ពីនេះ ពីនោះ
តើពាក្យ«ការអភិរក្ស» មាននិយមន័យដូចម្ដេច នៅក្នុងពាក្យបច្ចេកសព្ទវប្បធម៌?
× ពាក្យមួយអាចមានន័យលើសពីមួយ ទៅតាមបរិបទនៃការប្រើប្រាស់។ ដោយឡែកពាក្យថា«ការអភិរក្ស» នៅក្នុងពាក្យបច្ចេកសព្ទធម្មតាអាចមាននិយមន័យមួយ ប៉ុន្តែនៅក្នុងពាក្យបច្ចេកសព្ទវប្បធម៌ និងវិចិត្រសិល្បៈ មានន័យមួយផ្សេងទៀត។ តើពាក្យនេះមាននិយមន័យយ៉ាងដូចម្ដេច?
សទ្ទានុក្រមវប្បធម៌ និងវិចិត្រសិល្បៈ បានលើកឡើងពីនិយមន័យ នៃពាក្យថា«ការអភិរក្ស»ថា ជាការគ្រប់គ្រងថែរក្សា ការពារ ដើម្បីប្រើប្រាស់ ប្រកបដោយនិរន្តរភាពនូវបុរាណវត្ថុ សិល្បៈប្រាសាទបុរាណ ស្ថានីយបុរាណវិទ្យា និងធនធានបេតិកភណ្ឌ ឲ្យមានសុវត្ថិភាព ដើម្បីបញ្ចៀសហានិភ័យផ្សេងៗ។
ពាក្យនេះ នៅក្នុងទស្សនៈទូទៅ«អភិរក្ស» គឺផ្ដោតលើការការពារផ្សេងៗដល់អគារ ស្ថានីយបុរាណ ទីក្រុងបុរាណ រួមមានការថែទាំ ការជួសជុល ការពង្រឹងនិង ការបន្ថែមកម្លាំង។
ដកស្រង់ពីសទ្ទានុក្រមវប្បធម៌ និងវិចិត្រសិល្បៈ, ក្រុមប្រឹក្សាជាតិភាសាខ្មែរ,២០១៥
© រក្សាសិទ្ធិដោយ thmeythmey.com