សារិកាកែវក្បាលលឿង ជាបក្សីសម្បូររស់នៅ ខេត្តមណ្ឌលគិរី

ពីនេះ ពីនោះ

សារិកាកែវក្បាលលឿង ជាបក្សីសម្បូររស់នៅ ខេត្តមណ្ឌលគិរី

21, Sep 2016 , 7:19 am

រូបភាព

ដោយ: ថ្មីៗ

សារិកាកែវក្បាលលឿង គឺជាឈ្មោះសត្វសា្លបមួយប្រភេទដែលបក្សីឈ្មោល មានដងខ្លួនរលោង បន្ទូលក្បាលនិងកពណ៌លឿង មានដៅពណ៌លឿងមួយដុំនៅលើស្លាប ជុំវិញរង្វង់ភ្នែកពណ៌លឿង។ ចំណែកបក្សីញីវិញ មានបន្ទូលក្បាល និងកមានដៅលឿងបន្តិចបន្ទួចប៉ុណ្ណោះ។ បក្សីមួយប្រភេទនេះ ច្រើនរស់នៅតាមព្រៃស្រោង និងព្រៃរបោះចម្រុះ និងតាមជាយព្រៃ។ កំណត់ត្រាសត្វស្លាបនៅកម្ពុជា បានបញ្ជាក់ថា សារិកាកែវក្បាលលឿងនេះ ភាគច្រើនសម្បូររស់នៅ ខេត្តមណ្ឌលគិរី និងចំណែកតំបន់គិរីរម្យ បានធ្វើការកត់ត្រាបានតែម្ដងគត់ក្នុងរយៈពេលប៉ុន្មានឆ្នាំចុងក្រោយនេះ។ បន្ថែមពីនេះ វាគឺជាប្រភេទសត្វស្លាប កំពុងរងការគំរាមកំហែងដោយទាក់ចាប់យកទៅចិញ្ចឹម ឬលក់ចេញទៅក្រៅប្រទេសព្រោះជាប្រភេទដែលចេះនិយាយ។ ដោយឡែករដូវបន្តពូជ គឺចាប់ពីខែមេសា ដល់ខែសីហា៕