អន្តរជាតិ
ក្រុង New York នឹងពង្រាយចំនួនប៉ូលិសមិនធ្លាប់មានត្រៀមការពារកិច្ចប្រជុំ UN
លោក Bill de Blasio អភិបាលក្រុងញូវយ៉ក ចុះទៅមើលកន្លែងកើតហេតុ
×![]()
ដោយ: ថ្មីៗ
បន្ទាប់ពីការវាយប្រហារបំផ្ទុះនៅក្រុង New York ដែលបណ្ដាលឲ្យមនុស្ស២៩នាក់របួសមក អជ្ញាធរក្រុង New York នឹងពង្រាយចំនួនប៉ូលិសកាន់តែច្រើនបន្ថែមទៀត ដើម្បីការពារសន្តិសុខ។ ការបង្កើនចំនួនប៉ូលិសដែលមិនធ្លាប់មាននេះ ក៏សំដៅការពារសន្តិសុខអំឡុងកិច្ចប្រជុំមហាសន្និបាតអង្គការសហប្រជាជាតិ ដែលមេដឹកនាំប្រទេសជុំវិញពិភពលោក នឹងមកចូលរួមកិច្ចប្រជុំប្រចាំឆ្នាំនេះ។
អភិបាលក្រុង New York លោក Bill de Blasio និយាយថា ក្រុង New York នឹងមានវត្តមានប៉ូលិសច្រើនដែលមិនធ្លាប់មានពីមុនមក ដើម្បការពារសុខសុវត្ថិភាពនៃកិច្ចប្រជុំមហាសន្និបាតលើកទី៧១ ដែលនឹងចាប់ផ្ដើមនៅក្នុងសប្ដាហ៍នេះ។ លោកថ្លែងបែបនេះនៅក្នុងសន្និសីទសារព័ត៌មានជុំវិញការបំផ្ទុះនៅថ្ងៃទី១៧ ខែកញ្ញា ដែលធ្វើឲ្យមនុស្ស២៩នាក់របួស ខណៈមូលហេតុពិតប្រាកដនៅមិនទាន់បង្ហាញនៅឡើយ។
ក្នុងសន្និសីទកាសែតដដែលនោះ អភិបាលក្រុងរូបនេះនិយាយថា ប៉ូលិសមកពី NYPD នឹងមានវត្តមានច្រើនក្រាស់ក្រែលនៅក្នុងទីក្រុងនៅក្នុងសប្ដាហ៍នេះ។ ហើយមន្ត្រីប៉ូលិសទាំងនោះ នឹងត្រូវពង្រាយនៅតាមកន្លែងសំខាន់ដូចជា នៅជុំវិញស្នាក់ការអង្គការសហប្រជាជាតិ ទីលាន Time Squares ក៏ដូចជាទីបញ្ជាការឆ្លើយតបបន្ទាន់ និងក្រុមឆ្លើយតបយុទ្ធសាស្ត្រផងដែរ។
បន្ថែមពីលើការបង្កើនចំនួនប៉ូលិសនោះ អាជ្ញាធរក្រុង New York ក៏នឹងបង្កើនការឆែកកាបូប និងការប្រើប្រាស់ឆ្កែហិតក្លិន នៅតាមស្ថានីយ៍រថភ្លើង ដែលមានមនុស្សណែនណាន់ដែរ។ នេះបើយោងតាមការផ្សាយរបស់ទីភ្នាក់ងារព័ត៌មានរដ្ឋចិន Xinhua។
សូមរម្លឹកថា ការបំផ្ទុះគ្រាប់បែកនៅសង្កាត់ Manhattan ក្រុងញូវយ៉ក នៅថ្ងៃសៅរ៍បានធ្វើឲ្យមនុស្សជិត៣០នាក់របួស។ គ្រាប់ដែលប្រើប្រាស់នោះត្រូវបានគេរកឃើញថា ជាគ្រាប់បែកច្នៃហើយប្រហាក់ប្រហែលគ្រឿងផ្ទុះដែលគេប្រើប្រាស់នៅក្នុងឆ្នាំ ២០១៣ នៅបូស្តុន។ គេដាក់ការសង្ស័យថា ករណីបំផ្ទុះគ្រាប់បែកនេះមានជាប់ពាក់ព័ន្ធបណ្តាក្រុមភេរវជនអន្តរជាតិ តែអភិបាលរដ្ឋទាត់ចោលការលើកឡើងបែបនេះ។
ករណីគ្រោះថ្នាក់នេះកើតឡើងប៉ុន្មានថ្ងៃប៉ុណ្ណោះមុនមានកិច្ចប្រជុំអង្គការសហប្រជាតិដែលត្រូវរៀបចំឡើងនៅស្នាក់ការកណ្តាលអង្គការសហប្រជាជាតិនាក្រុងញូវយ៉ក។ ហើយមេដឹកនាំពិភពលោករួមទាំងលោកបារ៉ាក់ អូបាម៉ា ផងនឹងចូលរួមក្នុងកិច្ចប្រជុំមហាសន្និបាតអង្គការសហប្រជាជាតិនេះ។
ដោយសារកិច្ចប្រជុំនេះនឹងមានវត្តមានបណ្តាមេដឹកនាំពិភពលោកច្រើន ស្ថាប័នអង្គការសហប្រជាជាតិបានស្នើសុំឲ្យមានការពង្រឹងសន្តិសុខ មុនកិច្ចប្រជុំមកដល់។ អ្នកនាំពាក្យអង្គការសហប្រជាជាតិ លោក Stephane Dujarric បានបញ្ជាក់ហើយថា សន្តិសុខជារួមនៅក្នុងបរិវេណស្ថាប័នត្រូវបានការពារយ៉ាងតឹងតែងបំផុតដោយមានការសហការពីអាជ្ញាធរសហព័ន្ធ៕
អភិបាលក្រុង New York លោក Bill de Blasio និយាយថា ក្រុង New York នឹងមានវត្តមានប៉ូលិសច្រើនដែលមិនធ្លាប់មានពីមុនមក ដើម្បការពារសុខសុវត្ថិភាពនៃកិច្ចប្រជុំមហាសន្និបាតលើកទី៧១ ដែលនឹងចាប់ផ្ដើមនៅក្នុងសប្ដាហ៍នេះ។ លោកថ្លែងបែបនេះនៅក្នុងសន្និសីទសារព័ត៌មានជុំវិញការបំផ្ទុះនៅថ្ងៃទី១៧ ខែកញ្ញា ដែលធ្វើឲ្យមនុស្ស២៩នាក់របួស ខណៈមូលហេតុពិតប្រាកដនៅមិនទាន់បង្ហាញនៅឡើយ។
ក្នុងសន្និសីទកាសែតដដែលនោះ អភិបាលក្រុងរូបនេះនិយាយថា ប៉ូលិសមកពី NYPD នឹងមានវត្តមានច្រើនក្រាស់ក្រែលនៅក្នុងទីក្រុងនៅក្នុងសប្ដាហ៍នេះ។ ហើយមន្ត្រីប៉ូលិសទាំងនោះ នឹងត្រូវពង្រាយនៅតាមកន្លែងសំខាន់ដូចជា នៅជុំវិញស្នាក់ការអង្គការសហប្រជាជាតិ ទីលាន Time Squares ក៏ដូចជាទីបញ្ជាការឆ្លើយតបបន្ទាន់ និងក្រុមឆ្លើយតបយុទ្ធសាស្ត្រផងដែរ។
បន្ថែមពីលើការបង្កើនចំនួនប៉ូលិសនោះ អាជ្ញាធរក្រុង New York ក៏នឹងបង្កើនការឆែកកាបូប និងការប្រើប្រាស់ឆ្កែហិតក្លិន នៅតាមស្ថានីយ៍រថភ្លើង ដែលមានមនុស្សណែនណាន់ដែរ។ នេះបើយោងតាមការផ្សាយរបស់ទីភ្នាក់ងារព័ត៌មានរដ្ឋចិន Xinhua។
សូមរម្លឹកថា ការបំផ្ទុះគ្រាប់បែកនៅសង្កាត់ Manhattan ក្រុងញូវយ៉ក នៅថ្ងៃសៅរ៍បានធ្វើឲ្យមនុស្សជិត៣០នាក់របួស។ គ្រាប់ដែលប្រើប្រាស់នោះត្រូវបានគេរកឃើញថា ជាគ្រាប់បែកច្នៃហើយប្រហាក់ប្រហែលគ្រឿងផ្ទុះដែលគេប្រើប្រាស់នៅក្នុងឆ្នាំ ២០១៣ នៅបូស្តុន។ គេដាក់ការសង្ស័យថា ករណីបំផ្ទុះគ្រាប់បែកនេះមានជាប់ពាក់ព័ន្ធបណ្តាក្រុមភេរវជនអន្តរជាតិ តែអភិបាលរដ្ឋទាត់ចោលការលើកឡើងបែបនេះ។
ករណីគ្រោះថ្នាក់នេះកើតឡើងប៉ុន្មានថ្ងៃប៉ុណ្ណោះមុនមានកិច្ចប្រជុំអង្គការសហប្រជាតិដែលត្រូវរៀបចំឡើងនៅស្នាក់ការកណ្តាលអង្គការសហប្រជាជាតិនាក្រុងញូវយ៉ក។ ហើយមេដឹកនាំពិភពលោករួមទាំងលោកបារ៉ាក់ អូបាម៉ា ផងនឹងចូលរួមក្នុងកិច្ចប្រជុំមហាសន្និបាតអង្គការសហប្រជាជាតិនេះ។
ដោយសារកិច្ចប្រជុំនេះនឹងមានវត្តមានបណ្តាមេដឹកនាំពិភពលោកច្រើន ស្ថាប័នអង្គការសហប្រជាជាតិបានស្នើសុំឲ្យមានការពង្រឹងសន្តិសុខ មុនកិច្ចប្រជុំមកដល់។ អ្នកនាំពាក្យអង្គការសហប្រជាជាតិ លោក Stephane Dujarric បានបញ្ជាក់ហើយថា សន្តិសុខជារួមនៅក្នុងបរិវេណស្ថាប័នត្រូវបានការពារយ៉ាងតឹងតែងបំផុតដោយមានការសហការពីអាជ្ញាធរសហព័ន្ធ៕
Tag:
UN
អាមេរិក
© រក្សាសិទ្ធិដោយ thmeythmey.com
