កីឡាជាតិ
ជាតិ
កីឡាករកីឡាការិនីឆ្នើមកម្ពុជាបង្ហាញការតាំងចិត្ត និងមោទកភាពចំពោះកីឡាជាតិលើកទី១
×
កីឡាករកីឡាការិនីឆ្នើមរបស់កម្ពុជាបានបង្ហាញពីការតាំងចិត្ត និងសម្តែងមោទកភាពរៀងៗខ្លួនសម្រាប់ការចូលរួមកីឡាជាតិលើកទី១ជាប្រវត្តិសាស្ត្រ ដែលធ្វើឡើងចាប់ពីថ្ងៃទី២៥ ខែតុលា ដល់ថ្ងៃទី៥ ខែវិច្ឆិកា ខណៈកម្មវិធីបើកដ៏អស្ចារ្យដែលធ្វើលំនាំកីឡាអូឡាំពិកនឹងប្រព្រឹត្តទៅនៅថ្ងៃទី២៨ ខែតុលា នៅពហុកីឡដ្ឋានជាតិ។
កីឡាការិនីតេក្វាន់ដូ ស៊ន សៀវម៉ី ម្ចាស់មេដាយមាសវគ្គជម្រុះអូឡាំពិកឆ្នាំ២០១៦ និងជាម្ចាស់មេដាយមាស Asian Games ឆ្នាំ២០១៤បានបញ្ជាក់ថា៖«នាងខ្ញុំមានមោទកភាពដែលបានជ្រើសរើសជាកីឡាការិនីរត់ និងដុតភ្លើងគប់ក្នុងកម្មវិធីបើកការប្រកួតកីឡាជាតិលើកទី១ជាប្រវត្តិសាស្ត្រ»។
ជាមួយគ្នានេះ កីឡាការិនីល្បុក្កតោ ខៀវ ចិន្តារ័ត្ត ម្ចាស់មេដាយប្រាក់ Asian Beach Gaems 2016 បានត្រៀមខ្លួនរួចជាស្រេចសម្រាប់ការចូលរួមកីឡាជាតិជាប្រវត្តិសាស្ត្ររបស់កម្ពុជាមួយនេះ។ កញ្ញាបានរៀបរាប់ដូច្នេះថា៖«ក្នុងនាមខ្ញុំជាកីឡាការិនីជាតិត្រៀមខ្លួនរួចជាស្រេច ដើម្បីចូលរួមប្រកួតកីឡាជាតិឆ្ពោះទៅកាន់ស៊ីហ្គេមឆ្នាំ២០២៣»។
យ៉ាងណាមិញកីឡាការិនីចំបាប់ជើងចាស់ ចូវ សុធារ៉ា ម្ចាស់មេដាយមាសស៊ីហ្គេមពីរជំនាន់បានបញ្ចេញទស្សនៈយ៉ាងខ្លីដូច្នេះថា៖«កីឡានាំមកនូវគុណតម្លៃ និងសន្តិភាព កីឡាជាតិដើម្បីអនាគតយុវជន»។ គួរបញ្ជាក់ថា ការប្រកួតនេះអាចចូលរួមទស្សនា និងគាំទ្រដោយសេរី។ គាំទ្រកីឡាជាតិ មោទកភាពជាតិ៕
VIDEO Tag:
កីឡាជាតិលើកទី១
ស៊ន សៀវម៉ី
ចូវ សុធារ៉ា
ខៀវ ចិន្តារ័ត្ន
© រក្សាសិទ្ធិដោយ thmeythmey.com