ជាតិ
មន្ត្រីប៉ូលិស៖ ជនល្មើសជិះម៉ូតូបោកសំដៅទៅរថយន្ត Lexus
× ជនល្មើសបានជិះម៉ូតូ ហើយបោកគ្រាប់បែកសំដៅទៅកាន់រថយន្ត Lexus ប៉ុន្តែគ្រាប់បានផ្ទះចំក្បែររថយន្ត២គ្រឿងទៀតដែលចតចោល ខណៈរថយន្ត Lexus បានរេចង្កូតបន្តទៅមុខ។ នេះបើតាមមន្ត្រីប៉ូលិសមូលដ្ឋានម្នាក់រៀបរាប់ប្រាប់អ្នកយកព័ត៌មានរបស់សារព័ត៌មានថ្មីៗនៅកន្លែងកើតហេតុ។
ករណីបំផ្ទុះគ្រាប់បែកដែលបានកើតឡើងនៅផ្លូវ១៦៣ ក្នុងសង្កាត់បឹងកេងកង៣ ខណ្ឌចំការមន កាលពីវេលាម៉ោង៧ និង៤០នាទី យប់នេះ បានបណ្តាលឲ្យមនុស្ស៣នាក់រងរបួស និងរថយន្ត៣គ្រឿងខូចខាត។ លោក ជួន សុវណ្ណ ស្នងការនគរបាលរាជធានីភ្នំពេញ កំពុងដឹកនាំកម្លាំងចុះពិនិត្យទៅដល់កន្លែងកើតហេតុ ខណៈមូលហេតុពិតប្រាកដមិនទាន់មានអ្នកណាដឹងនៅឡើយ៕
Tag:
បំផ្ទុះគ្រាប់បែកបឹងកេងកង៣
© រក្សាសិទ្ធិដោយ thmeythmey.com