កីឡាជាតិ
ជាតិ
កីឡាជាតិ៖ សម្តេច ហ៊ុន សែន អំពាវនាវក្រុមហ៊ុន និងស្ថាប័ននានាចងសម្ពន្ធជាមួយវិស័យកីឡា
×![]()
ដោយ: ថ្មីៗ
សម្តេចនាយករដ្ឋមន្ត្រី ហ៊ុន សែន បានថ្លែងលើវេទិកាបើកការប្រកួតកីឡាជាតិលើកទី១ អំពាវនាវក្រុមហ៊ុន និងស្ថាប័ននានាចងសម្ពន្ធជាមួយប្រភេទកីឡាណាមួយ ដើម្បីទ្រទ្រង់វិស័យកីឡាជាតិរឹតតែឈានឡើង។
សំឡេងសម្តេច ហ៊ុន សែន
សម្តេច ហ៊ុន សែន បានថ្លែងអំពាវក្នុងពិធីបើកការប្រកួតកីឡាជាតិលើកទីមួយ ឲ្យពលរដ្ឋម្នាក់លេងកីឡាមួយយ៉ាងតិច ជាពិសេស យុវជន និងកុមារ ដើម្បីសុខភាព និងជៀសវាងការសេពគ្រឿងញៀន ឬប្រព្រឹត្តអំពើខុសឆ្គងនានា។
ក្រៅពីអំពាវនាវពលរដ្ឋពីវេទិកាក្នុងពហុកីឡដ្ឋានជាតិនោះដែរ សម្តេចបានបន្តអំពាវនាវក្រុមហ៊ុន ឬស្ថាប័ននានា ឲ្យចងសម្ពន្ធភាពជាមួយប្រភេទកីឡាមួយ ឬច្រើនតាមលទ្ធភាព ដើម្បីជួយឧបត្ថម្ភកីឡាជាតិកម្ពុជាថែមទៀត។ សម្តេច ហ៊ុន សែន សង្ឃឹមថា ក្រុមហ៊ុន និងស្ថាប័ននានា នឹងចងសម្ពន្ធភាពគ្នាតាមការអំពាវនាវ ដើម្បីទ្រទ្រង់វិស័យកីឡាកម្ពុជាឲ្យកាន់តែរីកចំរើន។
លើសពីនេះ សម្តេច ហ៊ុន សែន បានសរសេរលើទំព័រហ្វេសប៊ុកថា សម្តេចជំនឿយ៉ាងមុតមាំថា កីឡាករកម្ពុជា នឹងទទួលជោគជ័យក្នុងការប្រកួតនានា ពិសេសគឺ ការប្រកួតកីឡាស៊ីហ្គេមក្នុងឆ្នាំ២០២៣ នៅកម្ពុជា។ «ខ្ញុំនៅតែមានជំនឿយ៉ាងមុតមាំថាក្មួយៗអាចធ្វើបាន ជាពិសេសក្នុងការដណ្តើមជោគជ័យ ទាំងនៅក្នុងការប្រកួតថ្ងៃនេះ និងនៅថ្ងៃប្រកួតកីឡាស៊ីហ្គេម ២០២៣ ខាងមុខ»។ សម្តេចសរសេរលើទំព័រហ្វេសប៊ុក៕
Tag:
កីឡាជាតិលើកទី១
© រក្សាសិទ្ធិដោយ thmeythmey.com
