ពីនេះ ពីនោះ
ចាបស្រុក រកចំណីនៅតាមក្បែរភូមិ ឬក្បែរផ្ទះអ្នកស្រុក
×
ចាបស្រុក គឺជាឈ្មោះបក្សីតូចមួយប្រភេទ ដែលបក្សីឈ្មោល មានបន្ទូលក្បាល កញ្ចឹងក និងត្រចៀកពណ៌ត្នោតខ្ចី ព្រមទាំងដើមស្លាប និងក្រោយភ្នែកពណ៌ត្នោតទុំ។ ដោយឡែកបក្សីញីវិញ មានខ្នងពណ៌ត្នោតខ្ចី និងផ្នែកពោះពណ៌លឿងខ្ចី។
បក្សីនេះ ច្រើនរស់នៅតាមតំបន់លំហ គុម្ពោតព្រៃ តំបន់មាត់សមុទ្រ តំបន់កសិកម្មស្ងួត ក្បែរទីប្រជុំជន និងក្បែរភូមិអ្នកស្រុក។ ជាទូទៅបក្សីប្រភេទនេះ តែងតែរកចំណីនៅតាមជើងភូមិ ក្បែរភូមិ ឬក្បែរផ្ទះអ្នកស្រុក។ បន្ថែមពីនេះចំពោះរបាយរស់នៅ បក្សីនេះបង្ហាញវត្តមានពេញមួយឆ្នាំ និងមានស្ទើគ្រប់ទីកន្លែង។ ដោយឡែក ចំពោះការបន្តពូជវិញ បក្សីនេះ ធ្វើការបន្តពូជពេញមួយឆ្នាំ និងមានពងចំនួន ២ ទៅ ៤ពង៕
ដកស្រង់ពីសៀវភៅ៖ សត្វស្លាបនៃប្រទេសកម្ពុជា, រៀបរៀងដោយលោកតាន់ សេដ្ឋា និង កូលីន ភូល
Tag:
បក្សីនៅប្រទេសកម្ពុជា
© រក្សាសិទ្ធិដោយ thmeythmey.com