៣ ថ្ងៃកន្លះ ពលរដ្ឋខ្មែរចុះឈ្មោះបោះឆ្នោតជាងកន្លះលាននាក់

ជាតិ

៣ ថ្ងៃកន្លះ ពលរដ្ឋខ្មែរចុះឈ្មោះបោះឆ្នោតជាងកន្លះលាននាក់

04, Sep 2016 , 1:22 pm

រូបភាព

ដោយ:

គណៈកម្មការជាតិរៀបចំការបោះឆ្នោត បានចេញសេចក្តីជូនដំណឹង បង្ហាញទិន្នន័យនៃចំនួនប្រជាពលរដ្ឋដែលបានទៅចុះឈ្មោះបោះឆ្នោតក្នុងរយៈពេល ៣ ថ្ងៃ កន្លះមកនេះ មានចំនួន ៥៣៧,៦៣៧ នាក់ នៅទូទាំងប្រទេសកម្ពុជា។

គិតត្រឹមម៉ោង ១២ ថ្ងៃទី ៤ ខែកញ្ញានេះ នៅទូទាំងប្រទេសកម្ពុជា មានប្រជាពលរដ្ឋចំនួន៥៣៧,៦៣៧ នាក់ បានចុះបោះឆ្នោតរួចហើយ។ នេះបើសេចក្តីជូនដំណឹងរបស់គណៈកម្មាធិជាតិរៀបចំការបោះឆ្នោតនៅថ្ងៃនេះ។ គ.ជ.ប បានបញ្ជាក់ថា ចំនួនការរិយាល័យចុះឈ្មោះបោះឆ្នោតនៅទូទាំងប្រទេសកម្ពុជាមានចំនួន ២៣,៣៣៧ ។

គណៈកម្មាធិការជាតិរៀបចំការបោះឆ្នោត បានវាយតម្លៃថា ការចុះឈ្មោះបោះឆ្នោតកន្លងមកនេះ ប្រពឹត្តទៅដោយរលូនល្អ តែមានបញ្ហាបច្ចេកទេសមួយចំនួនដែរ ដែលត្រូវដោះស្រាយ។ យ៉ាងណាគ.ជ.ប អះអាងថា បញ្ហាបច្ចេកទេសទាំងនោះ មិនប៉ះពាល់ដល់ដំណើរការនៃការចុះឈ្មោះបោះឆ្នោតឡើយ។

សូមបញ្ជាក់ថា បើតាមគ.ជ.ប មានប្រជាពលរដ្ឋខ្មែរចំនូន ៨,៩ លាននាក់ ដែលគ្រប់អាយុចុះឈ្មោះបោះឆ្នោត។ យុទ្ធនាការនៃការចុះឈ្មោះបោះឆ្នោតជ្រើសរើសក្រុមប្រឹក្សាឃុំសង្កាត់ ចាប់ផ្តើមពីថ្ងៃទី ០១ ខែកញ្ញា ដល់ថ្ងៃទី២៩ ខែវិច្ឆិកា ឆ្នាំ ២០១៦ ហើយស្ថាប័នរៀបចំការបោះឆ្នោតនេះ ត្រៀមថវិកាចំនួន ២៨ លានដុល្លារសម្រាប់ប្រើប្រាស់ក្នុងពេលយុទ្ធនាការនេះ៕