កីឡាជាតិ
ជាតិ
ចំបាប់ស្វែងរកជើងខ្លាំងតាមបណ្តាខេត្តដើម្បីត្រៀមប្រកួតជើងឯកកីឡាជាតិ National Games
រូបភាពពី៖ ហ្វេសប៊ុកសហព័ន្ធកីឡាចំបាប់កម្ពុជា
×![]()
សហព័ន្ធកីឡាចំបាប់កម្ពុជាក្រោមការឧបត្ថម្ភរបស់លោក Casey Barnet អនុប្រធានសហព័ន្ធកីឡាចំបាប់កម្ពុជាបានចុះធ្វើយុទ្ធនាការស្វែងរកកីឡាករកីឡាការិនីដែលមានសមត្ថភាពនៅតាមបណ្តាខេត្តទូទាំងប្រទេស ដើម្បីត្រៀមប្រកួតជើងឯកកីឡាជាតិប្រចាំឆ្នាំ២០១៦ (National Games 2016) ។ ប្រកួតនេះ នឹងធ្វើឡើងនៅខែតុលា ហើយគ្រោងនឹងបញ្ចប់នាខែវិច្ឆិកា ខាងមុខនេះ។ 
លោក ធិន វិចិត្រ អគ្គលេខាធិការសហព័ន្ធកីឡាចំបាប់កម្ពុជាបានដឹកនាំមន្ត្រីបច្ចេកទេសចៅក្រម អាជ្ញាកណ្តាលរបស់សហព័ន្ធចុះទៅតាមបណ្តាខេត្ត ដើម្បីរៀបចំការប្រកួតការជ្រើសរើសជើងឯកប្រចាំខេត្តនីមួយៗ។ ការប្រកួតជើងឯកប្រចាំខេត្តនេះ ក្នុងគោលបំណងដើម្បីជ្រើសរើសជើងខ្លាំងតាមបណ្តាខេត្ត សម្រាប់ត្រៀមប្រកួតជើងឯកកីឡាជាតិ National Games ប្រចាំឆ្នាំ២០១៦ ដែលរៀបចំដោយក្រសួងអប់រំ យុវជន និងកីឡាជាលើកដំបូង។
ជាក់ស្តែងកាលពីថ្ងៃទី៤-៥ ខែកញ្ញា សប្តាហ៍មុន លោក ធិន វិចិត្រ ដោយទទួលបានការចង្អុលបង្ហាញរបស់ លោក វ៉ាត់ ចំរើន ប្រធានសហព័ន្ធកីឡាចំបាប់កម្ពុជាក្រោមការឧបត្ថម្ភរបស់លោក Casey Barnet បានដឹកនាំមន្ត្រីបច្ចេកទេសរបស់ខ្លួនទៅកាន់ក្លិបឃ្លាំងមឿងខេត្តពោធិ៍សាត់ ដើម្បីរៀបចំការប្រកួតកីឡាចំបាប់ជ្រើសរើសជើងឯកខេត្តពោធិ៍សាត់ប្រចាំឆ្នាំ២០១៦ ។ ក្រោយបញ្ចប់បេសកកម្មនៅខេត្តនេះសហព័ន្ធនឹងធ្វើយុទ្ធនាការទៅកាន់ខេត្តមួយចំនួនទៀតដូចជា ខេត្តកំពង់ឆ្នាំង កណ្តាល និងខេត្តព្រៃវែង ជាបន្តបន្ទាប់រៀងរាល់ថ្ងៃសៅរ៍ និងថ្ងៃអាទិត្យ។
បើយោងតាមលោកអគ្គលេខាធិការសហព័ន្ធរូបនេះ ការចុះទៅពង្រឹងសមត្ថភាពតាមបណ្តាក្លិប-សមាគមនៅតាមខេត្តនេះ មិនត្រឹមតែដើម្បីជ្រើសរើសកីឡាករដែលមានទេពកោសល្យសម្រាប់ត្រៀមប្រកួតកីឡាជាតិនោះទេ។ លើសពីនេះវាជាការរឹតចំណងមិត្តភាពរវាងសហព័ន្ធជាមួយមន្ទីរអប់រំកាយ និងកីឡាខេត្ត ព្រមទាំងក្លិប-សមាគមផងដែរ។ ម្យ៉ាងទៀតដើម្បីផ្សព្វផ្សាយសកម្មភាពកីឡាចំបាប់ទៅកាន់ប្រជាពលរដ្ឋឲ្យកាន់តែមានភាពផុសផុល និងដើម្បីឲ្យពួកគេស្គាល់ និងចូលរួមលេងកីឡានេះឲ្យកាន់តែច្រើនទៀត។
គួរបញ្ជាក់ថា ការប្រកួតជើងឯកកីឡាជាតិប្រចាំឆ្នាំ២០១៦ National Games 2016 ដែលធ្វើឡើងនៅរាជធានីភ្នំពេញនឹងចាប់ផ្តើមប្រកួតពីថ្ងៃទី២៥ ខែតុលា ដោយគ្រោងនឹងបញ្ចប់នៅថ្ងៃទី៥ ខែវិច្ឆិកា ឆ្នាំ២០១៦ ខាងមុខនេះ។ ការប្រកួតនេះធ្វើឡើងក្នុងគោលបំណងដើម្បីពង្រឹងបច្ចេកទេស និងសមត្ថភាពកីឡាករកីឡាការិនី និងមន្ត្រីបច្ចេកទេស សម្រាប់ត្រៀមរៀបចំការប្រកួតស៊ីហ្គេមលើកទី៣២ ឆ្នា២០២៣ ដែលកម្ពុជាធ្វើជាម្ចាស់ផ្ទះ៕
លោក ធិន វិចិត្រ អគ្គលេខាធិការសហព័ន្ធកីឡាចំបាប់កម្ពុជាបានដឹកនាំមន្ត្រីបច្ចេកទេសចៅក្រម អាជ្ញាកណ្តាលរបស់សហព័ន្ធចុះទៅតាមបណ្តាខេត្ត ដើម្បីរៀបចំការប្រកួតការជ្រើសរើសជើងឯកប្រចាំខេត្តនីមួយៗ។ ការប្រកួតជើងឯកប្រចាំខេត្តនេះ ក្នុងគោលបំណងដើម្បីជ្រើសរើសជើងខ្លាំងតាមបណ្តាខេត្ត សម្រាប់ត្រៀមប្រកួតជើងឯកកីឡាជាតិ National Games ប្រចាំឆ្នាំ២០១៦ ដែលរៀបចំដោយក្រសួងអប់រំ យុវជន និងកីឡាជាលើកដំបូង។
ជាក់ស្តែងកាលពីថ្ងៃទី៤-៥ ខែកញ្ញា សប្តាហ៍មុន លោក ធិន វិចិត្រ ដោយទទួលបានការចង្អុលបង្ហាញរបស់ លោក វ៉ាត់ ចំរើន ប្រធានសហព័ន្ធកីឡាចំបាប់កម្ពុជាក្រោមការឧបត្ថម្ភរបស់លោក Casey Barnet បានដឹកនាំមន្ត្រីបច្ចេកទេសរបស់ខ្លួនទៅកាន់ក្លិបឃ្លាំងមឿងខេត្តពោធិ៍សាត់ ដើម្បីរៀបចំការប្រកួតកីឡាចំបាប់ជ្រើសរើសជើងឯកខេត្តពោធិ៍សាត់ប្រចាំឆ្នាំ២០១៦ ។ ក្រោយបញ្ចប់បេសកកម្មនៅខេត្តនេះសហព័ន្ធនឹងធ្វើយុទ្ធនាការទៅកាន់ខេត្តមួយចំនួនទៀតដូចជា ខេត្តកំពង់ឆ្នាំង កណ្តាល និងខេត្តព្រៃវែង ជាបន្តបន្ទាប់រៀងរាល់ថ្ងៃសៅរ៍ និងថ្ងៃអាទិត្យ។
បើយោងតាមលោកអគ្គលេខាធិការសហព័ន្ធរូបនេះ ការចុះទៅពង្រឹងសមត្ថភាពតាមបណ្តាក្លិប-សមាគមនៅតាមខេត្តនេះ មិនត្រឹមតែដើម្បីជ្រើសរើសកីឡាករដែលមានទេពកោសល្យសម្រាប់ត្រៀមប្រកួតកីឡាជាតិនោះទេ។ លើសពីនេះវាជាការរឹតចំណងមិត្តភាពរវាងសហព័ន្ធជាមួយមន្ទីរអប់រំកាយ និងកីឡាខេត្ត ព្រមទាំងក្លិប-សមាគមផងដែរ។ ម្យ៉ាងទៀតដើម្បីផ្សព្វផ្សាយសកម្មភាពកីឡាចំបាប់ទៅកាន់ប្រជាពលរដ្ឋឲ្យកាន់តែមានភាពផុសផុល និងដើម្បីឲ្យពួកគេស្គាល់ និងចូលរួមលេងកីឡានេះឲ្យកាន់តែច្រើនទៀត។
គួរបញ្ជាក់ថា ការប្រកួតជើងឯកកីឡាជាតិប្រចាំឆ្នាំ២០១៦ National Games 2016 ដែលធ្វើឡើងនៅរាជធានីភ្នំពេញនឹងចាប់ផ្តើមប្រកួតពីថ្ងៃទី២៥ ខែតុលា ដោយគ្រោងនឹងបញ្ចប់នៅថ្ងៃទី៥ ខែវិច្ឆិកា ឆ្នាំ២០១៦ ខាងមុខនេះ។ ការប្រកួតនេះធ្វើឡើងក្នុងគោលបំណងដើម្បីពង្រឹងបច្ចេកទេស និងសមត្ថភាពកីឡាករកីឡាការិនី និងមន្ត្រីបច្ចេកទេស សម្រាប់ត្រៀមរៀបចំការប្រកួតស៊ីហ្គេមលើកទី៣២ ឆ្នា២០២៣ ដែលកម្ពុជាធ្វើជាម្ចាស់ផ្ទះ៕
Tag:
ចំបាប់
National Games
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
