ជាតិ
ក្រសួងសាធារណការ នឹងបង្ក្រាបរថយន្តកែច្នៃដឹកលើសទម្ងន់ ចាប់ពីថ្ងៃ៩ ខែកញ្ញាតទៅ
×![]()
ចាប់ពីថ្ងៃទី៩កខែកញ្ញាតទៅ ក្រសួងសាធារណការ និងដឹកជញ្ជូន នឹងចាត់វិធានការតាមផ្លូវច្បាប់លើយានយន្តកែច្នៃខុសបច្ចេកទេស។ នេះបើតាមសេចក្ដីជូនដំណឹងរបស់ក្រសួងសាធារណការនឹងដឹកជញ្ជូន។
ក្រសួងសាធារណការ និងដឹកជញ្ជូន បានណែនាំឲ្យម្ចាស់យានយន្តកែច្នៃខុសបច្ចេកទេសទាំងអស់ យកយានយន្តទៅកែម្រូវឲ្យបានត្រឹមត្រូវតាមលក្ខណៈបច្ចេកទេសឡើងវិញ។ សេចក្តីជូនដំណឹងរបស់ក្រសួងសាធារណការ កាលពីពេលថ្មីៗនេះ បានបញ្ជាក់ពីបទដ្ឋានលក្ខណៈបច្ចេកទេសអំពីទំហំរថយន្ត រថយន្តសណ្ដោងរ៉ឺម៉ក ឬសឺមីរ៉ឺម៉ក (សឺមីរ៉ឺម៉ក សំដៅដល់យានសម្រាប់ថ្ពក់ជាប់នឹងក្បាលរថយន្តសណ្តោង) និងទំហំទ្រុងរថយន្តដឹកទំនិញ ដូចតទៅ៖ ប្រវែងទទឹងអតិបរមាមិនឲ្យលើសពី២,៥ម៉ែត្រ លើកលែងតែយានយន្តុបករណ៍ដែលមិនត្រូវឲ្យលើសពី៣ម៉ែត្រ ខណៈប្រវែងកម្ពស់អតិបរមាមិនត្រូវឲ្យលើសពី៤,២ម៉ែត្រ។
ចំណែកប្រវែងបណ្ដោយអតិបរមានៃរថយន្តនីមួយៗមិនត្រូវឲ្យលើសពី១២,២ម៉ែត្រ ។ ឯប្រវែងបណ្ដោយអតិបរមារថយន្តដែលមានសណ្ដោងសឺមីរ៉ឺម៉ក មិនត្រូវឲ្យលើសពី១៦ម៉ែត្រ។ រីឯប្រវែងបណ្ដោយអតិបរមារថយន្តដែលមានសណ្ដោងរ៉ឺម៉ក មិនត្រូវឲ្យលើសពី១៨ម៉ែត្រ។ ចំពោះកម្ពស់អតិបរមានៃទ្រុងធម្មតា មិនត្រូវឲ្យលើសពី០,៥ម៉ែត្រ គិតពីដំបូលយាន និងទទឹងទ្រុងអតិបរមាមិនត្រូវឲ្យលើសពីទទឹងកាប៊ីន។ ដោយឡែកកម្ពស់អតិបរមានៃទ្រុងជាប្រអប់បិទជិតវិញ មិនត្រូវឲ្យលើសពី០,៨ម៉ែត្រ គិតពីដំបូលយាន និងទទឹងទ្រុងអតិបរមាមិនត្រូវឲ្យលើសពីទទឹងការប៊ីន៕
Tag:
រថយន្តកែច្នៃ
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
11 ម៉ោង
