អន្តរជាតិ
×![]()
ដោយ: ថ្មីៗ
លោក ណាជីប រ៉ាហ្សាក់ បានរិះគន់ប្រទេសលោកខាងលិច ដោយស្នើឲ្យប្រទេសទាំងនោះឈប់បង្រៀនប្រទេសដទៃ និងឈប់លូកលាន់ចូលកិច្ចការផ្ទៃក្នុងប្រទេសដទៃទៀតទៅ។ លោករិះគន់លោកខាងលិចបែបនេះក្នុងពេលបំពេញទស្សនកិច្ចទៅកាន់ប្រទេសចិនក្នុងគោលដៅពង្រឹងកិច្ចសហប្រតិបត្តិការទ្វេភាគីរវាងប្រទេសទាំងពីរ។
សូមស្ដាប់ព័ត៌មានលម្អិត៖
នាយករដ្ឋមន្ត្រីម៉ាឡេស៊ី ណាជីប រ៉ាហ្សាក់ បានទិតៀនបណ្តាប្រទេសលោកលិច ក្នុងពេលលោកបំពេញទស្សនកិច្ចទៅកាន់ប្រទេសចិនរយៈពេលមួយសប្តាហ៍នោះ។ មេដឹកនាំប្រទេសអាស៊ីអាគ្នេយ៍រូបនេះបានស្នើឲ្យលោកខាងលិចរួមទាំងបណ្តាម្ចាស់អាណានិគមផងនោះបញ្ចប់ រាល់ចេតនាលូកដៃចូលក្នុងកិច្ចការផ្ទៃក្នុងប្រទេសតូចៗដទៃទៀត និងចាត់ទុកប្រទេសតូចៗជារដ្ឋស្មើមុខស្មើមាត់ជាមួយខ្លួនផងដែរ។
សារព័ត៌មានរដ្ឋចិន China Daily បានស្រង់សម្តីនាយករដ្ឋមន្ត្រីម៉ាឡេស៊ីខាងលើថា៖ «ប្រទេសលោកខាងលិចរួមទាំងម្ចាស់អាណានិគមផងគួរឈប់លូកលាន់កិច្ចការផ្ទៃក្នុងប្រទេសដទៃ។ វាមិនមែនជារឿងសមហេតុផលឡើយដែលពួកគេត្រូវបង្រៀនប្រទេសដទៃដែលពួកគេធ្លាប់កេងប្រវ័ញ្ចពីអតីតកាលឲ្យធ្វើអ្វីមួយដែលជាកិច្ចការផ្ទៃក្នុងរបស់គេនោះ»។
សូមរម្លឹកបន្តិចដែរថា ម៉ាឡេស៊ីជារដ្ឋដែលធ្លាប់ស្ថិតនៅក្រោមអាណានិគមរបស់អង់គ្លេស។ ប៉ុន្តែការលើកឡើងរបស់នាយករដ្ឋមន្ត្រីម៉ាឡេស៊ីនេះ ជាការវាយប្រហារលើសហរដ្ឋអាមេរិកច្រើនជាង និងដើម្បីផ្គាប់ចិត្តក្រុងប៉េកាំង។ ប្រមុខរដ្ឋាភិបាលរូបនេះ មានរឿងសៅហ្មងខ្លាំងជាមួយអាមេរិកកន្លងមក ដោយសារសំណុំរឿងពុករលួយនៅក្រុមហ៊ុនវិនិយោគរដ្ឋម៉ាឡេស៊ី។ ហើយរដ្ឋាភិបាលលោក ណាជីប រ៉ាហ្សាក់ព្យាយាមពង្រឹងទំនាក់ទំនងជាមួយចិនវិញម្តង។
គេដឹងច្បាស់ថា នាយករដ្ឋមន្ត្រីម៉ាឡេស៊ីខាងលើ ប្រឹងងាកទៅរកចិនខ្លាំងនៅពេលនេះ ក៏ដោយសារការធ្លាក់ចុះនៃភាពស្និទ្ធស្នាលរវាងលោកខាងលិចជាពិសេសហរដ្ឋអាមេរិកជាមួយម៉ាឡេស៊ីក្នុងរយៈពេលចុងក្រោយនេះដែរ។ អ្វីដែលគួរដឹងគឺ ក្រសួងយុត្តិធម៌អាមេរិកបានដាក់បណ្តឹងមួយទាក់ទងការស៊ើបអង្កេតរឿងលាងលុយកង្វក់នៅក្រុមហ៊ុនវិនិយោគរបស់រដ្ឋម៉ាឡេស៊ី ( 1MDB) ដែលវាពាក់ព័ន្ធនាយករដ្ឋមន្ត្រីម៉ាឡេស៊ីខាងលើដែរ។ ប៉ុន្តែលោក នាយករដ្ឋមន្ត្រីម៉ាឡេស៊ី បានបដិសេធការចោទប្រកាន់ដោយអះអាងថា លោកមិនបានជាប់ពាក់ព័ន្ធជាមួយករណីលាងលុយកខ្វក់នេះឡើយ។ លោកបានទិតៀនបណ្តឹងក្រសួងយុត្តិធម៌អាមេរិក ដោយលោកចាត់ទុកថា វាជាការលូកលាន់របស់បរទេសចូលក្នុងកិច្ចការផ្ទៃក្នុងម៉ាឡេស៊ី។ ប៉ុន្តែទោះជាយ៉ាងណាក៏ដោយ រដ្ឋាភិបាលលោកសុខចិត្តសហការជាមួយអាមេរិកដើម្បីស៊ើបអង្កេតបញ្ហានេះ។
ក្រៅពីរិះគន់លោកខាងលិច ម៉ាឡេស៊ីបានបង្ហាញគោលជំហរដោះស្រាយជម្លោះសមុទ្រចិនខាងត្បូងដោយការចរចា ស្របតាមច្បាប់អន្តរជាតិផងដែរ។
លោក ណាជីប រ៉ាហ្សាក់បានថ្លែងថា៖ «នៅពេលដែលនិយាយដល់បញ្ហាសមុទ្រចិនខាងត្បូង យើងជឿជាក់ថា ជម្លោះនេះត្រូវដោះស្រាយដោយការពិភាក្សា ស្របតាមច្បាប់អន្តរជាតិនិងការដោះស្រាយជម្លោះដោយសន្តិវិធីផងដែរ»។
ពាក់ព័ន្ធបញ្ហានេះ អនុរដ្ឋមន្ត្រីការបរទេសចិន Liu Zhenmin បានលើកឡើងស្រដៀងគ្នាថា ម៉ាឡេស៊ីនិងចិនសុទ្ធតែបានឯកភាពគ្នាលើការចរចាទ្វេភាគីដើម្បីដោះស្រាយ សំណុំរឿងសមុទ្រចិនខាងត្បូង៕
សូមស្ដាប់ព័ត៌មានលម្អិត៖
នាយករដ្ឋមន្ត្រីម៉ាឡេស៊ី ណាជីប រ៉ាហ្សាក់ បានទិតៀនបណ្តាប្រទេសលោកលិច ក្នុងពេលលោកបំពេញទស្សនកិច្ចទៅកាន់ប្រទេសចិនរយៈពេលមួយសប្តាហ៍នោះ។ មេដឹកនាំប្រទេសអាស៊ីអាគ្នេយ៍រូបនេះបានស្នើឲ្យលោកខាងលិចរួមទាំងបណ្តាម្ចាស់អាណានិគមផងនោះបញ្ចប់ រាល់ចេតនាលូកដៃចូលក្នុងកិច្ចការផ្ទៃក្នុងប្រទេសតូចៗដទៃទៀត និងចាត់ទុកប្រទេសតូចៗជារដ្ឋស្មើមុខស្មើមាត់ជាមួយខ្លួនផងដែរ។
សារព័ត៌មានរដ្ឋចិន China Daily បានស្រង់សម្តីនាយករដ្ឋមន្ត្រីម៉ាឡេស៊ីខាងលើថា៖ «ប្រទេសលោកខាងលិចរួមទាំងម្ចាស់អាណានិគមផងគួរឈប់លូកលាន់កិច្ចការផ្ទៃក្នុងប្រទេសដទៃ។ វាមិនមែនជារឿងសមហេតុផលឡើយដែលពួកគេត្រូវបង្រៀនប្រទេសដទៃដែលពួកគេធ្លាប់កេងប្រវ័ញ្ចពីអតីតកាលឲ្យធ្វើអ្វីមួយដែលជាកិច្ចការផ្ទៃក្នុងរបស់គេនោះ»។
សូមរម្លឹកបន្តិចដែរថា ម៉ាឡេស៊ីជារដ្ឋដែលធ្លាប់ស្ថិតនៅក្រោមអាណានិគមរបស់អង់គ្លេស។ ប៉ុន្តែការលើកឡើងរបស់នាយករដ្ឋមន្ត្រីម៉ាឡេស៊ីនេះ ជាការវាយប្រហារលើសហរដ្ឋអាមេរិកច្រើនជាង និងដើម្បីផ្គាប់ចិត្តក្រុងប៉េកាំង។ ប្រមុខរដ្ឋាភិបាលរូបនេះ មានរឿងសៅហ្មងខ្លាំងជាមួយអាមេរិកកន្លងមក ដោយសារសំណុំរឿងពុករលួយនៅក្រុមហ៊ុនវិនិយោគរដ្ឋម៉ាឡេស៊ី។ ហើយរដ្ឋាភិបាលលោក ណាជីប រ៉ាហ្សាក់ព្យាយាមពង្រឹងទំនាក់ទំនងជាមួយចិនវិញម្តង។
គេដឹងច្បាស់ថា នាយករដ្ឋមន្ត្រីម៉ាឡេស៊ីខាងលើ ប្រឹងងាកទៅរកចិនខ្លាំងនៅពេលនេះ ក៏ដោយសារការធ្លាក់ចុះនៃភាពស្និទ្ធស្នាលរវាងលោកខាងលិចជាពិសេសហរដ្ឋអាមេរិកជាមួយម៉ាឡេស៊ីក្នុងរយៈពេលចុងក្រោយនេះដែរ។ អ្វីដែលគួរដឹងគឺ ក្រសួងយុត្តិធម៌អាមេរិកបានដាក់បណ្តឹងមួយទាក់ទងការស៊ើបអង្កេតរឿងលាងលុយកង្វក់នៅក្រុមហ៊ុនវិនិយោគរបស់រដ្ឋម៉ាឡេស៊ី ( 1MDB) ដែលវាពាក់ព័ន្ធនាយករដ្ឋមន្ត្រីម៉ាឡេស៊ីខាងលើដែរ។ ប៉ុន្តែលោក នាយករដ្ឋមន្ត្រីម៉ាឡេស៊ី បានបដិសេធការចោទប្រកាន់ដោយអះអាងថា លោកមិនបានជាប់ពាក់ព័ន្ធជាមួយករណីលាងលុយកខ្វក់នេះឡើយ។ លោកបានទិតៀនបណ្តឹងក្រសួងយុត្តិធម៌អាមេរិក ដោយលោកចាត់ទុកថា វាជាការលូកលាន់របស់បរទេសចូលក្នុងកិច្ចការផ្ទៃក្នុងម៉ាឡេស៊ី។ ប៉ុន្តែទោះជាយ៉ាងណាក៏ដោយ រដ្ឋាភិបាលលោកសុខចិត្តសហការជាមួយអាមេរិកដើម្បីស៊ើបអង្កេតបញ្ហានេះ។
ក្រៅពីរិះគន់លោកខាងលិច ម៉ាឡេស៊ីបានបង្ហាញគោលជំហរដោះស្រាយជម្លោះសមុទ្រចិនខាងត្បូងដោយការចរចា ស្របតាមច្បាប់អន្តរជាតិផងដែរ។
លោក ណាជីប រ៉ាហ្សាក់បានថ្លែងថា៖ «នៅពេលដែលនិយាយដល់បញ្ហាសមុទ្រចិនខាងត្បូង យើងជឿជាក់ថា ជម្លោះនេះត្រូវដោះស្រាយដោយការពិភាក្សា ស្របតាមច្បាប់អន្តរជាតិនិងការដោះស្រាយជម្លោះដោយសន្តិវិធីផងដែរ»។
ពាក់ព័ន្ធបញ្ហានេះ អនុរដ្ឋមន្ត្រីការបរទេសចិន Liu Zhenmin បានលើកឡើងស្រដៀងគ្នាថា ម៉ាឡេស៊ីនិងចិនសុទ្ធតែបានឯកភាពគ្នាលើការចរចាទ្វេភាគីដើម្បីដោះស្រាយ សំណុំរឿងសមុទ្រចិនខាងត្បូង៕
© រក្សាសិទ្ធិដោយ thmeythmey.com
