ពីនេះ ពីនោះ
ដង្ហិតឈ្នាង គ្រាប់ទុំលីង ហើយកិនឲ្យម៉ត់ អាចឆុងផឹកជំនួសកាហ្វេ និងតែបាន
× Cassia tora L
ដង្ហិតឈ្នាង ឬដង្ហិតខ្មោច គឺជាឈ្មោះស្មៅរឹង ម្យ៉ាងដែលអាចមានកម្ពស់ រហូតដល់ ១ម៉ែត្រ។ ស្មៅនេះ មានដើមកំណើតប្រហែលនៅប្រទេសអាមេរិកខាងត្បូង ហើយត្រូវបានគេនាំទៅដាំ នៅគ្រប់ប្រទេសក្ដៅក្នុងសកលលោក។ ក្នុងពេលបច្ចុប្បន្ននេះ វាអាចដុះឯងៗតាមមាត់ផ្លូវ និងលើដីវាល។
ស្មៅដង្ហិតឈ្នាង ឬដង្ហិតខ្មោចនេះ គេអាចយកទឹកគ្រាប់ខ្ចីៗ មកធ្វើជាថ្នាំបន្តក់ភ្នែកបាន។ ចំណែកគ្រាប់ទុំលីង ហើយកិនឲ្យម៉ត់ អាចឆុងផឹកជំនួសកាហ្វេ ឬតែបាន។ បន្ថែមពីនេះ គេតែងយកសំពត់ត្រាំក្នុងទឹកស្ងោរគ្រាប់ដង្ហិតឈ្នាង ឬដង្ហិតខ្មោច ដើម្បីឲ្យមានពណ៌ខៀវជាប់ល្អ មុននឹងធ្វើការជ្រលក់ពណ៌។
ចំណែក ស្លឹកខ្ចីៗ ឬមែក គេអាចយកមកស្ងោរ ដើម្បីយកមកធ្វើជាថ្នាំបញ្ចុះ ឬជាថ្នាំលើកកម្លាំង។ ចំណែកទឹកស្ងោរដដែលនេះ គេអាចយកទៅព្យាបាលជំងឺសើរស្បែកផងដែរ។
ដកស្រង់ពីសៀវភៅ៖ វចនានុក្រម ការប្រើប្រាស់រុក្ខជាតិក្នុងប្រទេសកម្ពុជា,រក្សាសិទ្ធិអ្នកគ្រូ ឌី ផុន
Tag:
រុក្ខជាតិនៅកម្ពុជា
© រក្សាសិទ្ធិដោយ thmeythmey.com