្លងទៅ បានជួបជាមួយនឹងប្រមុខការទូតអាមេរិក លោក ចន ឃែរី ដើម្បីជជែកពីកិច្ចការ និងទំនាក់ទំនងទូទៅរវាងប្រទេសទាំងពីរម្តងរួចទៅហើយកាលពីខែមុននេះ។ ក្នុងរដ្ឋបាលថ្មីហ្វីលីពីន លោក ឌើទើតេ មិនទាន់បញ្ចេញគោលជំហរជាក់លាក់ទៅកាន់អាមេរិកនោះទេ។
ដោយឡែក សម្រាប់ជំនួបលោក អូបាម៉ា និងលោក ឌើទើតេ នៅឡាវដែលជាប្រទេសដែលត្រូវបានប្រធានាធិបតីអាមេរិកបំពេញទស្សនកិច្ចជាលើកដំបូងនោះ ក៏ត្រូវបានរពឹងថា នឹងមានកិច្ចពិភាក្សាស្នូលច្រើនត្រូវលើកឡើងផងដែរ។ ហើយនោះក៏ព្រោះតែ វាក៏លើកចុងក្រោយហើយដែលលោក ប្រធានាធិបតីអាមេរិក បារ៉ាក់ អូបាម៉ា មកកាន់តំបន់អាស៊ីអាគ្នេយ៍ក្នុងនាមជាប្រធានាធិបតី ខណៈ លោក នឹងត្រូវផុតអាណត្តិនាពេលខាងមុខដ៏ខ្លីនេះ៕
មន្ត្រីជាន់ខ្ពស់សេតវិមានអាមេរិកលោក BEN RHODES បានថ្លែងនៅក្នុងសន្និសីទតាមរយៈទូរសព្ទយ៉ាងដូច្នេះថា «យើងរំពឹងថា លោកប្រធានាធិបតី នឹងមានពេលសម្រាប់កិច្ចប្រជុំជាមួយនឹងប្រធានាធិបតីហ្វីលីពីន លោក ឌើទើតេ។ ហ្វីលីពីន គឺជាសម្ព័ន្ធមិត្តរបស់អាមេរិកដែលបានបញ្ញត្តិនៅក្នុងសន្ធិសញ្ញា ហើយក៏ជាភាគីនៃសាលក្រមសមុទ្រចិនខាងត្បូងផងដែរ។ ខ្ញុំ គិតថា យើង ចង់រម្លឹកពីទំនាក់ទំនងទ្វេភាគីក្នុងដែនកំណត់របស់សន្ធិសញ្ញា និងស្ថានភាពសមុទ្រចិនខាងត្បូងជាមួយនឹងហ្វីលីពីនផងដែរ»។
សូមបញ្ជាក់ផងដែរថា ហ្វីលីពីន និងអាមេរិក ដែលជាសម្ព័ន្ធមិត្តនឹងគ្នាដោយមិនត្រឹមតែតាមរយៈកិច្ចសហប្រតិបត្តិការនោះទេ តែភាគីទាំងពីរ ក៏បានចុះកិច្ចព្រមព្រៀងសម្ព័ន្ធមិត្តជាមួយគ្នាផងដែរ បានមានទំនាក់ទំនងស្អិតល្មួតជាមួយនឹងគ្នាខ្លាំងក្នុងរដ្ឋបាលរបស់អតីតប្រធានាធិបតីហ្វីលីពីនលោក ប៊ែរនីណូ អាហ្គីណូ ទាំងផ្នែកសេដ្ឋកិច្ច និងកិច្ចសហប្រតិបត្តិការយោធា។ ក្នុងរដ្ឋបាលហ្វីលីពីនចាស់ អាមេរិកបានដើរតួនាទីយ៉ាងសំខាន់ និងសកម្មដើម្បីជ្រោមជ្រែងហ្វីលីពីនដើម្បីតទល់ជាមួយនឹងចិនលើបញ្ហាសមុទ្រចិនខាងត្បូងទាំងផ្នែកការទូត និងយោធា។
អ្វីគួរកត់សម្គាល់នោះ ជំនួបនៅក្នុងក្រុងវៀងចន្ទន៍ នឹងក្លាយជំនួបទ្វេភាគីលើកដំបូងហើយរវាងប្រមុខរដ្ឋទាំងពីរគិតចាប់ពីលោកប្រធានាធិបតីហ្វីលីពីន រ៉ូឌ្រីហ្គូ ឌើទើតេឡើងកាន់អំណាច។ លោក រ៉ូឌ្រីហ្គូ ដែលទើបតែកាន់អំណាចជាប្រធានាធិបតីហ្វីលីពីននៅថ្ងៃទី៣០ខែមិថុនាកន្លងទៅ បានជួបជាមួយនឹងប្រមុខការទូតអាមេរិក លោក ចន ឃែរី ដើម្បីជជែកពីកិច្ចការ និងទំនាក់ទំនងទូទៅរវាងប្រទេសទាំងពីរម្តងរួចទៅហើយកាលពីខែមុននេះ។ ក្នុងរដ្ឋបាលថ្មីហ្វីលីពីន លោក ឌើទើតេ មិនទាន់បញ្ចេញគោលជំហរជាក់លាក់ទៅកាន់អាមេរិកនោះទេ។
ដោយឡែក សម្រាប់ជំនួបលោក អូបាម៉ា និងលោក ឌើទើតេ នៅឡាវដែលជាប្រទេសដែលត្រូវបានប្រធានាធិបតីអាមេរិកបំពេញទស្សនកិច្ចជាលើកដំបូងនោះ ក៏ត្រូវបានរពឹងថា នឹងមានកិច្ចពិភាក្សាស្នូលច្រើនត្រូវលើកឡើងផងដែរ។ ហើយនោះក៏ព្រោះតែ វាក៏លើកចុងក្រោយហើយដែលលោក ប្រធានាធិបតីអាមេរិក បារ៉ាក់ អូបាម៉ា មកកាន់តំបន់អាស៊ីអាគ្នេយ៍ក្នុងនាមជាប្រធានាធិបតី ខណៈ លោក នឹងត្រូវផុតអាណត្តិនាពេលខាងមុខដ៏ខ្លីនេះ៕
Tag:
អាមេរិក
ហ្វីលីពីន
© រក្សាសិទ្ធិដោយ thmeythmey.com
