អន្តរជាតិ
Zika ចូលមកដល់ទីក្រុងបាងកក ក្រោយរាតត្បាតនៅសិង្ហបុរី
× បន្ទាប់ពីរីករាលដាលនៅសិង្ហបុរី និងម៉ាឡេស៊ី មកនោះ នៅពេលនេះ វីរុស Zika បានឆ្លងចូលមកដល់រាជធានីបាងកក ប្រទេសថៃហើយ។ វីរុសនេះ កំពុងរាតត្បាតនៅសង្កាត់ពាណិជ្ជកម្ម Sothon ក្នុងក្រុងបាងកក ស្របពេលដែលអាជ្ញាធរក្រុងបាងកក ក៏កំពុងចាត់វិធានការទប់ស្កាត់ការីករាលដាលបន្តដែរ។
ករណីវីរុស Zika ចំនួន២១ ត្រូវបានរកឃើញក្នុងរាជធានីបាងកក ក្នុងសង្កាត់ Sothon ដែលជាសង្កាត់ពាណិជ្ជកម្មមមាញឹករបស់ទីក្រុងមួយនេះ។ វីរុសនេះ បានរាតត្បាតជាច្រើនករណីនៅសិង្ហបុរី និងម៉ាឡេស៊ីក្បែរខាង បើទោះជាមានការចាត់វិធានការទប់ស្កាត់ និងការពារក៍ដោយចុះ។ នៅពេលនេះ មន្ត្រីថៃ កំពុងរកមើលករណីឆ្លងផ្សេងទៀត ដែលអាចកើតឡើងនៅតំបន់ក្បែរសង្កាត់ Sothon។
លោក Wantanee Wattana លេខាធិការរងអចិន្ត្រៃយ៍ក្រុងបាកក និយាយថា ក្នុងចំណោមករណីវីរុសZika ទាំង២១ករណី ក៏មានស្ត្រីម្នាក់ដែលប្ដីទើបមកពីសិង្ហបុរី ដែលវីរុសនេះ កំពុងរាតត្បាតខ្លាំង។ សារព័ត៌មានក្នុងស្រុក នៅថ្ងៃទី១០ ខែកញ្ញថា ផ្សាយថា ស្ត្រីនោះមានអការៈក្ដៅខ្លួនខ្លាំង ភ្នែកឡើងក្រហម និងបានឆ្លងវីរុសនេះ នៅអំឡុង សប្ដាហ៍ទី៣៧នៃការមានផ្ទៃពោះ។
ជាមួយគ្នានេះ សង្កាត់ផ្សេងទៀត ដែលនៅជាប់សង្កាត់ពាណិជ្ជកម្ម Sothon ក៏ត្រូវដាក់ក្រោមការតាមដានរយៈពេល៣០ថ្ងៃខាងមុខ ខណៈដែលអ្នកឆ្លងវីរុសនេះ ត្រូវបានណែនាំឲ្យស្នាក់ក្នុងផ្ទះរយៈពេល៣០ថ្ងៃ ចៀសវាចម្លងវីរុសនោះទៅអ្នកផ្សេង។ នេះបើយោងតាមការផ្សាយរបស់កាសែតបាងកកប៉ុស្តិ៍។
ក្រសូងសុខភាពសាធារណៈថៃ ក៏ធ្លាប់រាយការណ៍ដែរថា ជាមធ្យមមានអ្នកជម្ងឺZika នេះចំនួន៥នាក់ក្នុងមួយឆ្នាំ ពោលគឺចាប់ពីឆ្នាំ២០១២ ដល់ឆ្នាំ២០១៥។ នាពេលថ្មីៗនេះ ករណីឆ្លងវីរុស Zika ក៏ត្រូវបានរាយការណ៍ចេញពីខេត្ត Bung Kan, Chanthaburi, Chiang Mai និង ខេត្តPhetchabun ប៉ុន្តែអាជ្ញាធរថៃអះអាងថា ប្រតិបត្តិការត្រួតពិនិត្យ គឺមានប្រសិទ្ធភាពហើយ៕
© រក្សាសិទ្ធិដោយ thmeythmey.com