ជាតិ
សុខភាព
×![]()
ពិភពលោកកំពុងមានកង្វល់ចំពោះជំងឺហ្សីកា។ ដោយហេតុថា ជំងឺប្រភេទនេះនៅពុំទាន់រកឃើញថ្នាំព្យាបាលនៅឡើយ ហើយវារាតត្បាតលឿនគួរឲ្យកត់សម្គាល់។ ជំងឺនេះឆ្លងពីសត្វមូស ដោយវាខំស្ត្រីមានផ្ទៃពោះ និងបណ្តាលឲ្យទារកមានក្បាលតូច ខុសប្រក្រតី។ អ្វីដែលគេសំខាន់នោះ គឺថាជំងឺហ្សីកា មានរោគសញ្ញាស្រដៀងនឹងជំងឺគ្រុនឈាមផងដែរ។
ជំងឺហ្សីកាចំលងតាមសត្វមូសទៅមនុស្ស ដោយមានរោគសញ្ញាគួរឲ្យកត់សម្គាល់រួមមាន គ្រុនក្តៅ ឈឺក្បាល ក្រហមភ្នែក កន្ទួលក្រហមលើស្បែក និងឈឺសន្លាក់។ បច្ចុប្បន្នជំងឺនេះ កំពុងរាតត្បាតនៅក្នុងតំបន់អាមេរិកខាងត្បូង និងអាមេរិកកណ្តាល។ បច្ចុបន្ននេះ ត្រូវបានរកឃើញផងដែរនៅប្រទេសឡាវ វៀតណាម ថៃ សិង្ហបុរី និងម៉ាឡេស៊ី។ល។
យោងតាមនាយកដ្ឋានប្រយុទ្ធជំងឺឆ្លង(CDC) នៃក្រសួងសុខាភិបាល សម្រាប់នៅប្រទេសកម្ពុជាពីឆ្នាំ២០០៧ ដល់២០១០ វីរុសហ្សីកាត្រូវបានរកឃើញចំនួន៧ករណី។ យ៉ាងណាចំពោះនេះ ពុំបណ្តាលឲ្យប៉ះពាល់ដល់កុមារទេ គឺត្រូវបានព្យាបាលសះស្បើយទៅវិញ។ CDC បានសរសេរក្នុងទំព័រហ្វេសប៊ុករបស់ខ្លួនថា ចាប់ពីឆ្នាំ២០១០រហូតដល់បច្ចុប្បន្ន គេពុំទាន់រកឃើញវីរុសហ្សីកានេះ មាននៅកម្ពុជាទៀតទេ ហើយមេរោគដែលកើតកន្លងមក ជាមេរោគក្នុងស្រុក ពុំមែនឆ្លងពីតំបន់អាមេរិកនោះឡើយ។
កន្លងទៅថ្មីៗនេះ វីរុសហ្សីកាត្រូវបានរកឃើញនៅតំបន់អាស៊ី រួមមានប្រទេសសិង្ហបុរី និងម៉ាឡេស៊ី។ ទោះជាបច្ចប្បន្ន កម្ពុជាពុំទាន់រកឃើញវីរុសហ្សីកាជាថ្មីក៏ដោយ តែក្រសួងសុខាភិបាល បានឲ្យមហាជនប្រុងប្រយ័ត្នខ្ពស់ចំពោះប្រភេទជំងឺនេះ។ ក្នុងនោះក៏ត្រូវពង្រឹងប្រព័ន្ធតាមដានជំងឺ ធ្វើតេសអ្នកសង្ស័យ បងប្អូនដែលបានត្រឡប់ពីតំប់អាហ្វ្រិក និងអាមេរិក ហើយបើសង្ស័យ ត្រូវទាក់ទងទៅកាន់ទូរសព្ទ ១១៥, ០១២ ៤៨៨៩៨ និង ០៨៩ ៦៦៩ ៥៦៧។
គួររម្លឹកថា វីរុសហ្សីកា ត្រូវបានរកឃើញដំបូងគេនៅលើសត្វស្វា ក្នុងឆ្នាំ១៩៤៧ និងនៅលើមនុស្សនៅឆ្នាំ ១៩៥២ នៅប្រទេស Uganda និង Tanzania នៃទ្វីបអាហ្វ្រិក ។ បន្ទាប់មកជំងឺ នេះមានការផ្ទុះឡើងជារប៉េះរប៉ោះ នៅទ្វីបអាហ្វ្រិក អាមេរិក និង អាស៊ីប៉ាស៊ីហ្វិក៕
Tag:
វីរុសZika
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
3 ម៉ោង
