កីឡាជាតិ
ជាតិ
គីរីវង់សុខសែនជ័យបន្តយកឈ្នះជាលើកទី២ ខណៈអគ្គិសនីចាញ់ក្រោមថ្វីជើងខេត្តស្វាយរៀង រូបភាពហ្វេសប៊ុក៖ Kirivong Sok Sen Chey
× ការប្រកួតបាល់ទាត់ដណ្តើមពានរង្វាន់លីកលំដាប់ទី២កម្ពុជា ដែលធ្វើនៅលើទីលាន៤ផ្សេងគ្នាក្នុងសប្តាហ៍ទី២កាលពីម្សិលមិញ។ ក្រុមគីរីវង់សុខសែនជ័យបានបន្តយកលើក្រុមមជ្ឈមណ្ឌលហ្វឹកហ្វឺនកីឡា ខ.ភ.ម ៦-០ ក្នុងជុំទី២ ឬឯក្រុមអគ្គិសនីបានចាញ់ក្រុមខេត្តស្វាយរៀង ២-១ នៅលើទឹកដីរបស់ខ្លួន។ ចំណែកខេត្តកំពង់ស្ពឺបានត្រឹមចែកគ្នាម្នាក់១ពិន្ទុជាមួយក្រុមសាលាបាល់ទាត់ជាតិបាទី ឬឯក្រុមកំពង់ផែស្វយ័តខេត្តព្រះសីហនុយកឈ្នះលើខេត្តកំពង់ឆ្នាំ ១-០ នៅលើទឹកដីរបស់ខ្លួន។
ក្រុមគីរីវង់សុខសែនជ័យទទួលបាន៣ពិន្ទុបន្ថែមដើម្បីឈរកំពូលតារាងជាបណ្តោះអាសន្នដោយមាន៦ពិន្ទុ ក្រោយបន្តយកឈ្នះលើក្រុមមជ្ឈមណ្ឌលហ្វឹកហ្វឺនកីឡា ខ.ភ.ម ៦-០ នៅលើទឹកដីរបស់ខ្លួនកាលពីម្សិលមិញ។ ចំណែកក្រុមអគ្គិសនីដែលគេមើញថាជាក្រុមមួយដែលមានទម្រង់លេងល្អបែរជាចាញ់ក្រោមថ្វីជើងរបស់ក្រុមខេត្តស្វាយរៀង ២-១ នៅលើទឹករបស់ខ្លួនខេត្តព្រៃវែងទៅវិញ។
នាការប្រកួតបាល់ទាត់ដណ្តើមពានរង្វាន់លីកលំដាប់ទី២ក្នុងសប្តាហ៍ទី២កាលពីម្សិលមិញនេះដែរ ក្រុមកំពង់ផែស្វយ័តខេត្តព្រះសីហនុទទួល៣ពិន្ទុ បន្ទាប់ពីប្រើកីឡដ្ឋានសាកលវិទ្យាល័យឡាយហ្វរបស់ខ្លួនយកឈ្នះលើក្រុមខេត្តកំពង់ឆ្នាំង ១-០។ ជ័យជម្នះនេះធ្វើឲ្យក្រុមនេះទទួលបាន៦ពិន្ទុសម្រាប់ឈរលេខរៀងទី២ក្នុងតារាងជាបណ្តោះអាសន្នបន្ទាប់ពីគីរីវង់សុខសែនជ័យដែលមាន៦ពិន្ទុដូចគ្នា តែមានគ្រាប់បាល់ចំណេញច្រើនជាង។
ជាមួយគ្នានេះ ក្រុមម្ចាស់ផ្ទះខេត្តកំពង់ស្ពឺបានត្រឹមចែកគ្នាម្នាក់១ពិន្ទុជាមួយក្រុមសាលាបាល់ទាត់ជាតិបាទី បន្ទាប់ពីចប់ការប្រកួតរក្សាលទ្ធផលស្មើ ២-២ នៅលើទីលានខេត្តកំពង់ស្ពឺ៕
Tag:
បាល់ទាត់
Cambodian League2
គីរីវង់សុខសែនជ័យ
អគ្គិសនី
© រក្សាសិទ្ធិដោយ thmeythmey.com