ពីនេះ ពីនោះ
កូនខ្មែរប៉ុន្មាននាក់ ស្គាល់ពីអត្ថន័យពាក្យ«ការការពារ» នៅក្នុងន័យវប្បធម៌?
× ពាក្យថា«ការការពារ» បើឲ្យនិយមន័យតាមន័យធម្មតា ប្រហែលសាធារណជនគិតថា មិនមានអ្វីដែលចម្លែកនោះទេ។ ប៉ុន្តែសម្រាប់ការប្រើប្រាស់ពាក្យបច្ចេកសព្ទវប្បធម៌ ប្រហែលមិនមានមនុស្សច្រើនទេ ដែលអាចយល់បានថា ពាក្យនេះមានន័យបែបណា។
សទ្ទានុក្រមវប្បធម៌ និងវិចិត្រសិល្បៈ ដែលអនុម័តដោយ ក្រុមប្រឹក្សាជាតិភាសាខ្មែរ បានកំណត់ន័យ របស់ពាក្យ«ការការពារ»នេះថា ជាសកម្មភាពដែលតម្រូវឲ្យមានការកំណត់លក្ខខណ្ឌផ្សេងៗ ដើម្បីសង្គ្រោះបុរាណវត្ថុ សិល្បៈប្រាសាទបុរាណ ស្ថានីយបុរាណវត្ថុវិទ្យា តំបន់ប្រវត្តិសាស្ត្រ និងធនធានបេតិកភណ្ឌ ដើម្បីទប់ស្កាត់អំពើចោរកម្ម ការរំលោភ ការបំផ្លិចបំផ្លាញ រួមទាំងការបំផ្លាញពីធម្មជាតិ។
ឧទាហរណ៍៖ អាជ្ញាធរជាតិព្រះវិហារ រៀបចំតំបន់ការពារដើម្បីអភិរក្ស និងអភិវឌ្ឍតំបន់ប្រាសាទព្រះវិហារ។
ដកស្រង់ពី៖ សទ្ទានុក្រមវប្បធម៌ និងវិចិត្រសិល្បៈ, ក្រុមប្រឹក្សាជាតិភាសាខ្មែរ,២០១៥
© រក្សាសិទ្ធិដោយ thmeythmey.com