អង្គរអែហ្វស៊ីសៀមរាបផ្តល់កាដូយ៉ាងជូរចត់ដល់ម្ចាស់ផ្ទះមន្ទីរ អ.យ.ក ខេត្តតាកែវ១១-០ក្នុងថ្ងៃបើកឆាក

កីឡាជាតិ

ជាតិ

អង្គរអែហ្វស៊ីសៀមរាបផ្តល់កាដូយ៉ាងជូរចត់ដល់ម្ចាស់ផ្ទះមន្ទីរ អ.យ.ក ខេត្តតាកែវ១១-០ក្នុងថ្ងៃបើកឆាក

13, Sep 2016 , 5:12 pm

រូបភាព

ដោយ:

ការប្រកួតបាល់ទាត់ដណ្តើមជើងឯកនារីប្រចាំឆ្នាំ២០១៦ក្នុងពូល A នៅកីឡាដ្ឋានសាលាបាល់ទាត់ទន្លេបាទីកាលពីម្សិលមិញ។ ក្រុមអង្គរអែហ្វស៊ីខេត្តសៀមរាប បានលត់ក្រុមមន្ទីរអប់រំ យុវជន និងកីឡា(អ.យ.ក)ខេត្តតាកែវក្នុងលទ្ធផល ១១-០ មុនក្រុមមន្ទីរ អ.យ.ក ខេត្តកណ្តាលបំបាក់មន្ទីរ អ.យ.ក ខេត្តបាត់ដំបង ៨-១។ ចំណែកក្នុងពូល B អង្គរការសាន់រ៉ាយរបស់កំពង់ស្ពឺលត់មន្ទីរ អ.យ.ក ខេត្តត្បូងឃ្មុំ ៨-១ ឬឯម៉ៃធីហ្គើលខេត្តបាត់ដំបងយកឈ្នះលើមន្ទីរ អ.យ.ក ខេត្តកំពង់ឆ្នាំង ៣-០។

សម្រាប់ការប្រកួតបើកឆាកក្នុងពូល A នៃពានរង្វាន់បាល់ទាត់នារីប្រចាំឆ្នាំ២០១៦ ដែលប្រព្រឹត្តទៅនៅកីឡដ្ឋានមជ្ឈមណ្ឌល និងសាលាបាត់ទាត់ជាតិទន្លេបាទីកាលពីម្សិលមិញ។ ក្រុមបាល់ទាត់នារីអង្គរអែហ្វស៊ីរបស់ខេត្តសៀមរាបបានផ្តល់ការដូយ៉ាងជូរចត់ដល់ក្រុមមន្ទីរអប់រំ យុវជន និងកីឡាខេត្តតាកែវក្នុងលទ្ធផល១១-០។ ចំណែកមន្ទីរ អ.យ.ក ខេត្តកណ្តាលបានផ្តល់មេរៀនជូនក្រុមមន្ទីរ អ.យ.ក ខេត្តបាត់ដំបងតាមរយៈការបំបាក់ក្នុងលទ្ធផល៨ទល់នឹង១។

ឬឯការប្រកួតក្នុងពូលB ក្រុមបាល់ទាត់នារីរបស់អង្គការសាន់រ៉ាយខេត្តកំពង់ស្ពឺបានបំបាក់ក្រុមបាល់ទាត់នារីរបស់មន្ទីរ អ.យ.ក ខេត្តដែលទើបបង្កើតឡើងថ្មីត្បូងឃ្មុំក្នុងលទ្ធផល៨-១។ ចំណែកក្រុមបាល់ទាត់នារីម៉ៃធីហ្គើលរបស់ខេត្តបាត់ដំបង បានយកឈ្នះលើក្រុមមន្ទីរ អ.យ.ក ខេត្តកំពង់ឆ្នាំងក្នុងលទ្ធផល ៣ទល់នឹង០៕

*លទ្ធផលការប្រកួតពានរង្វាន់បាល់ទាត់នារីកាលពីម្សិលមិញ៖
ពូល A
- អង្គរអែហ្វស៊ី(សៀមរាប) ១១-០ មន្ទីរ អ.យ.ក ខេត្តតាកែវ
- មន្ទីរ អ.យ.ក ខេត្តបាត់ដំបង ១-៨ មន្ទីរ អ.យ.ក ខេត្តកណ្តាល
ពូល B
- មន្ទីរ អ.យ.ក ខេត្តត្បូងឃ្មុំ ១-៨ អង្គការសាន់រ៉ាយ(ខេត្តកំពង់ស្ពឺ)
- ម៉ៃធីហ្គើល(ខេត្តបាត់ដំបង) ៣-០ មន្ទីរ អ.យ.ក ខេត្តកំពង់ឆ្នាំង