ពីនេះ ពីនោះ
ចេកខ្ចីស្លាបខៀវបក្សីញី និងឈ្មោល មានរូបរាងខុសគ្នាបន្តិចបន្ទួច
× ចេកខ្ចីស្លាបខៀវ គឺជាឈ្មោះបក្សីមួយប្រភេទ ដែលបក្សីឈ្មោល មានដងខ្លួនសម្បុរបៃតងខ្ចី និងមានស្លាបហើរទី១ ទី២ពណ៌ខៀវភ្លឺ ផ្នែកខ្នង និងកន្ទុយពណ៌បៃតងចាស់ មានដៅពណ៌ខ្មៅនៅបំពង់ក។ ចំណែកបក្សីញី គ្មានដៅខ្មៅនៅបំពង់កទេ ស្លាប និងកន្ទុយពណ៌បៃតងខ្ចីជាងឈ្មោល។ បក្សីនេះច្រើនរស់នៅតាមព្រៃស្រោង ព្រៃរបោះចម្រុះ តាមជាយព្រៃ និងដំណុះព្រៃក្មេង។ តាមឯកសារបានបញ្ជាក់ថា បក្សីនេះមានវត្តមានពេញមួយឆ្នាំ និងមានគ្រប់ទីកន្លែង ហើយចាប់ផ្ដើមបន្តពូជ ចាប់ពីខែមេសា ដល់ខែសីហា។
ដកស្រង់ពីសៀវភៅ៖ សត្វស្លាបនៃប្រទេសកម្ពុជា, រៀបរៀងដោយលោកតាន់ សេដ្ឋា និង កូលីន ភូល
© រក្សាសិទ្ធិដោយ thmeythmey.com