អន្តរជាតិ
នយោបាយអន្តរជាតិ
អាមេរិក-អាស៊ាន ប្តេជ្ញារក្សាសន្តិសុខដែនសមុទ្រក្នុងតំបន់ ខណៈ ចិនក៏នៅបន្តសកម្មភាពខ្លួននៅទីនោះដែរ
រដ្ឋមន្ត្រីការពារជាតិអាមេរិក លោក Ash Carter នាឱកាសនៃកិច្ចប្រជុំក្រៅផ្លូវការការពារជាតិអាមេរិក-អាស៊ាន (រូបភាព៖ ក្រសួងការពារជាតិអាមេរិក)
×![]()
កិច្ចប្រជុំការពារជាតិអាមេរិក-អាស៊ាន ដែលរៀបចំដោយក្រសួងការពារជាតិអាមេរិកនៅរដ្ឋហាវ៉ៃនៃសហរដ្ឋអាមេរិក បានបញ្ចប់នៅថ្ងៃទី០១ ខែតុលាកន្លងហើយ។ ប្រមុខការពារជាតិអាមេរិក និងអាស៊ាន បានអះអាងជាថ្មីពីការប្តេជ្ញាចិត្តរបស់ខ្លួនក្នុងការពង្រឹងសហប្រតិបត្តិជាច្រើនវិស័យរាប់បញ្ចូលទាំងសន្តិសុខដែនសមុទ្រ និងការប្រឆាំងភេរវកម្មជាដើម។ 
«យើងទាំងអស់គ្នា បានប្តេជ្ញាចិត្តជាថ្មីក្នុងការរក្សាមធ្យោបាយដែនទឹកនៅក្នុងតំបន់ឲ្យសេរី និងសន្តិសុខ និងជួយគ្រប់រដ្ឋទាំងអស់ឲ្យឃើញកាន់តែច្រើន ចែករំលែកកាន់តែច្រើន និងធ្វើកាន់តែច្រើនតាមរយៈមធ្យោបាយដ៏សំខាន់នៃដែនទឹករបស់អាស៊ីអាគ្នេយ៍»។ នេះគឺជាសេចក្តីថ្លែងការណ៍របស់រដ្ឋមន្ត្រីការពារជាតិអាមេរិក លោក អេស្ហ ខាតធ័រ (Ash Carter) នាសន្និសិទសារព័ត៌មានពីកិច្ចប្រជុំក្រៅផ្លូវការការពារជាតិអាមេរិក-អាស៊ាននៅចុងសប្តាហ៍មុន ដែលបានចុះផ្សាយនៅគេហទំព័រផ្លូវការនៃក្រសួងការពារជាតិអាមេរិក។
លោករដ្ឋមន្ត្រីការពារជាតិរូបនោះ បានអះអាងថា លោកជាមួយនឹងសមភាគីអាស៊ាន បានជជែកពីគោលនយោបាយនាពេលអនាគតនៅអាស៊ីប៉ាស៊ីហ្វិក និងបណ្តាញសន្តិសុខរួមគ្នា ដែលលោកជឿជាក់ថា វានឹងអាចជួយឲ្យអាមេរិកនិងអាស៊ានអាចរួមគ្នាដើម្បីសហប្រតិបត្តិការ និងចូលរួមកសាងសន្តិសុខនៅក្នុងតំបន់ទៀតផង។ លោក ថ្លែងថា អាមេរិក ទន្ទឹងរង់ចាំក្នុងការចាប់គូជាមួយនឹងអាស៊ាន និងសមាជិកអាស៊ានក្នុងរយៈពេលជាច្រើនទសវត្សរ៍ទៅមុខផងដែរ។
ប្រមុខការពារជាតិរូបនោះ បានសង្កត់ធ្ងន់ថា «ភាពជាដៃគូរវាងអាមេរិក-អាស៊ាន បច្ចុប្បន្នមានភាពរឹងមាំជាងពេលណាទាំងអស់» ហើយ អាមេរិក នឹងនៅតែបន្តពង្រឹងកិច្ចសហប្រតិបត្តិការយោធារវាងខ្លួន និងអាស៊ានតាមរយៈគោលនយោបាយតុល្យភាពឡើងវិញមកកាន់អាស៊ីប៉ាស៊ីហ្វិកទៀតផង ។
ត្រលប់ទៅនិយាយពីបញ្ហមធ្យោបាយដែនទឹកឡើងវិញ! តាមពិតទៅ បើទោះបីជា ប្រមុខការពារជាតិអាមេរិក មិនបានបញ្ជាក់ពីតំបន់ជាក់លាក់នៃដែនទឹកនោះច្បាស់លាស់ក៏ដោយ តំបន់នោះ ត្រូវបានគេដឹងច្បាស់ហើយថាជាតំបន់ជម្លោះសមុទ្រចិនខាងត្បូងនោះឯង។ នោះក៏ព្រោះតែកន្លងមក ទាំងលោកប្រធានាធិបតីអាមេរិក និងលោករដ្ឋមន្ត្រីការពារជាតិរូបនោះផ្ទាល់ បានបញ្ជាក់ម្តងហើយម្តងទៀតពីផែនការរបស់ខ្លួននៅក្នុងតំបន់នោះធ្វើយ៉ាងណាធានាឲ្យបានសេរីភាពនៃការធ្វើដំណើរតាមដែនទឹក និងដែនអាកាសដែលផ្តល់ដោយច្បាប់អន្តរជាតិ។
មួយវិញទៀតនោះ ដើម្បីលើកកម្ពស់ និងធានាឲ្យបានសេរីភាពនៃការធ្វើដំណើរទាំងដែនទឹក និងដែនអាកាសនៅក្នុងតំបន់ អាមេរិក កន្លងមក មិនត្រឹមតែទទូចឲ្យភាគីពាក់ព័ន្ធអនុវត្តសកម្មភាពឲ្យស្របទៅនឹងគោលការណ៍នីតិរដ្ឋនោះទេ តែ រដ្ឋាភិបាលក្រុងវ៉ាស៊ីនតោន ថែមទាំងបានបញ្ជូនទាំងនាវាចម្បាំងឬល្បាត និងយន្តហោះសង្គ្រាមមកកាន់តំបន់នោះទៀតផង។ ហើយការណ៍ដែលអាមេរិកធ្វើបែបនេះ ក៏ជាផ្នែកមួយដើម្បីប្រឆាំងទៅនឹងសម្មភាពមហាអំណាចអាស៊ីដែលកំពុងតែរះឡើង «ចិន» ដែលបាននិងកំពុងតែបន្តសកម្មភាពរបស់ខ្លួនឥតឈប់ឈរនៅក្នុងសមុទ្រចិនខាងត្បូងដែលជាតំបន់ជម្លោះអធិបតេយ្យរវាងចិន និងរដ្ឋសមាជិកអាស៊ាន។
កាលពីដើមឆ្នាំកន្លងទៅ លោកប្រធានាធិបតីអាមេរិក បារ៉ាក់ អូបាម៉ា ក៏បានអញ្ជើញមេដឹកនាំកំពូលអាស៊ានដើម្បីចូលរួមកិច្ចប្រជុំអាមេរិក-អាស៊ានក្នុងទឹកដីអាមេរិកដើម្បីជជែក និងពង្រឹងសហប្រតិបត្តិការ និងភាពជាដៃគូនៃភាគីទាំងពីរ ខណៈរដ្ឋបាលរបស់លោក ក៏នឹងត្រូវបញ្ចប់នៅចុងឆ្នាំនេះផងនោះ។ បញ្ហាដែនសមុទ្រនៅក្នុងតំបន់(សមុទ្រចិនខាងត្បូង) នាពេលនោះ ក៏ស្ថិតនៅក្នុងរបៀបវារៈសំខាន់ផងដែរ៕
«យើងទាំងអស់គ្នា បានប្តេជ្ញាចិត្តជាថ្មីក្នុងការរក្សាមធ្យោបាយដែនទឹកនៅក្នុងតំបន់ឲ្យសេរី និងសន្តិសុខ និងជួយគ្រប់រដ្ឋទាំងអស់ឲ្យឃើញកាន់តែច្រើន ចែករំលែកកាន់តែច្រើន និងធ្វើកាន់តែច្រើនតាមរយៈមធ្យោបាយដ៏សំខាន់នៃដែនទឹករបស់អាស៊ីអាគ្នេយ៍»។ នេះគឺជាសេចក្តីថ្លែងការណ៍របស់រដ្ឋមន្ត្រីការពារជាតិអាមេរិក លោក អេស្ហ ខាតធ័រ (Ash Carter) នាសន្និសិទសារព័ត៌មានពីកិច្ចប្រជុំក្រៅផ្លូវការការពារជាតិអាមេរិក-អាស៊ាននៅចុងសប្តាហ៍មុន ដែលបានចុះផ្សាយនៅគេហទំព័រផ្លូវការនៃក្រសួងការពារជាតិអាមេរិក។
លោករដ្ឋមន្ត្រីការពារជាតិរូបនោះ បានអះអាងថា លោកជាមួយនឹងសមភាគីអាស៊ាន បានជជែកពីគោលនយោបាយនាពេលអនាគតនៅអាស៊ីប៉ាស៊ីហ្វិក និងបណ្តាញសន្តិសុខរួមគ្នា ដែលលោកជឿជាក់ថា វានឹងអាចជួយឲ្យអាមេរិកនិងអាស៊ានអាចរួមគ្នាដើម្បីសហប្រតិបត្តិការ និងចូលរួមកសាងសន្តិសុខនៅក្នុងតំបន់ទៀតផង។ លោក ថ្លែងថា អាមេរិក ទន្ទឹងរង់ចាំក្នុងការចាប់គូជាមួយនឹងអាស៊ាន និងសមាជិកអាស៊ានក្នុងរយៈពេលជាច្រើនទសវត្សរ៍ទៅមុខផងដែរ។
ប្រមុខការពារជាតិរូបនោះ បានសង្កត់ធ្ងន់ថា «ភាពជាដៃគូរវាងអាមេរិក-អាស៊ាន បច្ចុប្បន្នមានភាពរឹងមាំជាងពេលណាទាំងអស់» ហើយ អាមេរិក នឹងនៅតែបន្តពង្រឹងកិច្ចសហប្រតិបត្តិការយោធារវាងខ្លួន និងអាស៊ានតាមរយៈគោលនយោបាយតុល្យភាពឡើងវិញមកកាន់អាស៊ីប៉ាស៊ីហ្វិកទៀតផង ។
ត្រលប់ទៅនិយាយពីបញ្ហមធ្យោបាយដែនទឹកឡើងវិញ! តាមពិតទៅ បើទោះបីជា ប្រមុខការពារជាតិអាមេរិក មិនបានបញ្ជាក់ពីតំបន់ជាក់លាក់នៃដែនទឹកនោះច្បាស់លាស់ក៏ដោយ តំបន់នោះ ត្រូវបានគេដឹងច្បាស់ហើយថាជាតំបន់ជម្លោះសមុទ្រចិនខាងត្បូងនោះឯង។ នោះក៏ព្រោះតែកន្លងមក ទាំងលោកប្រធានាធិបតីអាមេរិក និងលោករដ្ឋមន្ត្រីការពារជាតិរូបនោះផ្ទាល់ បានបញ្ជាក់ម្តងហើយម្តងទៀតពីផែនការរបស់ខ្លួននៅក្នុងតំបន់នោះធ្វើយ៉ាងណាធានាឲ្យបានសេរីភាពនៃការធ្វើដំណើរតាមដែនទឹក និងដែនអាកាសដែលផ្តល់ដោយច្បាប់អន្តរជាតិ។
មួយវិញទៀតនោះ ដើម្បីលើកកម្ពស់ និងធានាឲ្យបានសេរីភាពនៃការធ្វើដំណើរទាំងដែនទឹក និងដែនអាកាសនៅក្នុងតំបន់ អាមេរិក កន្លងមក មិនត្រឹមតែទទូចឲ្យភាគីពាក់ព័ន្ធអនុវត្តសកម្មភាពឲ្យស្របទៅនឹងគោលការណ៍នីតិរដ្ឋនោះទេ តែ រដ្ឋាភិបាលក្រុងវ៉ាស៊ីនតោន ថែមទាំងបានបញ្ជូនទាំងនាវាចម្បាំងឬល្បាត និងយន្តហោះសង្គ្រាមមកកាន់តំបន់នោះទៀតផង។ ហើយការណ៍ដែលអាមេរិកធ្វើបែបនេះ ក៏ជាផ្នែកមួយដើម្បីប្រឆាំងទៅនឹងសម្មភាពមហាអំណាចអាស៊ីដែលកំពុងតែរះឡើង «ចិន» ដែលបាននិងកំពុងតែបន្តសកម្មភាពរបស់ខ្លួនឥតឈប់ឈរនៅក្នុងសមុទ្រចិនខាងត្បូងដែលជាតំបន់ជម្លោះអធិបតេយ្យរវាងចិន និងរដ្ឋសមាជិកអាស៊ាន។
កាលពីដើមឆ្នាំកន្លងទៅ លោកប្រធានាធិបតីអាមេរិក បារ៉ាក់ អូបាម៉ា ក៏បានអញ្ជើញមេដឹកនាំកំពូលអាស៊ានដើម្បីចូលរួមកិច្ចប្រជុំអាមេរិក-អាស៊ានក្នុងទឹកដីអាមេរិកដើម្បីជជែក និងពង្រឹងសហប្រតិបត្តិការ និងភាពជាដៃគូនៃភាគីទាំងពីរ ខណៈរដ្ឋបាលរបស់លោក ក៏នឹងត្រូវបញ្ចប់នៅចុងឆ្នាំនេះផងនោះ។ បញ្ហាដែនសមុទ្រនៅក្នុងតំបន់(សមុទ្រចិនខាងត្បូង) នាពេលនោះ ក៏ស្ថិតនៅក្នុងរបៀបវារៈសំខាន់ផងដែរ៕
Tag:
សមុទ្រចិនខាងត្បូង
អាមេរិក
អាស៊ាន
© រក្សាសិទ្ធិដោយ thmeythmey.com
