អន្តរជាតិ
×![]()
ដោយ: តន ចាន់រិទ្ធារ៉ា
ប្រមុខការទូតអាមេរិក លោក ចន ឃែរី (John Kerry) បានទទូចឲ្យរដ្ឋកុម្មុយនីស្តកូរ៉េខាងជើង បញ្ឈប់កម្មវិធីនុយក្លេអ៊ែររបស់ខ្លួនដើម្បីវិលចូលតុចរចាពិតប្រាកដជាមួយខ្លួនសំដៅសម្រួលស្ថានការណ៍ដែលកើនកម្ដៅខ្លាំងនៅឧបទ្វីបកូរ៉េ។ ការទទូចនេះ ធ្វើឡើងបន្ទាប់ពីកូរ៉េខាងជើងសាកល្បងគ្រាប់នុយក្លេអ៊ែរលើកទី៥ នៅថ្ងៃទី៩ ខែកញ្ញា ក៏ដូចជាការប្រកាសត្រៀមខ្លួនសាកល្បងជាបន្តបន្ទាប់ទៀតនោះ។
រដ្ឋមន្ត្រីការបរទេសអាមេរិក លោក ចន ឃែរី នៅថ្ងៃទី១៨ ខែកញ្ញា បានហៅកូរ៉េខាងជើងឲ្យចូលតុចរចាជាមួយខ្លួន និងប្រទេសដទៃទៀត ដើម្បីនិយាយពីរឿងអនាគតរបស់រដ្ឋកុម្មុយនីស្តមួយនេះ។ យ៉ាងណាមិញ ទីភ្នាក់ងារព័ត៌មាន AFP ផ្សាយថា អាមេរិក បានដាក់លក្ខខណ្ឌឲ្យកូរ៉េខាងជើងផ្អាកកម្មវិធីនុយក្លេអ៊ែររបស់ខ្លួនជាសិន មុននឹងមកនិយាយចរចានោះ។
ថ្លែងក្នុងជំនួបជាមួយរដ្ឋមន្ត្រីការបរទេសជប៉ុន ហ្វូមីអូ គីស៊ីដា និងរដ្ឋមន្ត្រីការបរទេសកូរ៉េខាងត្បូង យុន ប្យុងសេ ប្រមុខការទូតអាមេរិកនិយាយថា អាមេរិក នឹងនៅតែប្ដេជ្ញាចិត្តលើការការពារគ្នាទៅវិញទៅមករវាងអាមេរិក ជប៉ុន និងកូរ៉េខាងត្បូង។ ជាមួយគ្នានោះ អាមេរិក ក៏ឆ្លើយតបនឹងសកម្មភាពព្រហើនរបស់កូរ៉េខាងជើង ដែលតែងតែបង្កហតុ និងធ្វើឲ្យស្ថានភាពនៅឧបទ្វីបកូរ៉េ ក៏ដូចជាតំបន់ទាំងមូលតានតឹងខ្លាំង។
លោក ចន ឃែរី ប្រាប់ឲ្យដឹងទៀតថា ក្រុងវ៉ាស៊ីនតោន ក៏ត្រៀមខ្លួនរួចរាល់សម្រាប់ចរចាស្វែងរកសន្តិភាពនៅឧបទ្វីបកូរ៉េជាមួយក្រុងព្យុងយ៉ាង ដើម្បីបញ្ចប់ភាពឯកោរបស់កូរ៉េខាងជើង ព្រមទាំងស្ដារសេដ្ឋកិច្ចដែលកំពុងយ៉ាប់យ៉ឺនផងនោះ។ ប៉ុន្តែការលុបចោលកម្មវិធីនុយក្លេអ៊ែររបស់កូរ៉េខាងជើង ជាជំហានដំបូងនៃដំណើរការចរចានេះ។ លោកបន្តថា តម្រូវការចាំបាច់ពេលនេះ គឺកូរ៉េខាងជើង ត្រូវបញ្ឈប់សកម្មភាពព្រហើនទាំងអស់ រួមទាំងការសាកល្បងអាវុធដែរ។
មកទល់ពេលនេះ កូរ៉េខាងជើង សាកល្បងនុយក្លេអ៊ែរចំនួន៥លើកមកហើយ និងបានបាញ់មីស៊ីលបាលីស្ទិកជាច្រើនលើកទៀត។ ទន្ទឹមនឹងការបាញ់និងសាកល្បងហូរហែមកនេះ ក្រុមប្រឹក្សាសន្តិសុខអង្គការសហប្រជាជាតិ ក៏បានដាក់ទណ្ឌកម្មកាន់តែខ្លាំងឡើងៗ ដើម្បីបង្ខំឲ្យកូរ៉េខាងជើង បញ្ឈប់កម្មវិធីនុយក្លេអ៊ែរ និងវិលរកតុចរចាវិញ ប៉ុន្តែទណ្ឌកម្មទាំងនោះ មិនទទូលបានលទ្ធផលអ្វីឡើយ។
លើសពីនោះ ក្រុងប៉េកាំង ដែលជាសម្ព័ន្ធមិត្តរបស់ក្រុងព្យុងយ៉ាង ក៏មិនបានដាក់សម្ពាធអ្វីធ្ងន់ធ្ងរលើសម្ព័ន្ធមិត្តខ្លួនដែរ ក្រៅពីទទូចឲ្យក្រុងព្យុងយ៉ាងផ្អាកការសាកល្បង និងសកម្មភាពបង្កហេតុនោះ។ ដូចពេលកន្លងមកនោះ ចិន ក៏ស្នើឲ្យបើកការចរចា៦ភាគីឡើងវិញដែរ។ ភាគីចូលតុចរចាទាំង៦ រួមមាន ចិន កូរ៉េខាងជើង កូរ៉េខាងត្បូង អាមេរិក រុស្សី និងជប៉ុន ប៉ុន្តែការចរចានេះបានផ្អាកអស់ពេលជាយួរមកហើយ ដោយសារការដកខ្លួនរបស់កូរ៉េខាងជើង៕
រដ្ឋមន្ត្រីការបរទេសអាមេរិក លោក ចន ឃែរី នៅថ្ងៃទី១៨ ខែកញ្ញា បានហៅកូរ៉េខាងជើងឲ្យចូលតុចរចាជាមួយខ្លួន និងប្រទេសដទៃទៀត ដើម្បីនិយាយពីរឿងអនាគតរបស់រដ្ឋកុម្មុយនីស្តមួយនេះ។ យ៉ាងណាមិញ ទីភ្នាក់ងារព័ត៌មាន AFP ផ្សាយថា អាមេរិក បានដាក់លក្ខខណ្ឌឲ្យកូរ៉េខាងជើងផ្អាកកម្មវិធីនុយក្លេអ៊ែររបស់ខ្លួនជាសិន មុននឹងមកនិយាយចរចានោះ។
ថ្លែងក្នុងជំនួបជាមួយរដ្ឋមន្ត្រីការបរទេសជប៉ុន ហ្វូមីអូ គីស៊ីដា និងរដ្ឋមន្ត្រីការបរទេសកូរ៉េខាងត្បូង យុន ប្យុងសេ ប្រមុខការទូតអាមេរិកនិយាយថា អាមេរិក នឹងនៅតែប្ដេជ្ញាចិត្តលើការការពារគ្នាទៅវិញទៅមករវាងអាមេរិក ជប៉ុន និងកូរ៉េខាងត្បូង។ ជាមួយគ្នានោះ អាមេរិក ក៏ឆ្លើយតបនឹងសកម្មភាពព្រហើនរបស់កូរ៉េខាងជើង ដែលតែងតែបង្កហតុ និងធ្វើឲ្យស្ថានភាពនៅឧបទ្វីបកូរ៉េ ក៏ដូចជាតំបន់ទាំងមូលតានតឹងខ្លាំង។
លោក ចន ឃែរី ប្រាប់ឲ្យដឹងទៀតថា ក្រុងវ៉ាស៊ីនតោន ក៏ត្រៀមខ្លួនរួចរាល់សម្រាប់ចរចាស្វែងរកសន្តិភាពនៅឧបទ្វីបកូរ៉េជាមួយក្រុងព្យុងយ៉ាង ដើម្បីបញ្ចប់ភាពឯកោរបស់កូរ៉េខាងជើង ព្រមទាំងស្ដារសេដ្ឋកិច្ចដែលកំពុងយ៉ាប់យ៉ឺនផងនោះ។ ប៉ុន្តែការលុបចោលកម្មវិធីនុយក្លេអ៊ែររបស់កូរ៉េខាងជើង ជាជំហានដំបូងនៃដំណើរការចរចានេះ។ លោកបន្តថា តម្រូវការចាំបាច់ពេលនេះ គឺកូរ៉េខាងជើង ត្រូវបញ្ឈប់សកម្មភាពព្រហើនទាំងអស់ រួមទាំងការសាកល្បងអាវុធដែរ។
មកទល់ពេលនេះ កូរ៉េខាងជើង សាកល្បងនុយក្លេអ៊ែរចំនួន៥លើកមកហើយ និងបានបាញ់មីស៊ីលបាលីស្ទិកជាច្រើនលើកទៀត។ ទន្ទឹមនឹងការបាញ់និងសាកល្បងហូរហែមកនេះ ក្រុមប្រឹក្សាសន្តិសុខអង្គការសហប្រជាជាតិ ក៏បានដាក់ទណ្ឌកម្មកាន់តែខ្លាំងឡើងៗ ដើម្បីបង្ខំឲ្យកូរ៉េខាងជើង បញ្ឈប់កម្មវិធីនុយក្លេអ៊ែរ និងវិលរកតុចរចាវិញ ប៉ុន្តែទណ្ឌកម្មទាំងនោះ មិនទទូលបានលទ្ធផលអ្វីឡើយ។
លើសពីនោះ ក្រុងប៉េកាំង ដែលជាសម្ព័ន្ធមិត្តរបស់ក្រុងព្យុងយ៉ាង ក៏មិនបានដាក់សម្ពាធអ្វីធ្ងន់ធ្ងរលើសម្ព័ន្ធមិត្តខ្លួនដែរ ក្រៅពីទទូចឲ្យក្រុងព្យុងយ៉ាងផ្អាកការសាកល្បង និងសកម្មភាពបង្កហេតុនោះ។ ដូចពេលកន្លងមកនោះ ចិន ក៏ស្នើឲ្យបើកការចរចា៦ភាគីឡើងវិញដែរ។ ភាគីចូលតុចរចាទាំង៦ រួមមាន ចិន កូរ៉េខាងជើង កូរ៉េខាងត្បូង អាមេរិក រុស្សី និងជប៉ុន ប៉ុន្តែការចរចានេះបានផ្អាកអស់ពេលជាយួរមកហើយ ដោយសារការដកខ្លួនរបស់កូរ៉េខាងជើង៕
Tag:
អាមេរិក
កូរ៉េខាងជើង
នុយក្លេអ៊ែរ
© រក្សាសិទ្ធិដោយ thmeythmey.com
