ពីនេះ ពីនោះ
តើខុសទេបើសរសេរ«ល័ក្ខខ័ណ្ឌ» មិនសរសេរពាក្យ «លក្ខខណ្ឌ»?
× ភ្នំពេញ៖ ក្នុងពេលបច្ចុប្បន្ននេះ ពាក្យ«ល័ក្ខខ័ណ្ឌ» ដូចមិនសូវឃើញមានអ្នកសរសេរនោះទេ ប៉ុន្តែភាគច្រើនគឺសរសេរពាក្យ«លក្ខខណ្ឌ»។ ហេតុអ្វីបានជាមិនហ៊ានសរសេរពាក្យ«ល័ក្ខខ័ណ្ឌ»? ឬមួយក៏ពាក្យមួយខុស ពុំមានក្នុងវចនានុក្រមខ្មែររបស់សម្ដេចព្រះសង្ឃរាជ ជួន ណាត?
តាមការពិតពាក្យថា«លក្ខខណ្ឌ» និងល័ក្ខខ័ណ្ឌ» គឺអាចសរសេរបានដូចគ្នា និងត្រឹមត្រូវដូចគ្នា។ មូលហេតុគឺ នៅពេលដែលអ្នកជំនាញធ្វើខេមរយានកម្មលើភាសាខ្មែរ បានយកវចនានុក្រមខ្មែរពុទ្ធសាសនបណ្ឌិត្យបោះពុម្ពលើកទី៥(១៩៦៧-៦៨) ធ្វើជាគោល ហើយកាលនោះបានជ្រើសយកពាក្យងាយៗមួយចំនួន ដែលអាចសរសេរបានពីរយ៉ាងមកប្រើ និងសរសេរ។ ហេតុនេះរវាងពាក្យទាំងពីរនេះសរសេរមួយណាក៏មិនខុសដែរ។
ពាក្យ«លក្ខខណ្ឌ ឬ ល័ក្ខខ័ណ្ឌ» មានថ្នាក់ពាក្យជា នាម មានន័យថា កម្រិតៈ សង្កាត់, ប៉ែកដោយឡែក, កំណត់គោល, ព្រំ។ ឧទាហរណ៍៖ ទីមានល័ក្ខខ័ណ្ឌ, សម្ដីមានល័ក្ខខ័ណ្ឌ, ត្រូវធ្វើលក្ខខណ្ឌឲ្យទៀងទាត់។
ដកស្រង់ពីសៀវភៅវចនានុក្រមខ្មែររបស់សម្ដេចព្រះសង្ឃរាជ ជួន ណាត
© រក្សាសិទ្ធិដោយ thmeythmey.com