កីឡាជាតិ
×![]()
ក្រុមបាល់ទាត់នារីបានបើករដូវកាលថ្មី ២០១៦ ដោយឆ្នាំនេះមានក្រុមចូលរួមប្រកួតចំនួន១១ក្រុម ហើយក្រុមទាំងនោះនឹងធ្វើការប្រជែងគ្នាដណ្តើមជើងឯកចាប់ពីថ្ងៃទី១១ ខែកញ្ញា នេះ។ ការប្រកួតដែលរៀបចំដោយសហព័ន្ធកីឡាបាល់ទាត់កម្ពុជាមួយនេះម្ចាស់ជើងឯកទទួលបានប្រាក់រង្វាន់២លាន។ 
សម្រាប់រដូវកាលថ្មី២០១៦ក្រុមបាល់ទាត់នារីស្ម័គ្រចិត្តចំនួន១១ក្រុមនឹងធ្វើការប្រជែងគ្នាដើម្បីដណ្តើមជើងឯកបាល់ទាត់នារីប្រចាំឆ្នាំ២០១៦។ ការប្រកួតដែលធ្វើឡើងនៅទីលានក្នុងមជ្ឈមណ្ឌល និងទីលានសាលាបាល់ទាត់ជាតិបាទីក្រុមទាំងនេះត្រូវធ្វើការបែងចែកជាពីរពូល ដោយពូល A មាន៥ក្រុម និងពូល B មាន៦ក្រុម។
ការប្រកួតដែលរៀបចំដោយសហព័ន្ធកីឡាបាល់ទាត់កម្ពុជាមួយនេះម្ចាស់ជើងឯកទទួលបានប្រាក់រង្វាន់២លានរៀល ឬឯលេខ២ទទួលបាន១,២លានរៀល និងលេខ៣ទទួលបាន៨០ម៉ឺនរៀល។ ក្រៅពីនោះក៏មានការផ្តល់ប្រាក់រង្វាន់លើកទឹកផ្សេងៗទៀតផងដែរ ក្នុងនោះក្រុម Fair Play ទទួលបាន៨០ម៉ឺនរៀល និងអ្នកស៊ុតបាល់បញ្ចូលទីច្រើនជាងគេទទួលបាន៤០ម៉ឺនរៀល។
គួរបញ្ជាក់ថា ការប្រកួតជើងឯកនារីប្រចាំឆ្នាំ២០១៦នេះ ធ្វើឡើងចាប់ពីថ្ងៃទី១១ ខែកញ្ញា ដោយគ្រោងនឹងបញ្ចប់នៅថ្ងៃទី២៤ ខែកញ្ញា ខាងមុខនេះ៕
Tag:
បាល់ទាត់នារី
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
