កីឡាជាតិ
ជាតិ
×![]()
ភ្នំពេញ៖ រយៈពេលចុងក្រោយនេះ កីឡាករ សុះ ស៊ូហាណា បានបង្ហាញខ្លួនស្ទើគ្រប់ប្រកួតឲ្យក្រុមជម្រើសជាតិកម្ពុជា។ ខ្សែបម្រើដែលមិនសូវលេចឈ្មោះតាមបណ្តាញសង្គមហ្វេសប៊ុករូបនេះ ត្រូវបានគ្រូបង្វឹកជម្រើសជាតិកម្ពុជា ដាក់ជាជម្រើស១១នាក់ដំបូង។ សម្រាប់គ្រូបង្វឹកកម្ពុជា សុះ ស៊ូហាណា គឺជាកីឡាករល្អ សម្រាប់ជួយក្រុមជម្រើសជាតិ។
ឆ្លើយតបនឹងសំណួរអ្នកសារព័ត៌មាន ទាក់ទងនឹងកីឡាករ សុះ ស៊ូហាណា នោះ គ្រូបង្វឹកក្រុមជម្រើសជាតិកម្ពុជា លោក Lee Tea Hoon បានបញ្ជាក់ថា កីឡាករ សុះ ស៊ូហាណា មានទម្រង់លេងល្អ និងយល់ច្បាស់ពីបច្ចេកទេសលេងក្នុងក្រុម ។ លោកថា ខ្សែបម្រើកណ្ដាលរូបនេះ តែងតែងធ្វើការងារបានល្អ សម្រាប់ជួយក្រុមជម្រើសជាតិកម្ពុជា។ ថ្លែងក្នុងសន្និសីទកាសែត ក្រោយឈ្នះឡាវ២ទល់១ កាលពីថ្ងៃទី១៥ តុលា គ្រូបង្វឹកកម្ពុជារូបនេះ បានបញ្ជាក់ដូច្នេះថា៖«គាត់(សុះ ស៊ូហាណា លេខ១២) ដឹងច្បាស់ពីតាក់ទិចលេងក្នុងក្រុម។ គាត់តែងតែខិតខំប្រឹងប្រែងធ្វើការងារយ៉ាងសកម្មគ្រប់ប្រកួតសម្រាប់ក្រុមយើង។ គាត់ជាកីឡាករធ្វើបានល្អ ដូច្នេះយើងត្រូវការគាត់គ្រប់ការប្រកួត»។
កីឡាករខ្មែរ-ឥស្លាម សុះ ស៊ូហាណា អាយុ២៤ឆ្នាំ បានចាប់ផ្តើមអាជីពជាមួយក្លិបព្រែកប្រាកីឡា (២០១០-២០១១) ហើយបន្តលេងឲ្យក្លិបភ្នំពេញក្រោនរហូតដល់ឆ្នាំ២០១៥។ បច្ចុប្បន្ន គេជាកម្លាំងដ៏ឆ្នើមម្នាក់របស់ណាហ្គាវើល។ នារយៈពេលជិត៦ឆ្នាំកន្លងមកនេះ ស៊ូហាណា បានបង្ហាញយ៉ាងទៀតទាត់នៅក្នុងក្រុមជម្រើសជាតិ រួមទាំងឈុត U-21 និងឈុតស៊ីហ្គេម ក្រោមការដឹកនាំរបស់លោក Lee Tae Hoon ផងដែរ។ ហាណា ជាកីឡាករតែម្នាក់គត់ដែលបានស៊ុតបាល់បញ្ចូលទីនាការប្រកួតជម្រុះជុំទីពីរប្រចាំតំបន់អាស៊ី ខណៈកម្ពុជាចាញ់សិង្ហបុរី ២-១ នៅប្រទេសសិង្ហបុរី៕
ឆ្លើយតបនឹងសំណួរអ្នកសារព័ត៌មាន ទាក់ទងនឹងកីឡាករ សុះ ស៊ូហាណា នោះ គ្រូបង្វឹកក្រុមជម្រើសជាតិកម្ពុជា លោក Lee Tea Hoon បានបញ្ជាក់ថា កីឡាករ សុះ ស៊ូហាណា មានទម្រង់លេងល្អ និងយល់ច្បាស់ពីបច្ចេកទេសលេងក្នុងក្រុម ។ លោកថា ខ្សែបម្រើកណ្ដាលរូបនេះ តែងតែងធ្វើការងារបានល្អ សម្រាប់ជួយក្រុមជម្រើសជាតិកម្ពុជា។ ថ្លែងក្នុងសន្និសីទកាសែត ក្រោយឈ្នះឡាវ២ទល់១ កាលពីថ្ងៃទី១៥ តុលា គ្រូបង្វឹកកម្ពុជារូបនេះ បានបញ្ជាក់ដូច្នេះថា៖«គាត់(សុះ ស៊ូហាណា លេខ១២) ដឹងច្បាស់ពីតាក់ទិចលេងក្នុងក្រុម។ គាត់តែងតែខិតខំប្រឹងប្រែងធ្វើការងារយ៉ាងសកម្មគ្រប់ប្រកួតសម្រាប់ក្រុមយើង។ គាត់ជាកីឡាករធ្វើបានល្អ ដូច្នេះយើងត្រូវការគាត់គ្រប់ការប្រកួត»។
កីឡាករខ្មែរ-ឥស្លាម សុះ ស៊ូហាណា អាយុ២៤ឆ្នាំ បានចាប់ផ្តើមអាជីពជាមួយក្លិបព្រែកប្រាកីឡា (២០១០-២០១១) ហើយបន្តលេងឲ្យក្លិបភ្នំពេញក្រោនរហូតដល់ឆ្នាំ២០១៥។ បច្ចុប្បន្ន គេជាកម្លាំងដ៏ឆ្នើមម្នាក់របស់ណាហ្គាវើល។ នារយៈពេលជិត៦ឆ្នាំកន្លងមកនេះ ស៊ូហាណា បានបង្ហាញយ៉ាងទៀតទាត់នៅក្នុងក្រុមជម្រើសជាតិ រួមទាំងឈុត U-21 និងឈុតស៊ីហ្គេម ក្រោមការដឹកនាំរបស់លោក Lee Tae Hoon ផងដែរ។ ហាណា ជាកីឡាករតែម្នាក់គត់ដែលបានស៊ុតបាល់បញ្ចូលទីនាការប្រកួតជម្រុះជុំទីពីរប្រចាំតំបន់អាស៊ី ខណៈកម្ពុជាចាញ់សិង្ហបុរី ២-១ នៅប្រទេសសិង្ហបុរី៕
Tag:
កម្ពុជា
បាល់ទាត់
សុះ ស៊ូហាណា
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 ថ្ងៃ
