ជាតិ
ក្រសួងសាធារណការបើកយុទ្ធនាការចែកស្លាកសុវត្ថិភាពចរាចរណ៍ជាង២លានសន្លឹក
×
ស្លាកចំណាំងផ្លាតពេលយប់ជាង២លានសន្លឹក នឹងត្រូវចែកជូនដល់ប្រជាពលរដ្ឋទូទាំងប្រទេស លើយានជំនិះដែលមិនមានស្លាកត្រឹមត្រូវ។ នេះជាយុទ្ធនាការរបស់ក្រសួងសាធារណការ និងដឹកជញ្ជូន ដើម្បីបញ្ជៀសគ្រោះថ្នាក់ចរាចរណ៍ទូទាំងប្រទេស។
យោងតាមខ្លឹមសារក្នុងទំព័រហ្វេសប៊ុកផ្លូវការរបស់ក្រសួងសាធារណការ ក្រសួងបានចាប់ផ្តើមយុទ្ធនាការបិទស្លាកសុវត្ថិភាពចរាចរណ៍ ដល់ប្រជាជនទាំង ២៥ ខេត្ត-រាជធានី ចាប់ពីថ្ងៃទី១៩ សីហាមក។ ក្នុងដំណាក់កាលទីមួយ ដែលគិតត្រឹមដើមខែកញ្ញា ស្លាកសុវត្ថិភាព បានបិតជាប់នឹងយានជំនិះ ដែលមាន កង់ គោយន្ត រទេះគោ រទេះសេះ ដែលគ្មានភ្លើងបំភ្លឺផ្លូវ បានចំនួន ៥៧៤.៩៧២ សន្លឹកហើយ។ នេះបើយោងតាមក្រសួងសាធារណការ។
តាមគម្រោងរបស់ក្រសួងសាធារណការ គ្រោងនឹងផ្តល់ស្លាកសុវត្ថិភាពចរាចរណ៍ចំនួន ២.៦៨៨.៣៥៣ សន្លឹក ដល់មន្ទីរសាធារណការ និងដឹកជញ្ជូន ដើម្បីធ្វើការចែក ជូនប្រជាពល រដ្ឋនៅទូទាំង ២៥រាជធានី-ខេត្ត។ ក្រសួងនឹងបន្តយុទ្ធនាការចុះបិទស្លាកសុវត្ថិភាពចរាចរណ៍ក្នុងដំណាក់កាលបន្តទៀត ដោយនៅសល់ស្លាកជាង២លានសន្លឹកទៀត នៅក្នុងខែកញ្ញានេះ៕
Tag:
ស្លាកសុវត្ថិភាពចរាចរណ៍
© រក្សាសិទ្ធិដោយ thmeythmey.com