អន្តរជាតិ
នយោបាយអន្តរជាតិ
×![]()
ដោយ: ថ្មីៗ
របាយការណ៍ស្ទង់មតិសារព័ត៌មានABC បង្ហាញថា លោក ដូណាល់ ត្រាំ នាំមុខលោកស្រី ហ៊ីឡារី គ្លីនតុន ដែលវាបញ្ជាក់ថា សេដ្ឋីរូបនេះនៅមានលទ្ធភាព ទៅឈ្នះឆ្នោតថ្ងៃ ៨ វិច្ឆិកាខាងមុខ។ យ៉ាងណាក៏ដោយ ដើម្បីឈានទៅឈ្នះឆ្នោត លោក ដូណាល់ ត្រាំ ត្រូវដណ្តើមសមភូមិនយោបាយសំខាន់រួមទាំងរដ្ឋដែលគាំទ្រគណបក្សប្រជាធិបតេយ្យជាប្រពៃណី និងរដ្ឋដែលបក្សទាំងពីរមានសំឡេងប្រហាក់ប្រហែលគ្នាដែរ។
លោក ដូណាល់ ត្រាំ កាន់តែឡើងចាង ក្រោយរបាយការណ៍ស្ទង់មតិមួយរៀបចំឡើងដោយសារព័ត៌មានរកឃើញថា លោកបានទទួលការគាំទ្រនាំមុខលោកស្រី ហ៊ីឡារី គ្លីនតុន។ របាយការណ៍បង្ហាញថា លោក ដូណាល់ ត្រាំ បានទទួលសំឡេងគាំទ្រ ៤៦ភាគរយ ខណៈលោកស្រី ហ៊ីឡារី គ្លីនតុនបានត្រឹមតែ ៤៥ ភាគរយប៉ុណ្ណោះ។
យោងតាមទីភ្នាក់ងារព័ត៌មាន AFP ប្រជាប្រិយភាពរបស់លោក ហាក់បីដូចជាកើនឡើង ស្របពេលដែលលោកស្រី ហ៊ីឡារី គ្លីនតុន កំពុងប្រឈមមុខរឿងអាស្រូវអ៊ីម៉ែលជាថ្មី ក្រោយស្ថាប័ន FBI ប្រកាសបើកការស៊ើបអង្កេតបន្តនោះ។ ហើយគេមើលឃើញថា លោក ដូណាល់ ត្រាំ ព្យាយាមទាញយកប្រយោជន៍នយោបាយច្រើនពីបញ្ហារឿងអាស្រូវនេះដែរ។
យ៉ាងណាក៏ដោយចុះ គេឃើញមានរបាយការណ៍ស្ទង់មតិខុសៗគ្នាច្រើនពាក់ព័ន្ធប្រជាប្រិយភាពរបស់បេក្ខជនប្រធានាធិបតីអាមេរិកទាំងពីរនេះ។ ជាទូទៅ រឿងអាស្រូវផ្ទាល់ខ្លួនរបស់លោក ដូណាល់ ត្រាំ ក៏នៅតែបញ្ហា ហើយការយកឈ្នះលើលោកស្រី ហ៊ីឡារី គ្លីនតុន នៅថ្ងៃ ៨ វិច្ឆិកាខាងមុខ វាអាចនឹងលំបាកបន្តិចដែរ។
អ្នកជំនាញបានអះអាងថា ដើម្បីឈានទៅទទួលជ័យជម្នះថ្ងៃបោះឆ្នោត លោក ដូណាល់ ត្រាំ ប្រហែលជាត្រូវសម្រេចឲ្យបាននូវរឿងលំបាកមួយចំនួនដូចជា ដណ្តើមឲ្យបានយ៉ាងហោចណាស់រដ្ឋដែលតែងបោះឆ្នោតឲ្យបក្សប្រជាធិបតេយ្យជាលក្ខណៈប្រពៃណីចំនួនមួយ និង រដ្ឋមួយចំនួនដែលមានចំនួនអ្នកគាំទ្របក្សទាំងពីរប្រហាក់ប្រហែលគ្នាផងដែរនោះ។
កាលពីថ្ងៃអង្គារទី ១ វិច្ឆិកាម្សិលមិញ លោក ដូណាល់ ត្រាំ បានចុះទៅឃោសនានៅរដ្ឋ Wisconsin ដើម្បីទាក់ទាញការគាំទ្រជាពិសេសពីបណ្តាសមាជិកបក្សប្រជាធិបតេយ្យតែម្តង។ រដ្ឋ Wisconsin ជាសមរភូមិសំខាន់ព្រោះរដ្ឋមួយនេះហើយជួយលោក បារ៉ាក់ អូបាម៉ាឲ្យត្រឡប់ទៅកាន់អំណាចជាប្រធានាធិបតីជាលើកទី២ ក្នុងឆ្នាំ ២០១២ នោះ ក្រោយលោកទទួលបានតំណាងអ្នកបោះឆ្នោតជ្រើសរើសប្រធានាធិបតីចំនួន ១០ នាក់នោះ។
ហើយកាលថ្ងៃអង្គារនោះដែរ សេដ្ឋីអចលនទ្រព្យរូបនេះបានទៅឃោសនានៅក្រុង King of Prussia ដែលស្ថិតនៅក្នុងរដ្ឋ Pennsylvania។ លោកបានផ្តល់សុន្ទរកថារៀបរាប់ពីគោលនយោបាយពន្ធរបស់លោកនៅទីនោះដោយសារវាសមរភូមិនយោបាយសំខាន់មួយដែលអាចជួយលោកឲ្យឈ្នះតំណែងប្រធានាធិបតីនោះ។
លោកបានថ្លែងទៅកាន់អ្នកគាំទ្រថា៖«ផែនការពន្ធរបស់យើងគឺបញ្ចុះកម្រិតពន្ធរហូតដល់ ៣៥ ភាគរយសម្រាប់គ្រួសារវណ្ណៈកណ្តាដែលមានកូនពីរនាក់។ប្រជាជនដែលស្ថិតនៅវណ្ណៈកណ្តាលមិនទទួលបានការគោរពឲ្យត្រឹមត្រូវទេ ដែលវាជាអ្វីដែលខ្ញុំចង់ប្រាប់អ្នកទាំងអស់គ្នានៅពេលនេះ»។
ដូច្នេះ បើសិនជាលោក ដូណាល់ ត្រាំ អាចរក្សាបាននូវរដ្ឋដែលមាននិន្នាការគាំទ្រគណបក្សសាធារណរដ្ឋ និងអាចដណ្តើមរដ្ឋដែលជាសមរភូមិនយោបាយសំខាន់ប្រទាញប្រទង់គ្នារវាងបក្សទាំងពីរផងនោះ លទ្ធភាពនៃការឈានទៅឈ្នះឆ្នោតមាននឹងកាន់តែច្រើន។ យ៉ាងណាក៏ដោយចុះ របាយការណ៍វាយស្ទង់មតិនិងព្យាករណ៍ពាក់ព័ន្ធការបោះឆ្នោតសុទ្ធតែខុសគ្នា។ របាយការណ៍និងទិន្នន័យរបស់សារព័ត៌មាន New York Times សន្និដ្ឋានថា ឱកាសរហូតដល់ ៨៨ភាគរយ ដែលលោកស្រី ហ៊ីឡារី គ្លីនតុន អាចឈ្នះឆ្នោត ខណៈណារបាយការណ៍ខាងគេហទំព័រ FiveThirtyEight បង្ហាញថា លោកស្រី អាចមានឱកាសត្រឹម ៧៤ ភាគរយ ឈ្នះឆ្នោត៕
លោក ដូណាល់ ត្រាំ កាន់តែឡើងចាង ក្រោយរបាយការណ៍ស្ទង់មតិមួយរៀបចំឡើងដោយសារព័ត៌មានរកឃើញថា លោកបានទទួលការគាំទ្រនាំមុខលោកស្រី ហ៊ីឡារី គ្លីនតុន។ របាយការណ៍បង្ហាញថា លោក ដូណាល់ ត្រាំ បានទទួលសំឡេងគាំទ្រ ៤៦ភាគរយ ខណៈលោកស្រី ហ៊ីឡារី គ្លីនតុនបានត្រឹមតែ ៤៥ ភាគរយប៉ុណ្ណោះ។
យោងតាមទីភ្នាក់ងារព័ត៌មាន AFP ប្រជាប្រិយភាពរបស់លោក ហាក់បីដូចជាកើនឡើង ស្របពេលដែលលោកស្រី ហ៊ីឡារី គ្លីនតុន កំពុងប្រឈមមុខរឿងអាស្រូវអ៊ីម៉ែលជាថ្មី ក្រោយស្ថាប័ន FBI ប្រកាសបើកការស៊ើបអង្កេតបន្តនោះ។ ហើយគេមើលឃើញថា លោក ដូណាល់ ត្រាំ ព្យាយាមទាញយកប្រយោជន៍នយោបាយច្រើនពីបញ្ហារឿងអាស្រូវនេះដែរ។
យ៉ាងណាក៏ដោយចុះ គេឃើញមានរបាយការណ៍ស្ទង់មតិខុសៗគ្នាច្រើនពាក់ព័ន្ធប្រជាប្រិយភាពរបស់បេក្ខជនប្រធានាធិបតីអាមេរិកទាំងពីរនេះ។ ជាទូទៅ រឿងអាស្រូវផ្ទាល់ខ្លួនរបស់លោក ដូណាល់ ត្រាំ ក៏នៅតែបញ្ហា ហើយការយកឈ្នះលើលោកស្រី ហ៊ីឡារី គ្លីនតុន នៅថ្ងៃ ៨ វិច្ឆិកាខាងមុខ វាអាចនឹងលំបាកបន្តិចដែរ។
អ្នកជំនាញបានអះអាងថា ដើម្បីឈានទៅទទួលជ័យជម្នះថ្ងៃបោះឆ្នោត លោក ដូណាល់ ត្រាំ ប្រហែលជាត្រូវសម្រេចឲ្យបាននូវរឿងលំបាកមួយចំនួនដូចជា ដណ្តើមឲ្យបានយ៉ាងហោចណាស់រដ្ឋដែលតែងបោះឆ្នោតឲ្យបក្សប្រជាធិបតេយ្យជាលក្ខណៈប្រពៃណីចំនួនមួយ និង រដ្ឋមួយចំនួនដែលមានចំនួនអ្នកគាំទ្របក្សទាំងពីរប្រហាក់ប្រហែលគ្នាផងដែរនោះ។
កាលពីថ្ងៃអង្គារទី ១ វិច្ឆិកាម្សិលមិញ លោក ដូណាល់ ត្រាំ បានចុះទៅឃោសនានៅរដ្ឋ Wisconsin ដើម្បីទាក់ទាញការគាំទ្រជាពិសេសពីបណ្តាសមាជិកបក្សប្រជាធិបតេយ្យតែម្តង។ រដ្ឋ Wisconsin ជាសមរភូមិសំខាន់ព្រោះរដ្ឋមួយនេះហើយជួយលោក បារ៉ាក់ អូបាម៉ាឲ្យត្រឡប់ទៅកាន់អំណាចជាប្រធានាធិបតីជាលើកទី២ ក្នុងឆ្នាំ ២០១២ នោះ ក្រោយលោកទទួលបានតំណាងអ្នកបោះឆ្នោតជ្រើសរើសប្រធានាធិបតីចំនួន ១០ នាក់នោះ។
ហើយកាលថ្ងៃអង្គារនោះដែរ សេដ្ឋីអចលនទ្រព្យរូបនេះបានទៅឃោសនានៅក្រុង King of Prussia ដែលស្ថិតនៅក្នុងរដ្ឋ Pennsylvania។ លោកបានផ្តល់សុន្ទរកថារៀបរាប់ពីគោលនយោបាយពន្ធរបស់លោកនៅទីនោះដោយសារវាសមរភូមិនយោបាយសំខាន់មួយដែលអាចជួយលោកឲ្យឈ្នះតំណែងប្រធានាធិបតីនោះ។
លោកបានថ្លែងទៅកាន់អ្នកគាំទ្រថា៖«ផែនការពន្ធរបស់យើងគឺបញ្ចុះកម្រិតពន្ធរហូតដល់ ៣៥ ភាគរយសម្រាប់គ្រួសារវណ្ណៈកណ្តាដែលមានកូនពីរនាក់។ប្រជាជនដែលស្ថិតនៅវណ្ណៈកណ្តាលមិនទទួលបានការគោរពឲ្យត្រឹមត្រូវទេ ដែលវាជាអ្វីដែលខ្ញុំចង់ប្រាប់អ្នកទាំងអស់គ្នានៅពេលនេះ»។
ដូច្នេះ បើសិនជាលោក ដូណាល់ ត្រាំ អាចរក្សាបាននូវរដ្ឋដែលមាននិន្នាការគាំទ្រគណបក្សសាធារណរដ្ឋ និងអាចដណ្តើមរដ្ឋដែលជាសមរភូមិនយោបាយសំខាន់ប្រទាញប្រទង់គ្នារវាងបក្សទាំងពីរផងនោះ លទ្ធភាពនៃការឈានទៅឈ្នះឆ្នោតមាននឹងកាន់តែច្រើន។ យ៉ាងណាក៏ដោយចុះ របាយការណ៍វាយស្ទង់មតិនិងព្យាករណ៍ពាក់ព័ន្ធការបោះឆ្នោតសុទ្ធតែខុសគ្នា។ របាយការណ៍និងទិន្នន័យរបស់សារព័ត៌មាន New York Times សន្និដ្ឋានថា ឱកាសរហូតដល់ ៨៨ភាគរយ ដែលលោកស្រី ហ៊ីឡារី គ្លីនតុន អាចឈ្នះឆ្នោត ខណៈណារបាយការណ៍ខាងគេហទំព័រ FiveThirtyEight បង្ហាញថា លោកស្រី អាចមានឱកាសត្រឹម ៧៤ ភាគរយ ឈ្នះឆ្នោត៕
Tag:
ដូណាល់ ត្រាំ
ហ៊ីឡារី គ្លីនតុន
© រក្សាសិទ្ធិដោយ thmeythmey.com
