អន្តរជាតិ
លោក Fathi Hammad មេដឹកនាំម្នាក់របស់ក្រុមហាម៉ាស់ នៅប៉ាលេស្ទីន
×![]()
ដោយ: តន ចាន់រិទ្ធារ៉ា
នៅថ្ងៃទី១៦ ខែកញ្ញា ក្រសួងការបរទេអាមេរិក បានបញ្ចេញបញ្ជីឈ្មោះបុគ្គល ដែលត្រូវចាត់ទុកជាភេរវជនពិភពលោក ដ្បិតបុគ្គលទាំងនោះមាន ជាប់ពាក់ព័ន្ធក្រុមភេរវកម្មជ្រុលនិយមនៅជុំវិញពិភពលោកដូចជាក្រុមហាម៉ាស់ តាលីបង់ និងក្រុមរដ្ឋឥស្លាមជាដើម។ យ៉ាងណាក្ដី លោក Fathi Hammad ដែលជាមេដឹកនាំម្នាក់របស់ក្រុមហាម៉ាស់ នៅប៉ាលេស្ទីន បែរជាសប្បាយចិត្តពេលត្រូវអាមេរិកដាក់ចូលក្នុងបញ្ជីភេរវជនទៅវិញ។
«ខ្ញុំមានមោទនភាព ដែលអាចធ្វើឲ្យអាមេរិកខឹងសម្បារបាន។» នេះជាសម្ដីរបស់លោក Fathi Hammad មេដឹកនាំម្នាក់របស់ចលនាហាម៉ាស់ បន្ទាប់ពីត្រូវអាមេរិកដាក់បញ្ចូលក្នុងបញ្ជីភេរវជនពិភពលោករួចមក។ ហើយលោកក៏សប្បាយចិត្តដែរ ព្រោះត្រូវអាមេរិកហៅថាជាភេរវជននោះ។
ថ្លែងប្រាប់សារព័ត៌មាន The Washington Post នៅថ្ងៃទី១៧ ខែកញ្ញា លោក Fathi Hammad បន្តថា ការដាក់ឈ្មោះលោកក្នុងបញ្ជីនេះ នឹងបង្កើនទំនុកចិត្តរបស់លោកលើផ្លូវដែលលោកបានជ្រើសរើសហើយនោះ។ ហើយលោកមិនខ្លាចការគំរាម ឬការសម្លាប់អ្វីដែរ និងត្រៀមខ្លួនទទួលយកបញ្ហាទាំងអស់។ ប៉ុន្តែ មេដឹកនាំចលនាហាម៉ាស់រូបនេះ មិនដឹងទេថា ហេតុអ្វីបានជាក្រុងវ៉ាស៊ីនតោនដាក់ឈ្មោះលោកក្នុងបញ្ជីខាងលើដែរ។
បើតាមប្រភពព័ត៌មានខាងលើ ក្រុងវ៉ាស៊ីនតោនបានចោទប្រកាន់លោក Fathi Hammad ដែលជាអតីតរដ្ឋមន្ត្រីមហាផ្ទៃនៃរដ្ឋាភិបាលហាម៉ាស់ ចំពោះសកម្មភាពភេរវកម្មជាប្រព័ន្ធ។ អាមេរិកក៏ចោទប្រកាន់លោក Fathi ចំពោះការប្រើប្រាស់ទូរទស្សន៍ Al-Aqsa ដើម្បីទាក់ទាញកុមារឲ្យចូលរួមជាមួយចលនាហាម៉ាស់ និងធ្វើសកម្មភាពបំផ្ទុះគ្រាប់បែក ពេលពួកគេធំឡើង។
ជាមួយគ្នានោះ បុរសវ័យ៥៥ឆ្នាំរូបនេះ ក៏បានរិះគន់មហាយក្សអាមេរិក ចំពោះសកម្មភាពនៅជុំវិញពិភពលោក ដោយលោកបញ្ជាក់ថា អាមេរិកតែងអះអាងថា ខ្លួនឈរនៅជាមួយអ្នកត្រូវគេធ្វើបាប និងឈរជាមួយប្រជាជនប៉ាលេស្ទីន ប៉ុន្តែអាមេរិកមិនដែលធ្វើដូចមាត់ឡើយ។ ហើយអាមេរិក តែងកុហកគេឯងគ្រប់គ្នាទាំងអស់។
«ខ្ញុំសុំផ្ញើសារមួយទៅប្រជាជនអាមេរិក។ រដ្ឋាភិបាលអាមេរិក កំពុងកុហកអ្នក ហើយប្រធានាធិបតីអាមេរិក ក៏កំពុងកុហកអ្នកដែរ។ ពួកគេយកលុយរបស់អ្នក ដែលអាចចំណាយលើសុខាភិបាល និងវិស័យអប់រំ ទៅឲ្យអ៊ីស្រាអែលដែលជារដ្ឋគាំទ្រភេរវកម្មដ៏ធំមួយ។» នេះជាការលើកឡើងបន្ថែមរបស់លោក Fathi Hammad ដែលនិយាយសំដៅកិច្ចព្រមព្រៀងផ្ដល់ជំនួយរវាងអាមេរិក និងអ៊ីស្រាអែល ដែលមានតម្លៃដល់ទៅ៣៨ពាន់លានដុល្លារ៕
«ខ្ញុំមានមោទនភាព ដែលអាចធ្វើឲ្យអាមេរិកខឹងសម្បារបាន។» នេះជាសម្ដីរបស់លោក Fathi Hammad មេដឹកនាំម្នាក់របស់ចលនាហាម៉ាស់ បន្ទាប់ពីត្រូវអាមេរិកដាក់បញ្ចូលក្នុងបញ្ជីភេរវជនពិភពលោករួចមក។ ហើយលោកក៏សប្បាយចិត្តដែរ ព្រោះត្រូវអាមេរិកហៅថាជាភេរវជននោះ។
ថ្លែងប្រាប់សារព័ត៌មាន The Washington Post នៅថ្ងៃទី១៧ ខែកញ្ញា លោក Fathi Hammad បន្តថា ការដាក់ឈ្មោះលោកក្នុងបញ្ជីនេះ នឹងបង្កើនទំនុកចិត្តរបស់លោកលើផ្លូវដែលលោកបានជ្រើសរើសហើយនោះ។ ហើយលោកមិនខ្លាចការគំរាម ឬការសម្លាប់អ្វីដែរ និងត្រៀមខ្លួនទទួលយកបញ្ហាទាំងអស់។ ប៉ុន្តែ មេដឹកនាំចលនាហាម៉ាស់រូបនេះ មិនដឹងទេថា ហេតុអ្វីបានជាក្រុងវ៉ាស៊ីនតោនដាក់ឈ្មោះលោកក្នុងបញ្ជីខាងលើដែរ។
បើតាមប្រភពព័ត៌មានខាងលើ ក្រុងវ៉ាស៊ីនតោនបានចោទប្រកាន់លោក Fathi Hammad ដែលជាអតីតរដ្ឋមន្ត្រីមហាផ្ទៃនៃរដ្ឋាភិបាលហាម៉ាស់ ចំពោះសកម្មភាពភេរវកម្មជាប្រព័ន្ធ។ អាមេរិកក៏ចោទប្រកាន់លោក Fathi ចំពោះការប្រើប្រាស់ទូរទស្សន៍ Al-Aqsa ដើម្បីទាក់ទាញកុមារឲ្យចូលរួមជាមួយចលនាហាម៉ាស់ និងធ្វើសកម្មភាពបំផ្ទុះគ្រាប់បែក ពេលពួកគេធំឡើង។
ជាមួយគ្នានោះ បុរសវ័យ៥៥ឆ្នាំរូបនេះ ក៏បានរិះគន់មហាយក្សអាមេរិក ចំពោះសកម្មភាពនៅជុំវិញពិភពលោក ដោយលោកបញ្ជាក់ថា អាមេរិកតែងអះអាងថា ខ្លួនឈរនៅជាមួយអ្នកត្រូវគេធ្វើបាប និងឈរជាមួយប្រជាជនប៉ាលេស្ទីន ប៉ុន្តែអាមេរិកមិនដែលធ្វើដូចមាត់ឡើយ។ ហើយអាមេរិក តែងកុហកគេឯងគ្រប់គ្នាទាំងអស់។
«ខ្ញុំសុំផ្ញើសារមួយទៅប្រជាជនអាមេរិក។ រដ្ឋាភិបាលអាមេរិក កំពុងកុហកអ្នក ហើយប្រធានាធិបតីអាមេរិក ក៏កំពុងកុហកអ្នកដែរ។ ពួកគេយកលុយរបស់អ្នក ដែលអាចចំណាយលើសុខាភិបាល និងវិស័យអប់រំ ទៅឲ្យអ៊ីស្រាអែលដែលជារដ្ឋគាំទ្រភេរវកម្មដ៏ធំមួយ។» នេះជាការលើកឡើងបន្ថែមរបស់លោក Fathi Hammad ដែលនិយាយសំដៅកិច្ចព្រមព្រៀងផ្ដល់ជំនួយរវាងអាមេរិក និងអ៊ីស្រាអែល ដែលមានតម្លៃដល់ទៅ៣៨ពាន់លានដុល្លារ៕
Tag:
អាមេរិក
ប៉ាលេស្ទីន
ភេរវកម្ម
© រក្សាសិទ្ធិដោយ thmeythmey.com
