កីឡាជាតិ
ជាតិ
×![]()
ដោយ: រួបរួម
ក្រុមកីឡាបាល់ទាត់ជម្រើសជាតិអាយុក្រោម១៩ឆ្នាំកម្ពុជា បានចាញ់ក្រុមថៃ ២-១ នាការប្រកួតលើកទីបីក្នុងពូល B នៃព្រឹត្តិការណ៍ AFF U19 Championship នៅក្នុងទីក្រុងហាណូយ ប្រទេសវៀតណាម នាថ្ងៃទី១៦ ខែកញ្ញា នេះ។
នៅនាទី ទី៨ ខ្សែបម្រើ អ៊ិន សូដាវីដ បានអូសបាល់ចូលទៅក្នុងតំបន់គ្រោះថ្នាក់ ហើយស៊ុតសំដៅទី។ បាល់បានរមៀលប៉ះជើងខ្សែការពារថៃ Saringkan Promsupa ដែលនាំឲ្យកម្ពុជានាំមុខមុន ១-០ ។ ថៃបានវាយបកជាមួយនឹងការស៊ុតបាល់បញ្ចូលទី បន្តបន្ទាប់នៅនាទី ២៨ និង៣០ ដែលរកបានជាបន្តបន្ទាប់ដោយ Jakkit Wachpirom និង Worachit Kanitsribumphen ។
គ្រូបង្វឹកជនជាតិជប៉ុន លោក Ohara Kazunori បានផ្លាស់ប្តូរជម្រើសរហូតដល់១០នាក់ ពីជំនួបជាមួយឡាវ ដោយលោកងាកទៅប្រើប្រាស់កីឡាករដែលបានលេងក្នុងជំនួបបើកឆាកជាមួយអូស្ត្រាលីវិញ ខណៈអ្នកចាំទី កែវ សុខសិលា រក្សាការលេងបីប្រកួតជាប់គ្នា។
កីឡាករដែលបានលេងរួមមាន កែវ សុខសិលា,សួន នឿត, ស្លេះ សេន, យ៉ើ សាហ្វី, សឿត បារាំង, លី វាហេទ, អន ច័ន្ទប៉ូលីន, ឡុង ភារ៉ាត់, អ៊ិន សូដាវីដ, ឆេង ម៉េង (យ៉ើ ម៉ូស្លីម), ពៅ សុវុទ្ធី (ម៉ៅ ពិសិដ្ឋ)។
នេះជាបរាជ័យលើកទី៥របស់កម្ពុជាក្នុងជំនួបជាមួយថៃ។ ថៃ ដែលបានឈ្នះតំណែងជើងឯក៤លើក និងជាម្ចាស់ការពារតំណែងជើងឯក បានយកឈ្នះកម្ពុជារហូតនាជំនួប៤លើកកន្លងមក ដោយសម្រេចបានលទ្ធផល ៧-០ នៅឆ្នាំ២០០៧, ៣-0 នៅឆ្នាំ២០០៩, ៥-០ នៅឆ្នាំ២០១១ និង ៦-០ នៅឆ្នាំ២០១៥ ។ យោងតាមលទ្ធផលនេះ វាជាលើកដំបូងហើយដែលកម្ពុជាមានគ្រាប់បាល់បញ្ចូលទីលើថៃ។
នៅថ្ងៃទី១៨ ខែកញ្ញា កម្ពុជាត្រូវប៉ះជាមួយមីយ៉ាន់ម៉ា ឡាវ ជួប ម៉ាឡេស៊ី មុនពេលក្រុមកំពូលតារាង អូស្ត្រាលី តទល់ជាមួយថៃ៕
នៅនាទី ទី៨ ខ្សែបម្រើ អ៊ិន សូដាវីដ បានអូសបាល់ចូលទៅក្នុងតំបន់គ្រោះថ្នាក់ ហើយស៊ុតសំដៅទី។ បាល់បានរមៀលប៉ះជើងខ្សែការពារថៃ Saringkan Promsupa ដែលនាំឲ្យកម្ពុជានាំមុខមុន ១-០ ។ ថៃបានវាយបកជាមួយនឹងការស៊ុតបាល់បញ្ចូលទី បន្តបន្ទាប់នៅនាទី ២៨ និង៣០ ដែលរកបានជាបន្តបន្ទាប់ដោយ Jakkit Wachpirom និង Worachit Kanitsribumphen ។
គ្រូបង្វឹកជនជាតិជប៉ុន លោក Ohara Kazunori បានផ្លាស់ប្តូរជម្រើសរហូតដល់១០នាក់ ពីជំនួបជាមួយឡាវ ដោយលោកងាកទៅប្រើប្រាស់កីឡាករដែលបានលេងក្នុងជំនួបបើកឆាកជាមួយអូស្ត្រាលីវិញ ខណៈអ្នកចាំទី កែវ សុខសិលា រក្សាការលេងបីប្រកួតជាប់គ្នា។
កីឡាករដែលបានលេងរួមមាន កែវ សុខសិលា,សួន នឿត, ស្លេះ សេន, យ៉ើ សាហ្វី, សឿត បារាំង, លី វាហេទ, អន ច័ន្ទប៉ូលីន, ឡុង ភារ៉ាត់, អ៊ិន សូដាវីដ, ឆេង ម៉េង (យ៉ើ ម៉ូស្លីម), ពៅ សុវុទ្ធី (ម៉ៅ ពិសិដ្ឋ)។
នេះជាបរាជ័យលើកទី៥របស់កម្ពុជាក្នុងជំនួបជាមួយថៃ។ ថៃ ដែលបានឈ្នះតំណែងជើងឯក៤លើក និងជាម្ចាស់ការពារតំណែងជើងឯក បានយកឈ្នះកម្ពុជារហូតនាជំនួប៤លើកកន្លងមក ដោយសម្រេចបានលទ្ធផល ៧-០ នៅឆ្នាំ២០០៧, ៣-0 នៅឆ្នាំ២០០៩, ៥-០ នៅឆ្នាំ២០១១ និង ៦-០ នៅឆ្នាំ២០១៥ ។ យោងតាមលទ្ធផលនេះ វាជាលើកដំបូងហើយដែលកម្ពុជាមានគ្រាប់បាល់បញ្ចូលទីលើថៃ។
នៅថ្ងៃទី១៨ ខែកញ្ញា កម្ពុជាត្រូវប៉ះជាមួយមីយ៉ាន់ម៉ា ឡាវ ជួប ម៉ាឡេស៊ី មុនពេលក្រុមកំពូលតារាង អូស្ត្រាលី តទល់ជាមួយថៃ៕
Tag:
បាល់ទាត់
U19
AFF U19 Championship
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
