ពីនេះ ពីនោះ
ត្រូវឈប់សរសេរថា«តំឡើង និង តម្លើង» ព្រោះពាក្យនេះគ្មានក្នុងវចនានុក្រមខ្មែរទេ
× សាធារណជនមួយចំនួនធំ ប្រហែលជាធ្លាប់សរសេរពាក្យថា «តំឡើង និងតម្លើង» នេះនៅ ក្នុងអត្ថបទសំណេររបស់ខ្លួន។ ប៉ុន្តែតាមពិតពាក្យទាំងពីរនេះ មិនត្រឹមត្រូវ ហើយក៏ពុំមាន នៅក្នុងវចនានុក្រមខ្មែរ របស់សម្ដេចព្រះសង្ឃរាជ ជួន ណាត ផងដែរ។ ពាក្យដែល ត្រឹម ត្រូវគឺពាក្យ «ដំឡើង»។
វចនានុក្រមខ្មែររបស់សម្ដេចព្រះសង្ឃរាជ ជួន ណាត ពាក្យ«ដំឡើង»នេះ មានថ្នាក់ពាក្យ ជាកិរិយាសព្ទ មានន័យថា ធ្វើឲ្យឡើង, ធ្វើឲ្យខ្ពស់ជាងមុន, ធ្វើឲ្យមានកម្លាំង,ធ្វើឲ្យឃើញ សម្បើមៈ ដំឡើងពន្ធដារ, ដំឡើងថ្លៃអីវ៉ាន់, ដំឡើងស្នា, ដំឡើងឫក, ដំឡើងឫទ្ធិ...ជាដើម។ អាចប្រើម្យ៉ាងទៀតថា លើកផ្គុំរៀបចំតាមលំនាំស្រាប់ៈ ដំឡើងរទេះ, ដំឡើងរថយន្ត។
បើប្រើជាគុណនាម និងនាម វិញពាក្យនេះបង្ហាញពីរដូវដែលទឹកឡើងៈ រដូវដំឡើង, ខែដំឡើង៕
ដកស្រង់ពីវចនានុក្រមខ្មែរ របស់សម្ដេចព្រះសង្ឃរាជ ជួន ណាត
© រក្សាសិទ្ធិដោយ thmeythmey.com