អន្តរជាតិ
×![]()
ដោយ: តន ចាន់រិទ្ធារ៉ា
ប្រធានាធិបតីអាមេរិក លោក បារ៉ាក់ អូបាម៉ា នៅថ្ងៃទី ២៨ ខែកញ្ញា បានតែងតាំងលោក Jeffrey DeLaurentis អគ្គរដ្ឋទូតថ្មីប្រចាំគុយបាហើយ បន្ទាប់ពីប្រទេសទាំងពីរភ្ជាប់ទំនាក់ទំនងការទូតឡើងវិញនៅឆ្នាំ២០១៥មក។ លោក Jeffrey DeLaurentis នឹងក្លាយជាអគ្គរដ្ឋទូតអាមេរិកទីមួយប្រចាំរដ្ឋកុម្មុយនីស្តមួយនេះក្នុងពេល៥០ឆ្នាំចុងក្រោយ។
សូមស្ដាប់ព័ត៌មានលម្អិត៖
ពីរឆ្នាំក្រោយស្ដារទំនាក់ទំនងឡើងវិញ អាមេរិកក៏បានតែងតាំងអ្នកការទូតជើងចាស់ជាអគ្គរដ្ឋទូតថ្មីប្រចាំក្រុងឡាហាវ៉ាន។ លោក Jeffrey DeLaurentis ដែលជាប្រធានបេសកកម្មអាមេរិកប្រចាំគុយបា ត្រូវបានប្រធានាធិបតី អូបាម៉ា តែងតាំងជាអគ្គរដ្ឋទូតអាមេរិកដំបូងគេនៅគុយបាក្នុងពេលកន្លះសតវត្សរ៍មកនេះ។
លោក DeLaurentis ត្រូវគេមើលឃើញថា ជាបេក្ខជនឈានមុខគេសម្រាប់តំណែងសំខាន់នេះ ដ្បិតលោកមានបទពិសោធន៍ច្រើនលើកិច្ចការការទូត ហើយលោកជាតំណាងបេសកកម្មអាមេរិកនៅគុយបាស្រាប់ទៅហើយនោះ ពោលគឺចាប់តាំងពីឆ្នាំ២០១៥មក។ ទាក់ទងនឹងរឿងនេះលោក អូបាម៉ា និយាយថា ការតែងតាំងអគ្គរដ្ឋទូតថ្មី ជាជំហានទៅមុខមួយទៀត ទៅកាន់ទំនាក់ទំនងប្រកបដោយផ្លែផ្កា រវាងអាមេរិក និងគុយបា។
យ៉ាងណាមិញ ការតែងតាំងលោក Jeffrey DeLaurentis ចាំបាច់ត្រូវមានការយល់ព្រមពីព្រឹទ្ធសភាសិន ហើយលោក អូបាម៉ា ទំនងជាប្រឈមមុខនឹងបញ្ហាស្មុគស្មាញនៅសភា ដ្បិតក្រុមសាធារណរដ្ឋ ប្រហែលជាប្រឆាំងនឹងការតែងតាំងនេះ។ សមាជិកព្រឹទ្ធសភា មកពីរដ្ឋ Florida លោក Marco Rubio និងសមាជិកព្រឹទ្ធសភាមកពីរដ្ឋ Texas លោក Ted Cruz សុទ្ធតែធ្លាប់ប្រកាសហើយថា លោកទាំងពីរនឹងរារាំងរាល់ការតែងតែងអគ្គរដ្ឋទូតប្រចាំគុយបា។
សូមរម្លឹកថា ប្រធានាធិបតីអាមេរិក បារ៉ាក់ អូបាម៉ា និងប្រធានាធិបតីគុយបា រ៉ាអ៊ូល កាស្ត្រូ ប្រកាសស្ដារទំនាក់ទំនងប្រទេសទាំងពីរឡើងវិញកាលពីឆ្នាំ២០១៤ ហើយមកដល់ខែកក្កដា ឆ្នាំ២០១៥ ភាគីទាំងពីរក៏បានភ្ជាប់ទំនាក់ទំនងជាផ្លូវការតែម្ដង។ នៅក្រោយការសម្រួលទំនាក់ទំនងការទូត អាមេរិកក៏ឈានមួយជំហានដ៏សំខាន់ គឺដំណើរទស្សនកិច្ចផ្លូវការរបស់លោក បារ៉ាក់ អូបាម៉ា នៅគុយបាកាលពីខែមីនា ឆ្នាំ២០១៦។
ក្រោយមកទៀត អាមេរិកក៏បានដកទណ្ឌកម្មមួយចំនួនដែលធ្លាប់ដាក់លើគុយបា ហើយការហោះហើររវាងអាមេរិក និងគុយបា ក៏ចាប់ផ្ដើមឡើងវិញដែរ។ អ្នកវិនិយោគអាមេរិកជាច្រើន ក៏បានសម្រុកទៅរកស៊ីនៅគុយបា ជាពិសេសវិស័យទេសចរណ៍ សណ្ឋាគារ ខណៈដែលអ្នកទេសចរអាមេរិក ជាច្រើនទៅលេងប្រទេសកោះមួយនេះ៕
សូមស្ដាប់ព័ត៌មានលម្អិត៖
ពីរឆ្នាំក្រោយស្ដារទំនាក់ទំនងឡើងវិញ អាមេរិកក៏បានតែងតាំងអ្នកការទូតជើងចាស់ជាអគ្គរដ្ឋទូតថ្មីប្រចាំក្រុងឡាហាវ៉ាន។ លោក Jeffrey DeLaurentis ដែលជាប្រធានបេសកកម្មអាមេរិកប្រចាំគុយបា ត្រូវបានប្រធានាធិបតី អូបាម៉ា តែងតាំងជាអគ្គរដ្ឋទូតអាមេរិកដំបូងគេនៅគុយបាក្នុងពេលកន្លះសតវត្សរ៍មកនេះ។
លោក DeLaurentis ត្រូវគេមើលឃើញថា ជាបេក្ខជនឈានមុខគេសម្រាប់តំណែងសំខាន់នេះ ដ្បិតលោកមានបទពិសោធន៍ច្រើនលើកិច្ចការការទូត ហើយលោកជាតំណាងបេសកកម្មអាមេរិកនៅគុយបាស្រាប់ទៅហើយនោះ ពោលគឺចាប់តាំងពីឆ្នាំ២០១៥មក។ ទាក់ទងនឹងរឿងនេះលោក អូបាម៉ា និយាយថា ការតែងតាំងអគ្គរដ្ឋទូតថ្មី ជាជំហានទៅមុខមួយទៀត ទៅកាន់ទំនាក់ទំនងប្រកបដោយផ្លែផ្កា រវាងអាមេរិក និងគុយបា។
យ៉ាងណាមិញ ការតែងតាំងលោក Jeffrey DeLaurentis ចាំបាច់ត្រូវមានការយល់ព្រមពីព្រឹទ្ធសភាសិន ហើយលោក អូបាម៉ា ទំនងជាប្រឈមមុខនឹងបញ្ហាស្មុគស្មាញនៅសភា ដ្បិតក្រុមសាធារណរដ្ឋ ប្រហែលជាប្រឆាំងនឹងការតែងតាំងនេះ។ សមាជិកព្រឹទ្ធសភា មកពីរដ្ឋ Florida លោក Marco Rubio និងសមាជិកព្រឹទ្ធសភាមកពីរដ្ឋ Texas លោក Ted Cruz សុទ្ធតែធ្លាប់ប្រកាសហើយថា លោកទាំងពីរនឹងរារាំងរាល់ការតែងតែងអគ្គរដ្ឋទូតប្រចាំគុយបា។
សូមរម្លឹកថា ប្រធានាធិបតីអាមេរិក បារ៉ាក់ អូបាម៉ា និងប្រធានាធិបតីគុយបា រ៉ាអ៊ូល កាស្ត្រូ ប្រកាសស្ដារទំនាក់ទំនងប្រទេសទាំងពីរឡើងវិញកាលពីឆ្នាំ២០១៤ ហើយមកដល់ខែកក្កដា ឆ្នាំ២០១៥ ភាគីទាំងពីរក៏បានភ្ជាប់ទំនាក់ទំនងជាផ្លូវការតែម្ដង។ នៅក្រោយការសម្រួលទំនាក់ទំនងការទូត អាមេរិកក៏ឈានមួយជំហានដ៏សំខាន់ គឺដំណើរទស្សនកិច្ចផ្លូវការរបស់លោក បារ៉ាក់ អូបាម៉ា នៅគុយបាកាលពីខែមីនា ឆ្នាំ២០១៦។
ក្រោយមកទៀត អាមេរិកក៏បានដកទណ្ឌកម្មមួយចំនួនដែលធ្លាប់ដាក់លើគុយបា ហើយការហោះហើររវាងអាមេរិក និងគុយបា ក៏ចាប់ផ្ដើមឡើងវិញដែរ។ អ្នកវិនិយោគអាមេរិកជាច្រើន ក៏បានសម្រុកទៅរកស៊ីនៅគុយបា ជាពិសេសវិស័យទេសចរណ៍ សណ្ឋាគារ ខណៈដែលអ្នកទេសចរអាមេរិក ជាច្រើនទៅលេងប្រទេសកោះមួយនេះ៕
Tag:
អាមេរិក
គុយបា
© រក្សាសិទ្ធិដោយ thmeythmey.com
