លោក វ៉ាត់ ចំរើន ធ្វើបទបង្ហាញពីប្រវត្តិចលនាអូឡាំពិក និងភាពជាអ្នកនាំដល់ថ្នាក់ដឹកនាំកីឡា

កីឡាជាតិ

លោក វ៉ាត់ ចំរើន ធ្វើបទបង្ហាញពីប្រវត្តិចលនាអូឡាំពិក និងភាពជាអ្នកនាំដល់ថ្នាក់ដឹកនាំកីឡា

14, Oct 2016 , 5:50 pm

រូបភាព

Olympic (រូបភាពពីហ្វេសប៊ុក៖ NOCC).jpg

ដោយ:

លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជាកាលពីព្រឹកថ្ងៃទី១៤ ខែតុលា បានធ្វើបទបង្ហាញពីប្រវត្តិចលនាអូឡាំពិក និងភាពជាអ្នកដឹកនាំ ដល់សិក្ខាកាមចំនួន២៥រូបក្នុងខេត្តឧត្តរមានជ័យ។ ការបង្ហាញនេះធ្វើឡើងក្នុងវគ្គសិក្សាសាមគ្គីអូឡាំពិកស្តីពី«រដ្ឋបាលកីឡា សម្រាប់ថ្នាក់ដឹកនាំកីឡា និងគ្រូកីឡា»។

កាលពីព្រឹកថ្ងៃទី១៤ ខែតុលា សិក្ខាកាមចំនួន២៥នាក់(ស្រី១នាក់) ដែលមកពីតាមអនុវិទ្យាល័យ វិទ្យាល័យ និងគ្រប់មន្ទីរកីឡាទូទាំងខេត្តឧត្តរមានជ័យ ទទួលបានការបណ្តុះបណ្តាលពីប្រវត្តិចលនាអូឡាំពិក និងភាពជាអ្នកដឹកនាំកីឡាពីវគ្គសិក្សាសាមគ្គីអូឡាំពិកស្តីពី«រដ្ឋបាលកីឡាសម្រាប់ថ្នាក់ដឹកនាំកីឡា និងគ្រូកីឡា»។ វគ្គសិក្សានេះក្រោមការឧទ្ទេសរបស់ លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា ដែលជាគ្រូឧទ្ទេសទី៤ប្រចាំកម្មវិធីនេះ។

លើសពីនេះ លោកអគ្គលេខាធិការនៃគណៈកម្មាធិការជាតិអូឡាំពិកកម្ពុជាក៏បានធ្វើបទបង្ហាញពីចំណុចសំខាន់ៗជាច្រើនទៀតដូចជា រចនាសម្ព័ន្ធចលនាអូឡាំពិក, ប្រវត្តិអង្គការសាមគ្គីអូឡាំពិកអន្តរជាតិ, ទីផ្សារ និងកីឡា, ផែនការធ្វើដំណើរការរបស់ប្រតិភូកីឡា និងកម្មវិធីហ្វឹកហាត់កីឡា។ នេះបើយោងតាមទំព័រហ្វេសប៊ុករបស់គណៈកម្មាធិការជាតិអូឡាំពិកកម្ពុជា។

គួរបញ្ជាក់ថា វគ្គសិក្សាសាមគ្គីអូឡាំពិកស្តីពី«រដ្ឋបាលកីឡាសម្រាប់ថ្នាក់ដឹកនាំកីឡា និងគ្រូកីឡា» ដែលរៀបចំដោយអង្គសាមគ្គីអូឡាំពិកអន្តរជាតិសហការជាមួយគណៈកម្មាធិការជាតិអូឡាំពិកកម្ពុជាធ្វើឡើងរយៈពេល៥ថ្ងៃចាប់ផ្តើមពីថ្ងៃទី១០-១៤ ខែតុលា នៅខេត្តឧត្តរមានជ័យ។ វគ្គសិក្សានេះដោយទទួលបានការធ្វើបទបង្ហាញពីគ្រូឧទ្ទេសចំនួន៤រូបរួមមាន លោក វ៉ាត់ ចំរើន, លោក ស្តើង ជា, លោក បឹង គឹមតោ និងលោក កែវ សារ៉េត៕