អន្តរជាតិ
នយោបាយអន្តរជាតិ
ខឹងនឹងអាមេរិកមិនលក់អាវុធឲ្យ លោក Duterte ថា លោក ទៅទិញពីរុស្ស៊ី និងចិន ក៏បាន
លោកប្រធានាធិបតីហ្វីលីពីន Rodrigo Duterte នាឱកាសនៃកិច្ចប្រជុំអាស៊ាន(រូបភាព៖ គណនីហ្វេសប៊ុកលោក Duterte)
×![]()
សុន្ទរកថាពីមួយថ្ងៃទៅមួយថ្ងៃរបស់លោកប្រធានាធិបតីហ្វីលីពីន រ៉ូឌ្រីហ្គូ ឌើទើតេ ពាក់ព័ន្ធនឹងគោលនយោបាយការបរទេសជាមួយនឹងអាមេរិក កាន់តែពិបាកស្តាប់ និងធ្ងន់ធ្ងរទៅៗហើយ។ ក្នុងបរិបទថ្មីចុងក្រោយទៀតនោះ លោក ឌើទើតេ បានបន្តជះកំហឹងរបស់លោកជាមួយនឹងរដ្ឋាភិបាលក្រុងវ៉ាស៊ីនតោន ដែលមិនលក់អាវុធឲ្យរដ្ឋាភិបាលហ្វីលីពីន ដោយលោក អះអាងថា លោកអាចទិញពីរុស្ស៊ី និងចិន ក៏បានដែរ។ 
«ប្រសិនបើអ្នកមិនចង់លក់អាវុធនោះទេ ខ្ញុំ នឹងទៅ(ទិញ) រុស្ស៊ីក៏បាន។ ខ្ញុំ បានបញ្ជូនឧត្តមសេនីយ៍ទៅរុស្ស៊ីរួចហើយ។ ហើយរុស្ស៊ី ក៏បានអះអាងដែរថាកុំបារម្ភ យើងមានអ្វីដែលអ្នកត្រូវការ។ ហើយសម្រាប់ចិនវិញ គឺគ្រាន់តែចុះហត្ថលេខា អ្វីគ្រប់យ៉ាង នឹងមកដល់ភ្លាមៗតែម្តង។» នេះ គឺជាសេចក្តីថ្លែងការណ៍របស់លោកប្រធានាធិបតី រ៉ូឌ្រីហ្គូ ឌើទើតេ នៅថ្ងៃទី០៤ ខែតុលាម្សិលមិញ ដើម្បីបញ្ជាក់បន្ថែមពីគោលជំហរនយោបាយការបរទេសរបស់លោកទៅកាន់អាមេរិក ដែលបានចុះផ្សាយដោយភ្នាក់ងារព័ត៌មាន Reuters។
លោកប្រធានាធិបតី ឌើទើតេ ក៏បានបញ្ជាក់ដែរថា លោក កំពុងតែផ្លាស់ប្តូរគោលនយោបាយការបរទេសរបស់លោក ពីព្រោះអាមេរិក បានបរាជ័យក្នុងការជួយហ្វីលីពីន។ ជាពិសេសនោះ លោក ក៏បានព្រមានដែរថា នៅពេលណាមួយ លោក នឹង«ចែកផ្លូវ»ជាមួយអាមេរិក តែ លោក មិនបានលម្អិតថាតើការចែកផ្លូវនោះមានន័យយ៉ាងណា ឬនៅពេលណាឡើយ។
អ្វីដែលកាន់តែពិបាកស្តាប់ និងពិបាកយល់ពីគោលនយោបាយការបរទេសរបស់លោកនោះគឺ នាថ្ងៃដដែលនោះ លោក ឌើទើតេ ក៏បានជេរប្រមាថលោកប្រធានាធិបតីអាមេរិក បារ៉ាក់ អូបាម៉ាម្តងទៀត ដោយលោកថ្លែងយ៉ាងដូច្នេះថា «អ្នកអាចទៅនរកចុះ លោក អូបាម៉ា !»។ មុនពេលនៃកិច្ចប្រជុំអាស៊ាននៅខែមុន លោក បានជេរលោក អូបាម៉ថា ថា «Son of B***»។
មុនពេលនៃការថ្លែងការណ៍បែបនេះ លោកប្រធានាធិបតី ឌើទើតេ ដែលមានរហ័សនាមថាជា «អ្នកដាក់ទណ្ឌកម្ម» នៅចុងសបា្តហ៍មុននេះ ក៏បានប្រកាសពិនិត្យឡើងវិញនូវកិច្ចព្រមព្រៀងសហប្រតិបត្តិការពង្រឹងវិស័យការពារជាតិជាមួយនឹងអាមេរិក ដែលបានចុះហត្ថលេខា ក្នុងពេលរដ្ឋបាលអតីតប្រធានាធិបតីហ្វីលីពីនទៀតផង។
សូមជម្រាបផងដែរ ការណ៍ដែលធ្វើឲ្យលោកប្រធានាធិបតីហ្វីលីពីន បង្ហាញឥរិយាបថមិនខ្វាយខ្វល់ពីអាមេរិក ដែលធ្លាប់តែជាសម្ព័ន្ធយ៉ាងជិតស្និទ្ធនេះ ក៏ព្រោះតែក្រុងវ៉ាស៊ីនតោន បានសម្តែងការព្រួយបារម្ភ និងរិះគន់ខ្លាំងដល់រដ្ឋបាលថ្មីរបស់លោកប្រធានាធិបតីលើប្រតិបត្តិការបោសសម្អាតគ្រឿងញៀននោះឯង។
បើគិតពីថ្ងៃឡើងកាន់អំណាចជាផ្លូវការនៅថ្ងៃទី៣០ ខែមិថុនាមក លោកប្រធានាធិបតី មិនដែលនិយាយអ្វីល្អពីអាមេរិកឡើយ បើទោះជាអាមេរិក បាននិងកំពុងតែមានសកម្មភាពយោធាយ៉ាងសកម្មដើម្បីជ្រោមជ្រែង និងធានាសន្តិសុខរបស់ហ្វីលីពីនក៏ដោយនោះ។ មួយវិញទៀតនោះ ខណៈអវត្តមាននៃការទទួលស្គាល់ពីការជួយជ្រៀមជ្រែងរបស់អាមេរិក លោក ឌើទើតេ បែរជាយករុស្ស៊ី និងចិន ដែលជាដៃគូប្រជែងរបស់អាមេរិកក្នុងឆាកអន្តរជាតិ មកធ្វើជាខ្នងបង្អែក និងដៃគូសហប្រតិបត្តិការថ្មីជំនួសអាមេរិកទៅវិញ៕
«ប្រសិនបើអ្នកមិនចង់លក់អាវុធនោះទេ ខ្ញុំ នឹងទៅ(ទិញ) រុស្ស៊ីក៏បាន។ ខ្ញុំ បានបញ្ជូនឧត្តមសេនីយ៍ទៅរុស្ស៊ីរួចហើយ។ ហើយរុស្ស៊ី ក៏បានអះអាងដែរថាកុំបារម្ភ យើងមានអ្វីដែលអ្នកត្រូវការ។ ហើយសម្រាប់ចិនវិញ គឺគ្រាន់តែចុះហត្ថលេខា អ្វីគ្រប់យ៉ាង នឹងមកដល់ភ្លាមៗតែម្តង។» នេះ គឺជាសេចក្តីថ្លែងការណ៍របស់លោកប្រធានាធិបតី រ៉ូឌ្រីហ្គូ ឌើទើតេ នៅថ្ងៃទី០៤ ខែតុលាម្សិលមិញ ដើម្បីបញ្ជាក់បន្ថែមពីគោលជំហរនយោបាយការបរទេសរបស់លោកទៅកាន់អាមេរិក ដែលបានចុះផ្សាយដោយភ្នាក់ងារព័ត៌មាន Reuters។
លោកប្រធានាធិបតី ឌើទើតេ ក៏បានបញ្ជាក់ដែរថា លោក កំពុងតែផ្លាស់ប្តូរគោលនយោបាយការបរទេសរបស់លោក ពីព្រោះអាមេរិក បានបរាជ័យក្នុងការជួយហ្វីលីពីន។ ជាពិសេសនោះ លោក ក៏បានព្រមានដែរថា នៅពេលណាមួយ លោក នឹង«ចែកផ្លូវ»ជាមួយអាមេរិក តែ លោក មិនបានលម្អិតថាតើការចែកផ្លូវនោះមានន័យយ៉ាងណា ឬនៅពេលណាឡើយ។
អ្វីដែលកាន់តែពិបាកស្តាប់ និងពិបាកយល់ពីគោលនយោបាយការបរទេសរបស់លោកនោះគឺ នាថ្ងៃដដែលនោះ លោក ឌើទើតេ ក៏បានជេរប្រមាថលោកប្រធានាធិបតីអាមេរិក បារ៉ាក់ អូបាម៉ាម្តងទៀត ដោយលោកថ្លែងយ៉ាងដូច្នេះថា «អ្នកអាចទៅនរកចុះ លោក អូបាម៉ា !»។ មុនពេលនៃកិច្ចប្រជុំអាស៊ាននៅខែមុន លោក បានជេរលោក អូបាម៉ថា ថា «Son of B***»។
មុនពេលនៃការថ្លែងការណ៍បែបនេះ លោកប្រធានាធិបតី ឌើទើតេ ដែលមានរហ័សនាមថាជា «អ្នកដាក់ទណ្ឌកម្ម» នៅចុងសបា្តហ៍មុននេះ ក៏បានប្រកាសពិនិត្យឡើងវិញនូវកិច្ចព្រមព្រៀងសហប្រតិបត្តិការពង្រឹងវិស័យការពារជាតិជាមួយនឹងអាមេរិក ដែលបានចុះហត្ថលេខា ក្នុងពេលរដ្ឋបាលអតីតប្រធានាធិបតីហ្វីលីពីនទៀតផង។
សូមជម្រាបផងដែរ ការណ៍ដែលធ្វើឲ្យលោកប្រធានាធិបតីហ្វីលីពីន បង្ហាញឥរិយាបថមិនខ្វាយខ្វល់ពីអាមេរិក ដែលធ្លាប់តែជាសម្ព័ន្ធយ៉ាងជិតស្និទ្ធនេះ ក៏ព្រោះតែក្រុងវ៉ាស៊ីនតោន បានសម្តែងការព្រួយបារម្ភ និងរិះគន់ខ្លាំងដល់រដ្ឋបាលថ្មីរបស់លោកប្រធានាធិបតីលើប្រតិបត្តិការបោសសម្អាតគ្រឿងញៀននោះឯង។
បើគិតពីថ្ងៃឡើងកាន់អំណាចជាផ្លូវការនៅថ្ងៃទី៣០ ខែមិថុនាមក លោកប្រធានាធិបតី មិនដែលនិយាយអ្វីល្អពីអាមេរិកឡើយ បើទោះជាអាមេរិក បាននិងកំពុងតែមានសកម្មភាពយោធាយ៉ាងសកម្មដើម្បីជ្រោមជ្រែង និងធានាសន្តិសុខរបស់ហ្វីលីពីនក៏ដោយនោះ។ មួយវិញទៀតនោះ ខណៈអវត្តមាននៃការទទួលស្គាល់ពីការជួយជ្រៀមជ្រែងរបស់អាមេរិក លោក ឌើទើតេ បែរជាយករុស្ស៊ី និងចិន ដែលជាដៃគូប្រជែងរបស់អាមេរិកក្នុងឆាកអន្តរជាតិ មកធ្វើជាខ្នងបង្អែក និងដៃគូសហប្រតិបត្តិការថ្មីជំនួសអាមេរិកទៅវិញ៕
Tag:
ហ្វីលីពីន
អាមេរិក
អាស៊ាន
© រក្សាសិទ្ធិដោយ thmeythmey.com
