សេដ្ឋកិច្ច
អត្ថបទពាណិជ្ជកម្ម
ប្រាសាក់ចេញផ្សាយរបាយការណ៍ហិរញ្ញវត្ថុសង្ខេបប្រចាំត្រីមាសទី២ ឆ្នាំ២០១៦
× ប្រាសាក់ ដែលជាស្ថាប័នហិរញ្ញវត្ថុជាប់ចំណាត់ថ្នាក់លេខ ៤ បើគិតលើចំនួនទ្រព្យសកម្មសរុបប្រៀបធៀបជាមួយធនាគារនិងគ្រឹះស្ថានមីក្រូហិរញ្ញវត្ថុដទៃទៀតនៅក្នុងប្រទេសកម្ពុជា បានចេញផ្សាយរបាយការណ៍ហិរញ្ញវត្ថុសង្ខេបប្រចាំត្រីមាសទី២ ឆ្នាំ២០១៦ ដែលបានធ្វើសវនកម្មរួច។
តាមរបាយការណ៍នេះបង្ហាញថា គិតត្រឹមដំណាច់ខែមិថុនា ឆ្នាំ២០១៦ ប្រាសាក់មាន ទ្រព្យសកម្មសរុបលើសពី ១០០០ លានដុល្លារអាមេរិក ដើមទុនចុះបញ្ជីមានចំនួន ៧២ លានដុល្លារអាមេរិក អតិថិជនដាក់ប្រាក់បញ្ញើចំនួន ៤៦៨ ពាន់នាក់ និងអតិថិជនឥណទានចំនួន ៣២៤ ពាន់នាក់ ។
ដោយឡែក បើតាមព័ត៌មានចុងក្រោយ ដែលថ្មីៗទទួលបាន បានឲ្យដឹងថា ប្រាសាក់បានបង្កើនដើមទុនចុះបញ្ជីពី ៧២ ដល់ ១១០ ដុល្លារអាមេរិកកាលពីខែកក្កដា កន្លងទៅ។
ក្រៅពីផ្តល់សេវាប្រាក់បញ្ញើនិងកម្ចីជូនដល់អតិថិជន ប្រាសាក់បានផ្តល់សេវាធនាគារជាច្រើនទៀតរួមមាន ម៉ាស៊ីនឆូតកាត (POS) សេវាធនាគារចល័ត ផ្ទេរប្រាក់ ផ្ទេរប្រាក់តាម Cash-by-Code សេវាអេធីអឹម សេវាទិញកាតទូរស័ព្ទ សេវាទូទាត់វិក្កយបត្រ សេវាបើកប្រាក់បៀវត្ស និងសេវាផ្សេងៗជាច្រើនទៀត។ ប្រាសាក់មានបណ្តាញការិយាល័យចំនួន181 និង ទូអេធីអឹមចំនួន គ្របដណ្តប់នៅទូទាំងប្រទេស បំពាក់ដោយប្រព័ន្ធបច្ចេកវិទ្យាទំនើប ដើម្បីបម្រើដល់ការធ្វើប្រតិបត្តិការរបស់អតិថិជនគ្រប់ពេលវេលា។
© រក្សាសិទ្ធិដោយ thmeythmey.com