កីឡាជាតិ
ជាតិ
×![]()
ក្រុមសម្តែងសាកល្បងត្រៀមសម្រាប់កម្មវិធីបើកការប្រកួតកីឡាជាតិលើកទី១កាលពីថ្ងៃទី២៣ ខែតុលា ទទួលបានការកោតសរសើរពីថ្នាក់ដឹកនាំកីឡាដែលបានចូលរួមទស្សនាការសម្តែងផ្ទាល់នៅពហុកីឡដ្ឋានជាតិ។ ជាមួយគ្នានេះថ្នាក់ដឹកនាំកីឡាបានសង្កេតឃើញថា ការសម្តែងនៅមានចំណុចខ្វះខាតមួយចំនួនដែលត្រូវកែតម្រូវ។ 
ដើម្បីត្រៀមមុនថ្ងៃបើកការប្រកួតកីឡាលើកទី១ជាប្រវត្តិសាស្ត្រ នាថ្ងៃទី២៨ ខែតុលា ខាងមុខ ថ្នាក់ដឹកនាំកីឡាកម្ពុជាទាំងពីរស្ថាប័នរួមមានក្រសួងអប់រំ យុវជន និងកីឡា និងគណៈកម្មាធិការជាតិអូឡាំពិកម្ពុជា បានដឹកនាំក្រុមដែលត្រូវសម្តែងក្នុងថ្ងៃនោះធ្វើការសម្តែងសាកល្បងកាលពីថ្ងៃទី២៣ ខែតុលា នៅពហុកីឡដ្ឋានជាតិ។ ការសម្តែងនេះធ្វើឡើងក្នុងគោលបំណង ដើម្បីត្រៀមលក្ខណៈឲ្យបានល្អមុនថ្ងៃបើកជាផ្លូវការមកដល់។
សម្រាប់ការសម្តែងសាកល្បងត្រៀមក្នុងថ្ងៃដំបូងរបស់ក្រុមទាំងនោះ ដោយទទួលបានការគាំទ្រ និងកោតសរសើរថាល្អផងដែរ ពីសំណាក់ថ្នាក់នាំកីឡាទាំងនេះ។ ទោះបីជាយ៉ាងនេះក្តី ថ្នាក់ដឹកនាំទាំងពីរស្ថាប័នបានកត់សម្គាល់ឃើញថា ការសម្តែងនេះមិនទាន់មានលក្ខណៈល្អគ្រប់គ្រាន់នោះឡើយ។
ជាមួយគ្នានេះ លោក ថោង ខុន ប្រធានគណៈកម្មាធិការជាតិអូឡាំពិកកម្ពុជា(NOCC)ដែលបានចូលរួមទស្សនាការសម្តែងនោះបានបញ្ជាក់យ៉ាងដូច្នេះថា៖«ក្មួយៗបងប្អូនទាំងអស់ធ្វើបានល្អណាស់ ជាមួយការខិតខំប្រឹងប្រែង ប៉ុន្តែខ្ញុំរំពឹងថា នឹងខិតខំធ្វើឲ្យល្អជាងនេះថែមទៀត។ អ៊ីចឹងខាងបច្ចេកទេសត្រូវតែខិតខំប្រឹងប្រែងហ្វឹកហាត់ ព្រោះនៅមានចំណុចខ្វះខាតមួយចំនួនដែលត្រូវកែប្រែឡើងវិញ»។
ដោយមើលឃើញពីចំណុចខ្វះខាតទាំងនេះ ប្រធានគណៈកម្មាធិការជាតិអូឡាំពិកកម្ពុជា បានជំរុញឲ្យគណៈកម្មការទទួលបន្ទុករៀបចំកម្មវិធីបើកការប្រកួតកីឡាជាតិលើកទី១ ត្រូវបន្តការហ្វឹកហាត់ឲ្យលើសផែនការដែលថ្នាក់ដឹកនាំកីឡាបានកំណត់ ពោលគឺត្រូវធ្វើការហ្វឹកហាត់ចាប់ពីថ្ងៃទី២៣ ខែតុលា រហូតដល់ថ្ងៃទី២៦ ខែតុលា ខណៈគម្រោងមានតែពីរថ្ងៃប៉ុណ្ណោះគឺនៅថ្ងៃទី២៣ ខែតុលា និងថ្ងៃទី២៦ ខែតុលា៕
ដើម្បីត្រៀមមុនថ្ងៃបើកការប្រកួតកីឡាលើកទី១ជាប្រវត្តិសាស្ត្រ នាថ្ងៃទី២៨ ខែតុលា ខាងមុខ ថ្នាក់ដឹកនាំកីឡាកម្ពុជាទាំងពីរស្ថាប័នរួមមានក្រសួងអប់រំ យុវជន និងកីឡា និងគណៈកម្មាធិការជាតិអូឡាំពិកម្ពុជា បានដឹកនាំក្រុមដែលត្រូវសម្តែងក្នុងថ្ងៃនោះធ្វើការសម្តែងសាកល្បងកាលពីថ្ងៃទី២៣ ខែតុលា នៅពហុកីឡដ្ឋានជាតិ។ ការសម្តែងនេះធ្វើឡើងក្នុងគោលបំណង ដើម្បីត្រៀមលក្ខណៈឲ្យបានល្អមុនថ្ងៃបើកជាផ្លូវការមកដល់។
សម្រាប់ការសម្តែងសាកល្បងត្រៀមក្នុងថ្ងៃដំបូងរបស់ក្រុមទាំងនោះ ដោយទទួលបានការគាំទ្រ និងកោតសរសើរថាល្អផងដែរ ពីសំណាក់ថ្នាក់នាំកីឡាទាំងនេះ។ ទោះបីជាយ៉ាងនេះក្តី ថ្នាក់ដឹកនាំទាំងពីរស្ថាប័នបានកត់សម្គាល់ឃើញថា ការសម្តែងនេះមិនទាន់មានលក្ខណៈល្អគ្រប់គ្រាន់នោះឡើយ។
ជាមួយគ្នានេះ លោក ថោង ខុន ប្រធានគណៈកម្មាធិការជាតិអូឡាំពិកកម្ពុជា(NOCC)ដែលបានចូលរួមទស្សនាការសម្តែងនោះបានបញ្ជាក់យ៉ាងដូច្នេះថា៖«ក្មួយៗបងប្អូនទាំងអស់ធ្វើបានល្អណាស់ ជាមួយការខិតខំប្រឹងប្រែង ប៉ុន្តែខ្ញុំរំពឹងថា នឹងខិតខំធ្វើឲ្យល្អជាងនេះថែមទៀត។ អ៊ីចឹងខាងបច្ចេកទេសត្រូវតែខិតខំប្រឹងប្រែងហ្វឹកហាត់ ព្រោះនៅមានចំណុចខ្វះខាតមួយចំនួនដែលត្រូវកែប្រែឡើងវិញ»។
ដោយមើលឃើញពីចំណុចខ្វះខាតទាំងនេះ ប្រធានគណៈកម្មាធិការជាតិអូឡាំពិកកម្ពុជា បានជំរុញឲ្យគណៈកម្មការទទួលបន្ទុករៀបចំកម្មវិធីបើកការប្រកួតកីឡាជាតិលើកទី១ ត្រូវបន្តការហ្វឹកហាត់ឲ្យលើសផែនការដែលថ្នាក់ដឹកនាំកីឡាបានកំណត់ ពោលគឺត្រូវធ្វើការហ្វឹកហាត់ចាប់ពីថ្ងៃទី២៣ ខែតុលា រហូតដល់ថ្ងៃទី២៦ ខែតុលា ខណៈគម្រោងមានតែពីរថ្ងៃប៉ុណ្ណោះគឺនៅថ្ងៃទី២៣ ខែតុលា និងថ្ងៃទី២៦ ខែតុលា៕
Tag:
កីឡាជាតិលើកទី១
ថោង ខុន
© រក្សាសិទ្ធិដោយ thmeythmey.com
