ជាតិ
រយៈពេលប្រាំបីខែ គ.ស.ច.គ ពិន័យយានយន្តល្មើសច្បាប់បានជិត ៤លានដុល្លា រូបភាពលោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន
× ភ្នំពេញ៖ ចាប់ពីថ្ងៃទី១ ខែមករា រហូតមកដល់ថ្ងៃទី៣១ ខែសីហា ឆ្នាំ២០១៦នេះ គណៈកម្មាធិការជាតិសុវត្ថិភាពចរាចរណ៍ផ្លូវគោក បានធ្វើការពិន័យលើយានយន្តល្មើសច្បាប់ទាំងអស់បានទឹកប្រាក់សរុបចំនួន ១៤ ៣៦៦ ៧៨៥ ០០០រៀល បើគិតជាប្រាក់ដុល្លាគឺជិត ៤លានដុល្លា។ នេះបើតាមរបាយការណ៍របស់គណៈកម្មាធិការជាតិសុវត្ថិភាព ចរាចរណ៍ផ្លូវគោក (គ.ស.ច.គ)។
របាយការណ៍បូកសរុបលទ្ធផលត្រួតពិនិត្យការអនុវត្ត ច្បាប់ស្តីពី ចរាចរណ៍ផ្លូវគោកថ្មី ខែសីហា ឆ្នាំ២០១៦នេះ បានបង្ហាញថា ទឹកប្រាក់ជិត ៤លានដុល្លា(១៤៣៦៦៧៨៥០០០រៀល) បានទទួលពីការពិន័យយានយន្តល្មើសច្បាប់ ចាប់ពីខែមករា ដល់ខែសីហានេះ។ ចំណែក របាយការណ៍បូកសរុបកាលពីខែកក្ដដា បានបង្ហាញថាចាប់ពីខែមករា ដល់ខែចុងខែកក្ដដា គណៈកម្មាធិការជាតិសុវត្ថិភាព ចរាចរណ៍ផ្លូវគោក បានធ្វើការពិន័យសរុបជាទឹកប្រាក់បានត្រឹម ១៣២២៣២៦៤០០០រៀល បើគិតជាដុល្លាជាង ៣លាន ៣សែនដុល្លា។
យោងតាមរបាយការណ៍នេះ គឺមានន័យថាសម្រាប់ខែសីហា គណៈកម្មាធិការជាតិសុវត្ថិភាព ចរាចរណ៍ផ្លូវគោក(គ.ស.ច.គ) បានធ្វើការពិន័យបានចំនួនទឹកប្រាក់សរុបចំនួន ១.១៤៣.៥២១.០០០រៀល គិតជាដុល្លាជាង២៨ម៉ឺនដុល្លា។
គួរបញ្ជាក់ថា សម្រាប់ខែសីហា គណៈកម្មាធិការជាតិសុវត្ថិភាព ចរាចរណ៍ផ្លូវគោក(គ.ស.ច.គ) បានប្រតិបត្តិការត្រួតពិនិត្យយានយន្ត បានចំនួន ៧៦១២០១គ្រឿង ក្នុងនោះមានម៉ូតូចំនួន ៦២%។ ក្នុងចំណោមយានយន្ត ដែលត្រូវបានត្រួតពិនិត្យនេះ បានរកឃើញយានយន្តល្មើសចំនួន ៩៧២៧៤គ្រឿង ស្មើនឹង១៣% បានអប់រំចំនួន ៤៣៩៥១គ្រឿងស្មើនឹង ៤៥% និងបានធ្វើការពិន័យបានចំនួន ៥៣៣២៣គ្រឿង៕
Tag:
ចរាចរណ៍
របាយការណ៍ខែសីហា
© រក្សាសិទ្ធិដោយ thmeythmey.com