សម្រស់ភ្នំអំពិល-ផ្កាចាហ៊ួយរីកមួយឆ្នាំម្តងទាក់ទាញទេសចរឲ្យជិះគោយន្តចូលទៅកម្សាន្ត

ជាតិ

សម្រស់ភ្នំអំពិល-ផ្កាចាហ៊ួយរីកមួយឆ្នាំម្តងទាក់ទាញទេសចរឲ្យជិះគោយន្តចូលទៅកម្សាន្ត

03, Sep 2016 , 7:59 pm

រូបភាព

ដោយ: ថ្មីៗ

សៀមរាប៖ ភ្ញៀវទេសចរឆ្ងាយជិត បានស្កាត់ទស្សនាសម្រស់ភ្នំអំពិល និងគយគន់ផ្កាចាហ៊ួយ ដែលរីកមួយឆ្នាំម្តង។ ទោះដឹងថា ផ្លូវទៅកាន់គោលដៅទេសចរណ៍សហគមន៍នៅទីនោះពិបាក ជាពិសេសនៅខែវស្សាដែលត្រូវការគោយន្តជាយានជំនិះក៏ដោយចុះ ប៉ុន្តែហេតុផលទាំងនោះ មិនមែនជាឧបសគ្គសម្រាប់អ្នកស្រឡាញ់ទេសភាពធម្មជាតិទាំងនោះបានទេ។

ភ្នំអំពិល ស្ថិតនៅភូមិពាក់ស្នែងថ្មី ឃុំពាក់ស្នែង ស្រុកអង្គរធំ ខេត្តសៀមរាប។ ដើម្បីទៅដល់គោលដៅ គេត្រូវធ្វើដំណើរដោយប្រើពេលប្រមាណ៣ម៉ោង នៅលើផ្លូវប្រហែល ៦០គីឡូម៉ែត្រពីទីរួមខេត្តសៀមរាប។

នៅភ្នំអំពិល អ្នកណាក៏គេស្គាល់ថា មានហ្វូងផ្កាចាហ៊ួយ ដែលរីកមួយឆ្នាំម្តង គឺវារីកស្អាតអំឡុងខែ សីហា។ ភ្ញៀវទេសចរដែលទៅដល់ទីនោះ តែងតែមិនភ្លេចចំពោះការផ្តិតរូបភាពផ្កាហ៊ួយ និងសម្រស់ភ្នំអំពិល ដែលមានទេសភាពត្រកាល គួរឲ្យចង់គយគន់។

ខាងក្រោមនេះ ជារូបភាពខ្លះៗ ចំពោះដំណើរកម្សាន្តទៅកាន់ភ្នំអំពិល របស់ក្រុមយុវជន Cambodia Amazing Trip Planner។ រូបភាពថតដោយលោក ពៅ អរុណ អ្នកថតរូបក្នុងក្រុម Cambodia Smart Photography Club។ សូមអញ្ជើញទស្សនា