ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
គ្រូបង្វឹកក្រុមទីម័រខាងកើត៖ ទោះបីបាត់ឱកាស ប៉ុន្តែមិនបន្ធូរដៃឲ្យកម្ពុជាឡើយ
19, Oct 2016 ,
11:26 am
រូបភាព
លោក Fernando Rogério de Alcântara គ្រូបង្វឹកក្រុមជម្រើសជាតិទីម័រខាងកើត
×
ដោយ:
ក្រុមជម្រើសជាតិទីម័រខាងកើតក្រោយពីបានចាញ់ពីរប្រកួតជាប់គ្នាក្នុងវគ្គជម្រុះពានរង្វាន់ AFF Suzuki Cup 2016 បានធ្វើឲ្យក្រុមនេះបាត់បង់ឱកាសឈានទៅកាន់វគ្គបន្ត។ ទោះបីជាយ៉ាងនេះក្តី គ្រូបង្វឹកក្រុមជម្រើសជាតិទីម័រខាងកើតបានប្តេជ្ញាថា មិនបន្ធូរដៃនោះឡើយក្នុងជំនួបជាមួយក្រុមជម្រើសជាតិកម្ពុជាចុងក្រោយ។
លោក Fernando Rogério de Alcântara គ្រូបង្វឹកក្រុមជម្រើសជាតិទីម័រខាងកើតបានប្តេជ្ញាថា មិនបន្ធូរឲ្យកម្ពុជានោះឡើយក្នុងជំនួបចុងក្រោយនាថ្ងៃទី២១ ខែតុលា ទោះបីក្រុមលោកបានបាត់បង់ឱកាសក្នុងការឈានទៅកាន់វគ្គបន្តនៃពានរង្វាន់ AFF Suzuki Cup ប្រចាំឆ្នាំ២០១៦។ មិនត្រឹមតែប៉ុណ្ណោះលោកនឹងធ្វើឲ្យជំនួបមួយនេះក្លាយជាការប្រកួតដ៏អស្ចារ្យ និងមានលក្ខណៈស្វិតស្វាញបំផុត ព្រោះវាជាការប្រកួតតំណាងឲ្យប្រទេសជាតិ។
ក្នុងសន្និសីទសារព័ត៌មានក្រោយចាញ់ក្រុមឡាវ ២-១ កាលពីយប់មិញគ្រូបង្វឹករូបនេះបានបញ្ជាក់យ៉ាងដូច្នេះថា៖«ខ្ញុំគិតថា ទោះបីក្រុមទីម័រអស់ឱកាសក្នុងការឈានទៅវគ្គបន្ត តែអ្វីដែលសំខាន់ក្នុងជំនួបចុងក្រោយជាមួយកម្ពុជាក្នុងនាមយើងមកតំណាងជាតិដូច្នេះយើងត្រូវលេងឲ្យអស់ពីសមត្ថភាពដើម្បីជាតិរបស់យើង។ ខ្ញុំដឹងថា កម្ពុជាជាក្រុមមួយដ៏ល្អ ប៉ុន្តែខ្ញុំរំពឹងថាការប្រកួតចុងក្រោយនឹងក្លាយជាជំនួបមួយដ៏ល្អ និងទាក់ទាញបំផុត»។
ជាមួយគ្នានេះ លោក Lee Tae Hoon គ្រូបង្វឹកក្រុមជម្រើសជាតិកម្ពុជាមិនខុសគ្នាពីគ្រូបង្វឹកក្រុមទីម័រខាងកើតនោះទេលោកបានប្តេជ្ញាថា នឹងខិតខំប្រឹងប្រែងឲ្យអស់ពីសមត្ថភាពក្នុងការយកឈ្នះក្រុមទីម័រខាងកើត ដើម្បីឈានទៅកាន់វគ្គបន្ត។ លើសពីនេះ លោកនឹងចម្រាញ់ជ្រើសរើសកីឡាករល្អៗសម្រាប់ជម្រើស១១នាក់ដំបូងក្នុងការតទល់ជាមួយទីម័រក្នុងជំនួបចុងក្រោយ ព្រោះវាជាការប្រកួតមួយដ៏សំខាន់សម្រាប់កម្ពុជា។
យ៉ាងណាមិញ លោក Valakone Phomphady គ្រូបង្វឹកក្រុមជម្រើសជាតិឡាវទោះបីបានយកឈ្នះក្រុមទីម័រខាងកើត ២-១ កាលពីយប់មិញ តែលោកទទួលស្គាល់ថា ក្រុមទីម័រខាងកើតមិនជាក្រុមខ្សោយនោះទេព្រោះក្រុមនេះមានការរៀបចំបានល្អទាំងតំបន់ការពាររហូតដល់តំបន់ប្រយុទ្ធ។ លើសពីនេះលោកគិតថា ក្នុងជំនួបចុងក្រោយប្រសិនបើក្រុមទីម័រខាងកើតអាចរក្សាទម្រង់លេងដូចជួបជាក្រុមឡាវ នោះកម្ពុជានឹងជួបការលំបាក។
គួរបញ្ជាក់ថា ក្រុមជម្រើសជាតិទីម័រខាងកើតដែលត្រូវជួបកម្ពុជាក្នុងជំនួបចុងក្រោយបានរងបរាជ័យសម្រាប់ពីរប្រកួតរបស់ខ្លួនក្នុងនោះលើកទី១ក្រុមនេះបានចាញ់ព្រុយណេ ២-១ ខណៈលើកទី២បានចាញ់ក្រុមឡាវក្នុងលទ្ធផល ២-១ ដូចគ្នា។ ចំណែកក្រុមជម្រើសជាតិកម្ពុជាធ្វើបានយ៉ាងល្អសម្រាប់ទាំងពីរប្រកួតរបស់ខ្លួន ដោយក្នុងថ្ងៃបើកឆាកបានយកឈ្នះក្រុមឡាវ ២-១ និងលើកទី២បានលត់ព្រុយណេក្នុងលទ្ធផល ៣-០៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
បាល់ទាត់
AFF Suzuki Cup 2016
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
6 ថ្ងៃ
«ប្រទានកម្ម»មានន័យដូចម្តេច?
21 ម៉ោង
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
1 សប្តាហ៍
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
2 ថ្ងៃ
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
3 ថ្ងៃ
អត្ថបទពេញនិយមបន្ថែម