ស្វាយរៀងស្វាគមន៍វេស្ទើនភ្នំពេញជាលើកចុងក្រោយក្នុងជំនួបក្របខណ្ឌកំពូលរដូវកាលនេះ

កីឡាជាតិ

ជាតិ

ស្វាយរៀងស្វាគមន៍វេស្ទើនភ្នំពេញជាលើកចុងក្រោយក្នុងជំនួបក្របខណ្ឌកំពូលរដូវកាលនេះ

06, Sep 2016 , 11:04 am

រូបភាព

ដោយ:

ការប្រកួតបាល់ទាត់ដណ្តើមពានរង្វាន់ក្របខណ្ឌមិត្តហ្វូនខេមបូឌានលីកប្រចាំឆ្នាំ២០១៦បានឈានដល់សប្តាហ៍បញ្ចប់ ដោយល្ងាចនេះក្រុមព្រះខ័នរាជស្វាយរៀងបើកទ្វារកីឡដ្ឋានរបស់ខ្លួនស្វាគមន៍ក្រុមវេស្ទើនភ្នំពេញជាលើកចុងក្រោយ។

នាវេលាម៉ោង៦លា្ងចនេះព្រះខ័នរាជស្វាយរៀងនឹងបើកទ្វារកីឡដ្ឋាន ដើម្បីស្វាគមន៍ក្រុមភ្ញៀវវេស្ទើនភ្នំពេញជាលើកចុងក្រោយនៅកីឡដ្ឋានខេត្តស្វាយរៀង។ សម្រាប់ជំនួបលើកនេះវាជាការប្រកួតបញ្ចប់បេសកកម្មរបស់ក្រុមទាំងពីរក្នុងពានរង្វាន់ក្របខណ្ឌលីកកំពូលកម្ពុជាប្រចាំឆ្នាំ២០១៦ ក្រោយពីក្រុមទាំងពីរបានបំពេញភារកិច្ចអស់រយៈពេលជាច្រើនខែកន្លងមក។

សម្រាប់ជំនួបចុងក្រោយនេះវាជាការប្រកួតបង្គ្រប់កិច្ចសម្រាប់វេស្ទើនភ្នំពេញ ក្រោយពីឆ្លងកាត់១៧ប្រកួតឈ្នះ១ ស្មើ៥ និងចាញ់១១។ ប៉ុន្តែវាសម្រាប់ពង្រឹងការលេខរៀងទី៤របស់ព្រះខ័នរាជស្វាយរៀង ដោយបច្ចុប្បន្នក្រុមនេះកំពុងឈរលេខរៀងទី៤ស្រាប់ដោយមាន២៨ពិន្ទុស្មើភ្នំពេញក្រោន ក្រោយពីឆ្លងកាត់១៧លើកឈ្នះ៩ ស្មើ១ និងចាញ់៧៕