អន្តរជាតិ
រដ្ឋមន្ត្រីការពារជាតិចិន លោក Chang Wanquan (រូបភាពពី Xinhua)
×![]()
ដោយ: តន ចាន់រិទ្ធារ៉ា
ស្របពេលដែលកំពុងមើលមុខគ្នាមិនសូវត្រូវផងនោះ ប្រមុខការពារជាតិចិនបានរិះគន់អាមេរិកខ្លាំងៗ ជុំវិញការលូកដៃចូលតំបន់អាស៊ី ដែលចិនកំពុងពង្រីកឥទ្ធិពលនោះ។ ចិន និងអាមេរិក កំពុងប្រឈមមុខគ្នាលើសំណុំរឿងសមុទ្រចិនខាងត្បូង និងការស្វែងរកដំណោះស្រាយលើកម្មវិធីនុយក្លេអ៊ែររបស់កូរ៉េខាងជើង ដែលចេះតែសាកល្បងអាវុធរបស់ខ្លួន ផ្គើនអន្តរជាតិជាបន្តបន្ទាប់មកនោះ។
រដ្ឋមន្ត្រីការពារជាតិចិន លោកឧត្តមសេនីយ៍ ចាង វ៉ានឈ័ន (Chang Wanquan) បានប្រតិកម្មនឹងសកម្មភាពថ្មីៗរបស់អាមេរិកនៅក្នុងតំបន់អាស៊ី។ ក្រុងវ៉ាស៊ីនតោន បានបញ្ជូននាវារបស់ខ្លួនទៅកាន់សមុទ្រចិនខាងត្បូងក្រោមហេតុផលអនុវត្តសិទ្ធិសេរីភាពនាវាចរណ៍ ពង្រាយប្រព័ន្ធការពារអាកាសនៅកូរ៉េខាងត្បូង ដើម្បីការពារការគំរាមវាយប្រហារពីសំណាក់ក្រុងព្យុងយ៉ាង បើទោះជាប៉េកាំងជំទាស់ដាច់ខាតក៏ដោយ។
ថ្លែងទៅកាន់វេទិកាសន្តិសុខ Xiangshan លើកទី៧ នៅក្រុងប៉េកាំងដែលចូលរួមប្រមុខការពារជាតិជាច្រើនប្រទេស លោក ចាង វ៉ានឈ័ន និយាយថា ប្រទេសខ្លះកំពុងតែបង្ហាញឫទ្ធិអំណាចយោធារបស់ខ្លួន ហើយថែមទាំងខិតពង្រឹងសម្ព័ន្ធមិត្តយោធាទៀត។ ដោយនិយាយសំដៅអាមេរិកនោះ ប្រមុខការពារជាតិចិនបន្តថា ប្រទេសខ្លះនោះ ក៏ខិតខំការពារសន្តិសុខរបស់ខ្លួន ដែលធ្វើឲ្យប៉ះពាល់ដល់សន្តិសុខអ្នកដទៃទៅវិញ។
នៅក្រោមអាណត្តិប្រធានាធិបតី បារ៉ាក់ អូបាម៉ា អាមេរិក បានលូកដៃយ៉ាងជ្រៅមកកាន់អាស៊ី តាមរយៈគោលនយោបាយងាកមកតំបន់អាស៊ី។ ការលូកដៃរបស់ក្រុងវ៉ាស៊ីនតោន ធ្វើឲ្យក្រុងប៉េកាំងព្រួយបារម្ភយ៉ាងខ្លាំង ដ្បិតអាមេរិកនៅតែបន្តពង្រីកឥទ្ធិពលរបស់ខ្លួន ដើម្បីប្រជែងជាមួយឥទ្ធិពលចិន នៅក្នុងតំបន់ ជាពិសេសការប្រឈមមុខដាក់គ្នានៅសមុទ្រចិនខាងត្បូង ដែលចិនមានជម្លោះជាមួយសមាជិកអាស៊ានបួន ដែលក្នុងនោះក៏មានសម្ព័ន្ធមិត្តអាមេរិកដែរ។
ងាកមកវេទិកាសៀងសានបន្តិច វេទិកានេះ ជាកិច្ចប្រជុំប្រចាំឆ្នាំសម្រាប់កិច្ចសន្ទនាកម្រិតខ្ពស់ស្ដីពីបញ្ហាសន្តិសុខ និងការពារជាតិនៅតំបន់អាស៊ី-ប៉ាស៊ីហ្វិក ដោយមានការចូលរួមពីសំណាក់ថ្នាក់ដឹកនាំការពារជាតិ តំណាងអង្គការអន្តរជាតិ អតីតមន្ត្រីរដ្ឋាភិបាល មន្ត្រីយោធា អ្នកជំនួញ និងសាស្រា្តចារ្យ មកពីបណ្ដាប្រទេសក្នុងអាស៊ីប៉ាស៊ីហ្វិក និងតំបន់ពាក់ព័ន្ធផ្សេងទៀត។ វេទិកានេះ មានគោលដៅពិភាក្សាអំពីការអភិវឌ្ឍផ្នែកសន្តិសុខ បញ្ហាក្ដៅមួយចំនួន ពង្រឹងការផ្លាស់ប្ដូរ កិច្ចសហប្រតិបត្តិការ និងចូលរួមចំណែកលើសន្តិភាព និងស្ថិរភាពក្នុងតំបន់។
ក្រោមពាក្យស្លោក«ការលើកកម្ពស់កិច្ចសន្ទនា និងសហប្រតិបត្តិការសន្តិសុខ កសាងគំរូទំនាក់ទំនងអន្តរជាតិថ្មី» វេទិកាសៀងសានលើកទី៧ នេះ នឹងដោះស្រាយបញ្ហានានានៃតួនាទីយោធាក្នុងអភិបាលកិច្ចសកល ការគ្រប់គ្រងកិច្ចសហប្រតិបត្តិការនៃភាពប្រឈម សន្តិសុខអាស៊ីប៉ាស៊ីហ្វិកថ្មី ដូចជា កិច្ចសហប្រតិបត្តិការសន្តិសុខលំហសមុទ្រ ការគំរាមកំហែង និងឆ្លើយតបភេរវកម្មអន្តរជាតិ៕
រដ្ឋមន្ត្រីការពារជាតិចិន លោកឧត្តមសេនីយ៍ ចាង វ៉ានឈ័ន (Chang Wanquan) បានប្រតិកម្មនឹងសកម្មភាពថ្មីៗរបស់អាមេរិកនៅក្នុងតំបន់អាស៊ី។ ក្រុងវ៉ាស៊ីនតោន បានបញ្ជូននាវារបស់ខ្លួនទៅកាន់សមុទ្រចិនខាងត្បូងក្រោមហេតុផលអនុវត្តសិទ្ធិសេរីភាពនាវាចរណ៍ ពង្រាយប្រព័ន្ធការពារអាកាសនៅកូរ៉េខាងត្បូង ដើម្បីការពារការគំរាមវាយប្រហារពីសំណាក់ក្រុងព្យុងយ៉ាង បើទោះជាប៉េកាំងជំទាស់ដាច់ខាតក៏ដោយ។
ថ្លែងទៅកាន់វេទិកាសន្តិសុខ Xiangshan លើកទី៧ នៅក្រុងប៉េកាំងដែលចូលរួមប្រមុខការពារជាតិជាច្រើនប្រទេស លោក ចាង វ៉ានឈ័ន និយាយថា ប្រទេសខ្លះកំពុងតែបង្ហាញឫទ្ធិអំណាចយោធារបស់ខ្លួន ហើយថែមទាំងខិតពង្រឹងសម្ព័ន្ធមិត្តយោធាទៀត។ ដោយនិយាយសំដៅអាមេរិកនោះ ប្រមុខការពារជាតិចិនបន្តថា ប្រទេសខ្លះនោះ ក៏ខិតខំការពារសន្តិសុខរបស់ខ្លួន ដែលធ្វើឲ្យប៉ះពាល់ដល់សន្តិសុខអ្នកដទៃទៅវិញ។
នៅក្រោមអាណត្តិប្រធានាធិបតី បារ៉ាក់ អូបាម៉ា អាមេរិក បានលូកដៃយ៉ាងជ្រៅមកកាន់អាស៊ី តាមរយៈគោលនយោបាយងាកមកតំបន់អាស៊ី។ ការលូកដៃរបស់ក្រុងវ៉ាស៊ីនតោន ធ្វើឲ្យក្រុងប៉េកាំងព្រួយបារម្ភយ៉ាងខ្លាំង ដ្បិតអាមេរិកនៅតែបន្តពង្រីកឥទ្ធិពលរបស់ខ្លួន ដើម្បីប្រជែងជាមួយឥទ្ធិពលចិន នៅក្នុងតំបន់ ជាពិសេសការប្រឈមមុខដាក់គ្នានៅសមុទ្រចិនខាងត្បូង ដែលចិនមានជម្លោះជាមួយសមាជិកអាស៊ានបួន ដែលក្នុងនោះក៏មានសម្ព័ន្ធមិត្តអាមេរិកដែរ។
ងាកមកវេទិកាសៀងសានបន្តិច វេទិកានេះ ជាកិច្ចប្រជុំប្រចាំឆ្នាំសម្រាប់កិច្ចសន្ទនាកម្រិតខ្ពស់ស្ដីពីបញ្ហាសន្តិសុខ និងការពារជាតិនៅតំបន់អាស៊ី-ប៉ាស៊ីហ្វិក ដោយមានការចូលរួមពីសំណាក់ថ្នាក់ដឹកនាំការពារជាតិ តំណាងអង្គការអន្តរជាតិ អតីតមន្ត្រីរដ្ឋាភិបាល មន្ត្រីយោធា អ្នកជំនួញ និងសាស្រា្តចារ្យ មកពីបណ្ដាប្រទេសក្នុងអាស៊ីប៉ាស៊ីហ្វិក និងតំបន់ពាក់ព័ន្ធផ្សេងទៀត។ វេទិកានេះ មានគោលដៅពិភាក្សាអំពីការអភិវឌ្ឍផ្នែកសន្តិសុខ បញ្ហាក្ដៅមួយចំនួន ពង្រឹងការផ្លាស់ប្ដូរ កិច្ចសហប្រតិបត្តិការ និងចូលរួមចំណែកលើសន្តិភាព និងស្ថិរភាពក្នុងតំបន់។
ក្រោមពាក្យស្លោក«ការលើកកម្ពស់កិច្ចសន្ទនា និងសហប្រតិបត្តិការសន្តិសុខ កសាងគំរូទំនាក់ទំនងអន្តរជាតិថ្មី» វេទិកាសៀងសានលើកទី៧ នេះ នឹងដោះស្រាយបញ្ហានានានៃតួនាទីយោធាក្នុងអភិបាលកិច្ចសកល ការគ្រប់គ្រងកិច្ចសហប្រតិបត្តិការនៃភាពប្រឈម សន្តិសុខអាស៊ីប៉ាស៊ីហ្វិកថ្មី ដូចជា កិច្ចសហប្រតិបត្តិការសន្តិសុខលំហសមុទ្រ ការគំរាមកំហែង និងឆ្លើយតបភេរវកម្មអន្តរជាតិ៕
Tag:
ចិន
អាមេរិក
អាស៊ី
© រក្សាសិទ្ធិដោយ thmeythmey.com
