អន្តរជាតិ
កូនប្រុសមហាសេដ្ឋីចិន លោក Wang Jianlin ទិញ iPhone 7 ៨គ្រឿងឲ្យសុនខខ្លួន
×
Coco បានក្លាយជាសត្វឆ្កែដែលមានសំណាងជាងមនុស្សទៅទៀត ដោយវាបានក្លាយជាម្ចាស់កម្មសិទ្ធិទូរសព្ទ iPhone 7 ដែលបច្ចេកវិទ្យាចុងក្រោយរបស់ក្រុមហ៊ុន Apple។ យោងតាមបណ្តាញសង្គមចិន Weibo ទូរសព្ទទាំងនោះ គឺជាកាដូថ្ងៃខួបកំណើតរបស់ Coco ដែលផ្តល់ដោយម្ចាស់ឈ្មោះ Wang Sicong បុត្រាទោលរបស់មហាសេដ្ឋីអចនទ្រព្យ Wang Jianlin។
ទូរសព្ទដែលសុនខ ឈ្មោះ Coco ទទួលបាននោះ គឺម៉ូដែល iPhone 7s ដោយក្នុងចំណោម៨គ្រឿង មានខ្លះពណ៌មាស ខ្លះពណ៌ខ្មៅ។ តាមការវាយតម្លៃរបស់ Business Insider ទូរសព្ទ iPhone 7 ទំហំ ២៥៦GB មានតម្លៃ ៧៩៨៨យន់ (ប្រហែល១១៨៩៨ដុល្លារអាមេរិក) ក្នុងមួយគ្រឿង។ នេះមានន័យថា លោក Wang Sicong អាចចំណាយក្នុងខ្ទង់ ៩៥៨៤ដុល្លារអាមេរិកលើការទិញទូរសព្ទទាំង៨គ្រងនោះ។
មិនមែនជាលើកទីមួយនោះឡើយ សម្រាប់សុនខ Coco ដែលទទួលបានវត្ថុអនុស្សាវរីយ៍ដ៏មានតម្លៃពីម្ចាស់។ កាលពីឆ្នាំ២០១៥ បណ្តាញព័ត៌មានលើពិភពលោក មានការភ្ញាក់ផ្អើលរួចម្តងហើយ ដោយលោក Wang បានទិញ Apple Watches ពណ៌មាស២គ្រឿង ពាក់ករបស់ Coco ដែលត្រូវបានគេប៉ាន់ស្មានថា មានតម្លៃ១២០០០ដុល្លារអាមេរិកក្នុងមួយគ្រឿងៗ ។
Wang Sicong គឺជាកូនប្រុសទោលរបស់មហាសេដ្ឋីចិន Wang Jianlin ដែលមានទ្រព្យសម្បត្តិប្រមាណជា២៨.៨ពាន់លានដុល្លារអាមេរិក និងជាមហាសេដ្ឋីម្នាក់ក្នុងចំណោមមហាសេដ្ឋីកំពូលៗទាំង២០លើលោក។ លោក Wang Jianlin ជាម្ចាស់ក្រុមហ៊ុនអចនទ្រព្យ Dalian Wanda Group ដែលធំជាងគេនៅប្រទេសចិន ហើយលោកក៏មានភាគហ៊ុននៅក្លិបបាល់ទាត់អេស្ប៉ាញ Atletico Madrid ផងដែរ៕
© រក្សាសិទ្ធិដោយ thmeythmey.com