កីឡាជាតិ
ជាតិ
សិស្សរួមគ្រូ អ៊ុង វីរៈ និង ព្រំ សំណាង តទល់ជាមួយថៃក្នុងសមរភូមិអ្នកប្រយុទ្ធថ្ងៃនេះ
×
កីឡាករសិស្សរួមក្លិបកងពលតូចឆ័ត្រយោង៩១១ អ៊ុង វិរៈ និង ព្រំ សំណាង ត្រូវធ្វើការប្រកួតប្រជែងជាមួយកីឡាករពីររូបផ្សេងទៀតនៅថ្ងៃនេះ ដើម្បីស្វែងរកពិន្ទុជាលើកដំបូងក្នុងវគ្គជម្រុះវិលជុំនៃកម្មវិធីសមរភូមអ្នកប្រយុទ្ធរជ្ជកាលទី៤ទម្ងន់៧៥គីឡូក្រាម របស់ស្ថានីយទូរទស្សន៍ភីអិនអិន។
អ្នកលេងគុនខ្មែរទម្ងន់ធ្ងន់ អ៊ុង វីរៈ និង ព្រំសំណាង ដែលជាសិស្សរួមគ្រូមកពីក្លិបកងពលតូចឆ័ត្រយោង៩១១ត្រូវប្រជែងជាមួយដៃគូថៃ ក្នុងកម្មវិធីសមរភូមិអ្នកប្រយុទ្ធរជ្ជកាលទី៤របស់ស្ថានីយទូរទស្សន៍ភិអិនអិន នារសៀលថ្ងៃទី៩ ខែតុលា នេះ។ ក្នុងនោះសិស្សច្បង អ៊ុង វិរៈ ត្រូវតទល់ជាមួយជើងខ្លាំង ភីត បុប្ផា (Phet Bupha) ឬឯសិស្សប្អូន ព្រំ សំណាង ជួបប្រកួតជាមួយកីឡាករ ណាក់រ៉បដាំ(Nakrobdam)។
សម្រាប់ជំនួបថ្ងៃនេះវាជាការប្រកួតស្វែងពិន្ទុលើកដំបូងក្នុងវគ្គប្រកួតជម្រុះតាមពូលរបស់អ្នកលេងគុនខ្មែរទាំងពីរនាក់ក្នុងកម្មវិធីសមរភូមិអ្នកប្រយុទ្ធរជ្ជកាលទី៤ទម្ងន់៧៥គីឡូក្រាមនេះ។ ហើយវាក៏ជាលើកទី១ផងដែរដែលមានការប្រកួតដណ្តើមជើងឯកទម្ងន់បែបនេះ។
គួរបញ្ជាក់ថា សម្រាប់ការប្រកួតបើកឆាកនៃកម្មវិធីសមរភូមិអ្នកប្រយុទ្ធនេះកីឡាករកម្ពុជាពីររូបសុទ្ធតែបានចាញ់ក្រោមកណ្តាប់ដៃកីឡាករថៃ ក្នុងនោះកីឡាករ សុខ ទូច បានចាញ់កីឡាករ ឡាយផេត ថ.ផ្រានយីស៊ីបហុក។ ចំណែកកីឡាករ មាស ភារម្យ ចាញ់កីឡាករ ឌីសេលលេក ថមឃិងបុកស៊ីង៕
Tag:
ប្រដាល់
សមរភូមិអ្នកប្រយុទ្ធ
PNN
អ៊ុង វិរៈ
ព្រំ សំណាង
© រក្សាសិទ្ធិដោយ thmeythmey.com