ជាតិ
លោក ប្រាក់ សុខុន អំពាវនាវឲ្យមេដឹកនាំពិភពលោករួមគ្នាបំបាត់ហិង្សា លោក ប្រាក់ សុខុន រដ្ឋមន្ត្រីក្រសួងការបរទេសកម្ពុជា បានលើកឡើងក្នុងសុន្ទរកថា ជាភាសាបារាំងនាមហាសន្និបាតអង្គការសហប្រជាជាតិ (UNGA) លើកទី៧១ កាលពីថ្ងៃទី២៤ ខែកញ្ញា ថា ពាក្យដែលសម្តៅលើសោកនាដកម្មពិភពលោក គឺ «ហិង្សា»។ លោកបានអំពាវនាវដល់មេដឹកនាំទាំងអស់រួមគ្នាដើម្បីពង្រឹងសន្តិសុខលើពិភពលោក។
នៅក្នុងសុន្ទរកថា៧ទំព័រជាភាសាបារាំង រដ្ឋមន្ត្រីក្រសួងការបរទេសកម្ពុជា លោក ប្រាក់ សុខុន ក្រើនរំលឹកប្រាប់មេដឹកនាំពិភពលោកនាមហាសន្និបាតអង្គការសហប្រជាជាតិ (UNGA) លើកទី៧១ ថា មនុស្សសម័យកាលនេះ គួរទទួលបានស្ថានភាពល្អប្រសើរ ដូច្នេះគេត្រូវនាំគ្នាលុបបំបាត់ហិង្សាដែលជាសោកនាដកម្មដ៏ធំ។
ហិង្សាដែលរដ្ឋមន្ត្រីការបរទេសកម្ពុជាលើកនោះនោះ គឺហិង្សាសង្គ្រាម ហិង្សាភេរវកម្ម ហិង្សាដែលបង្កលើជនស៊ីវិល លើកុមារ រួមទាំងហិង្សាលើសត្វមានជីវិតដែលរងនូវការបាត់បង់ក្នុងចំនួនយ៉ាងច្រើន។
លោកបានគូសបញ្ជាក់ថា កម្ពុជាធ្លាប់ជាជនរងគ្រោះនៃសង្គ្រាមប្រូកស៊ី (សង្គ្រាមរវាងប្រទេសមួយ និងប្រទេសមួយទៀត) ហើយតែងតែទទួលរងសម្ពាធឲ្យជ្រើសរើសក្រុមមួយ។ ក្នុងសន្ទរកថានោះ លោក ប្រាក់ សុខុន បានលើកឡើងពីភាពអយុត្តិធម៌ជាច្រើនដែលសហគមន៍អន្តរជាតិ ធ្វើមកលើកម្ពុជា ហើយលោកបានគូសបញ្ជាក់ពីការប្តឹងងើបលើករបស់កម្ពុជាលើគ្រប់វិស័យក្រោយសម័យខ្មែរក្រហម៕
សូមស្តាប់សន្ទុរកថាទាំងស្រុងរបស់លោក ប្រាក់ សុខុន ជាភាសាបារាំង
ការបកប្រែសន្ទុរកថា លោក ប្រាក់ សុខុន ទៅជាភាសាអង់គ្លេស
Tag:
ប្រាក់ សុខុន
UN
UNGA
© រក្សាសិទ្ធិដោយ thmeythmey.com