អន្តរជាតិ
×![]()
អាមេរិកត្រៀមបញ្ជូនកងទ័ពជាង ៣០០នាក់ទៅកាន់ប្រទេសន័រវែសដែលស្ថិតនៅមិនឆ្ងាយប៉ុន្មានពីរុស្ស៊ីឡើយ។កងទ័ពទាំងនេះនឹងត្រូវចូលរួមក្នុងសកម្មភាពហ្វឹកហ្វឺននិងសមយុទ្ធនានា។ ហើយ ការពង្រាយកងទ័ព ធ្វើឡើងស្របពេលដែលទំនាក់ទំនងរវាងលោកខាងលិចនិងរុស្ស៊ីតានតឹងខ្លាំង ហើយសកម្មភាពនេះរឹតតែធ្វើឲ្យរុស្ស៊ីខឹងសម្បារខ្លាំងថែមទៀត។
រដ្ឋាភិបាលន័រវែសបានប្រកាសនៅថ្ងៃចន្ទទី ២៤ តុលាថា កងទ័ពអាមេរិកប្រហែល ៣៣០ នាក់នឹងត្រូវបញ្ជូនមកកាន់ប្រទេសនេះនៅពេលខាងមុខ ក្រោមគម្រោងពង្រាយកងទ័ពប្តូរវេន។ កងទ័ពទាំងនេះនឹងត្រូវចូលរួមក្នុងសកម្មភាព ហ្វឹកហ្វឺន និង សមយុទ្ធមួយចំនួនផងដែរ។ ប៉ុន្តែរុស្ស៊ីបានប្រាប់ថា ខ្លួនបារម្ភនិងឆ្ងល់ថាហេតុអ្វីបានជាន័រវែសចង់ឲ្យកងទ័ពអាមេរិកស្ថិតនៅលើទឹកដីខ្លួនដូច្នេះ។
យោងតាមទីភ្នាក់ងារព័ត៌មាន AFP ក្រសួងការពារជាតិន័រវែសបានបញ្ជាក់ថា កងទ័ពអាមេរិកទាំងនេះនឹងត្រូវឈរជើងនៅន័រវែសនៅខែមករាឆ្នាំក្រោយក្រោមក្របខណ្ឌរបស់ណាតូ ហើយវានឹងជួយពង្រឹងសមត្ថភាពកងទ័ពន័រវែសក៏ដូចជាសមាជិកណាតូផ្សេងទៀតផងដែរ។
រដ្ឋមន្ត្រីការពារជាតិ Ine Eriksen Soreide បានលើកឡើងថា៖« គំនិតផ្តួចផ្តើមរបស់អាមេរិកត្រូវបានទទួលស្វាគមន៍ និងសមស្របជាមួយដំណើរការរបស់បក្សសម្ព័ន្ធយោធាណាតូនាពេលបច្ចុប្បន្នដែលកំពុងព្យាយាមបង្កើនលំហាត់យោធា, ការហ្វឹកហ្វឺន និងសកម្មភាពយោធាផ្សេងទៀតក្នុងភាពជាដៃគូ»។
យ៉ាងណាក៏ដោយចុះ កងទ័ពអាមេរិកនឹងត្រូវឈរជើងនៅមិនឆ្ងាយប៉ុន្មានពីព្រំដែនរុស្ស៊ីឡើយ ដោយពីន័រវែសទៅរុស្ស៊ីមានចម្ងាយត្រឹម ១០០០គីឡូម៉ែត្រប៉ុណ្ណោះ។ ដូច្នេះហើយការបង្កើនវត្តមានកងទ័ពអាមេរិកនៅក្បែររុស្ស៊ី ពិតជាធ្វើឲ្យរុស្ស៊ីមិនសប្បាយចិត្តឡើយ ហើយម្យ៉ាងការពង្រាយកងទ័ពនេះធ្វើឡើងស្របពេលដែលភាពតានតឹងរវាងរុស្ស៊ីនិងលោកខាងលិចជាពិសេសសហរដ្ឋអាមេរិកតានតឹងខ្លាំងផងដែរនោះ។
តាំងពីយូរមកហើយ ទំនាក់ទំនងរវាងន័រវែសនិងរុស្ស៊ី នៅតែប្រសើរឡើងក្នុងឋានៈជាអ្នកជិតខាងគ្នានោះ។ ប៉ុន្តែវត្តមានទ័ពអាមេរិក មិនបានធ្វើឲ្យរុស្ស៊ីស្រួលចិត្តឡើយ ហើយវាក៏បង្កើតឲ្យមានភាពល្អក់កករក្នុងទំនាក់ទំនងទ្វេភាគីរវាងន័រវែសជាមួយរុស្ស៊ីទៀតផង។
កាលពីសប្តាហ៍មុន ស្ថានទូតរុស្ស៊ីប្រចាំទីក្រុងអូស្លូ (Oslo) បានលើកឡើងថា ខ្លួនភ្ញាក់ផ្អើលចំពោះគម្រោងដាក់តាំងទ័ពអាមេរិកនៅន័រវែសនេះដែរ។ ហើយមិនត្រឹមតែប៉ុណ្ណោះរុស្ស៊ីបានចោទសួរថា ហេតុអ្វីបានជារដ្ឋាភិបាលក្រុងអូស្លូ ចង់បង្កើនកងទ័ពរបស់អាមេរិកនៅលើទឹកដីខ្លួនបែបនេះ។
ពាក់ព័ន្ធការពង្រាយទ័ពអាមេរិកទៅកាន់ប្រទេសន័រវែសនេះ មន្ត្រីយោធាជើងចាស់ន័រវែស Jacob Borresen យល់ថាឃើញថា វាជាសញ្ញាអវិជ្ជមានមួយទៅរុស្ស៊ី។ លោកក៏ជឿជាក់ផងដែរថា សកម្មភាពនេះមិនខុសពីការព្យាយាមកសាងតំបន់ប្រឈមមុខដាក់គ្នារវាងមហាអំណាចដូចសម័យសង្គ្រាមត្រជាក់ឡើយ។
សូមបញ្ជាក់ថា បក្សសម្ព័ន្ធយោធាណាតូ បានព្យាយាមកសាងកម្លាំងទ័ពនៅតំបន់អឺរ៉ុបខាងកើតដែលជាប់ជាមួយរុស្ស៊ី ចាប់ពីឆ្នាំ ២០១៤ ពោលគឺក្រោយ ពេលដែលរុស្ស៊ីក្រសោបយកទឹកដី Crimea ពីអ៊ុយក្រែននេះ។ ហើយកាលពីខែកក្កដាកន្លងទៅនេះ ណាតូ បានប្រកាសពង្រាយទ័ពចំនួន៤ កងពលធំទៅកាន់តំបន់បាល់ទិកនិងប្រទេសប៉ូឡូញ ដែលមានព្រំដែនជាប់ជាមួយរុស្ស៊ីនោះថែមទៀតផង៕
រដ្ឋាភិបាលន័រវែសបានប្រកាសនៅថ្ងៃចន្ទទី ២៤ តុលាថា កងទ័ពអាមេរិកប្រហែល ៣៣០ នាក់នឹងត្រូវបញ្ជូនមកកាន់ប្រទេសនេះនៅពេលខាងមុខ ក្រោមគម្រោងពង្រាយកងទ័ពប្តូរវេន។ កងទ័ពទាំងនេះនឹងត្រូវចូលរួមក្នុងសកម្មភាព ហ្វឹកហ្វឺន និង សមយុទ្ធមួយចំនួនផងដែរ។ ប៉ុន្តែរុស្ស៊ីបានប្រាប់ថា ខ្លួនបារម្ភនិងឆ្ងល់ថាហេតុអ្វីបានជាន័រវែសចង់ឲ្យកងទ័ពអាមេរិកស្ថិតនៅលើទឹកដីខ្លួនដូច្នេះ។
យោងតាមទីភ្នាក់ងារព័ត៌មាន AFP ក្រសួងការពារជាតិន័រវែសបានបញ្ជាក់ថា កងទ័ពអាមេរិកទាំងនេះនឹងត្រូវឈរជើងនៅន័រវែសនៅខែមករាឆ្នាំក្រោយក្រោមក្របខណ្ឌរបស់ណាតូ ហើយវានឹងជួយពង្រឹងសមត្ថភាពកងទ័ពន័រវែសក៏ដូចជាសមាជិកណាតូផ្សេងទៀតផងដែរ។
រដ្ឋមន្ត្រីការពារជាតិ Ine Eriksen Soreide បានលើកឡើងថា៖« គំនិតផ្តួចផ្តើមរបស់អាមេរិកត្រូវបានទទួលស្វាគមន៍ និងសមស្របជាមួយដំណើរការរបស់បក្សសម្ព័ន្ធយោធាណាតូនាពេលបច្ចុប្បន្នដែលកំពុងព្យាយាមបង្កើនលំហាត់យោធា, ការហ្វឹកហ្វឺន និងសកម្មភាពយោធាផ្សេងទៀតក្នុងភាពជាដៃគូ»។
យ៉ាងណាក៏ដោយចុះ កងទ័ពអាមេរិកនឹងត្រូវឈរជើងនៅមិនឆ្ងាយប៉ុន្មានពីព្រំដែនរុស្ស៊ីឡើយ ដោយពីន័រវែសទៅរុស្ស៊ីមានចម្ងាយត្រឹម ១០០០គីឡូម៉ែត្រប៉ុណ្ណោះ។ ដូច្នេះហើយការបង្កើនវត្តមានកងទ័ពអាមេរិកនៅក្បែររុស្ស៊ី ពិតជាធ្វើឲ្យរុស្ស៊ីមិនសប្បាយចិត្តឡើយ ហើយម្យ៉ាងការពង្រាយកងទ័ពនេះធ្វើឡើងស្របពេលដែលភាពតានតឹងរវាងរុស្ស៊ីនិងលោកខាងលិចជាពិសេសសហរដ្ឋអាមេរិកតានតឹងខ្លាំងផងដែរនោះ។
តាំងពីយូរមកហើយ ទំនាក់ទំនងរវាងន័រវែសនិងរុស្ស៊ី នៅតែប្រសើរឡើងក្នុងឋានៈជាអ្នកជិតខាងគ្នានោះ។ ប៉ុន្តែវត្តមានទ័ពអាមេរិក មិនបានធ្វើឲ្យរុស្ស៊ីស្រួលចិត្តឡើយ ហើយវាក៏បង្កើតឲ្យមានភាពល្អក់កករក្នុងទំនាក់ទំនងទ្វេភាគីរវាងន័រវែសជាមួយរុស្ស៊ីទៀតផង។
កាលពីសប្តាហ៍មុន ស្ថានទូតរុស្ស៊ីប្រចាំទីក្រុងអូស្លូ (Oslo) បានលើកឡើងថា ខ្លួនភ្ញាក់ផ្អើលចំពោះគម្រោងដាក់តាំងទ័ពអាមេរិកនៅន័រវែសនេះដែរ។ ហើយមិនត្រឹមតែប៉ុណ្ណោះរុស្ស៊ីបានចោទសួរថា ហេតុអ្វីបានជារដ្ឋាភិបាលក្រុងអូស្លូ ចង់បង្កើនកងទ័ពរបស់អាមេរិកនៅលើទឹកដីខ្លួនបែបនេះ។
ពាក់ព័ន្ធការពង្រាយទ័ពអាមេរិកទៅកាន់ប្រទេសន័រវែសនេះ មន្ត្រីយោធាជើងចាស់ន័រវែស Jacob Borresen យល់ថាឃើញថា វាជាសញ្ញាអវិជ្ជមានមួយទៅរុស្ស៊ី។ លោកក៏ជឿជាក់ផងដែរថា សកម្មភាពនេះមិនខុសពីការព្យាយាមកសាងតំបន់ប្រឈមមុខដាក់គ្នារវាងមហាអំណាចដូចសម័យសង្គ្រាមត្រជាក់ឡើយ។
សូមបញ្ជាក់ថា បក្សសម្ព័ន្ធយោធាណាតូ បានព្យាយាមកសាងកម្លាំងទ័ពនៅតំបន់អឺរ៉ុបខាងកើតដែលជាប់ជាមួយរុស្ស៊ី ចាប់ពីឆ្នាំ ២០១៤ ពោលគឺក្រោយ ពេលដែលរុស្ស៊ីក្រសោបយកទឹកដី Crimea ពីអ៊ុយក្រែននេះ។ ហើយកាលពីខែកក្កដាកន្លងទៅនេះ ណាតូ បានប្រកាសពង្រាយទ័ពចំនួន៤ កងពលធំទៅកាន់តំបន់បាល់ទិកនិងប្រទេសប៉ូឡូញ ដែលមានព្រំដែនជាប់ជាមួយរុស្ស៊ីនោះថែមទៀតផង៕
Tag:
រុស្ស៊ី
ន័រវែស
អាមេរិក
Jacob Borresen
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
13 ម៉ោង
